پی ایس ایل 10 فائنل شو ڈاؤن، کوئٹہ یا لاہور؟ فیصلہ کن معرکہ آج ہو گا
اشاعت کی تاریخ: 25th, May 2025 GMT
کراچی:
ایچ بی ایل پی ایس ایل 10 کی چمچماتی ٹرافی کیلیے 6 ٹیموں کی جنگ 2 تک سمٹ آئی، اتوار کو لاہور قلندرز اور کوئٹہ گلیڈی ایٹرز کے درمیان فیصلہ کن معرکہ ہوگا.
تفصیلات کے مطابق ایچ بی ایل پی ایس ایل 10 کا فائنل آج کی شب لاہور کے قذافی اسٹیڈیم میں کھیلا جائے گا، قلندرز نے سب سے آخر میں پلے آف میں جگہ بنائی مگر پہلے کراچی کنگز اور بعد میں کوالیفائر 2 میں ٹورنامنٹ کی مضبوط سمجھی جانے والی دفاعی چیمپئن ٹیم اسلام آباد کو مات دے کر فائنل میں جگہ بنائی.
بھارتی جارحیت پر لیگ کی معطلی کے بعد قلندرز کو اہم غیرملکی کھلاڑیوں کی عدم دستیابی کا سامنا کرنا پڑا، سیم بلنگز، ڈیرل مچل اور ڈیوڈ ویزا لوٹ کر نہیں آئے، سکندر رضا آئے تو مگر صرف ایک ہی میچ بعد وہ انگلینڈ سے ٹیسٹ میں زمبابوے کی نمائندگی کیلیے چلے گئے۔
مزید پڑھیں: پی ایس ایل 10: فائنل میں پاک بحریہ کو خراج تحسین پیش کیا جائیگا
لاہور قلندرز کو یکے بعد دیگر2 ٹائٹلز جتوانے میں اہم کردار ادا کرنے والے حارث رؤف اور زمان خان اس بار بجھے بجھے دکھائی دیے، دونوں کافی مہنگے بھی ثابت ہوئے، ان خالی جگہوں کو پْر کرنے کیلیے قلندرز نے سری لنکن جوڑی کوشل پریرا اور بھانوکا راجاپکسے کی خدمات حاصل کیں، جنھوں نے بالترتیب 3 اور 4 ماہ سے ایک بھی ٹی 20 میچ نہیں کھیلا تھا مگر دونوں نے جمعے کو یونائیٹڈ کے خلاف مشترکہ طور پر 48 بالز پر 83 رنز بنائے.
اسی طرح 18 ماہ قبل زمبابوے کے لوگان کپ میں فرسٹ کلاس ڈیبیو کرنے والے 31 سالہ سلمان مرزا نے بھی 3 میچز میں 7 وکٹیں لے کر قلندرز کے آگے بڑھنے میں اہم کردار کیا، فخر زمان اور عبداللہ شفیق کے ساتھ محمد نعیم بیٹنگ میں صلاحیتوں کا اظہار کرچکے، ان تمام پلیئرز پر قلندرز کا فیصلہ کن معرکے میں بھی انحصار ہوگا، شاہین آفریدی نے قائدانہ صلاحیتوں، فارم، پیس اور فٹنس پر کیے جانے والے اعتراضات کا جواب فیلڈ میں دیا.
انھوں نے یونائیٹڈ کے خلاف انتہائی کفایتی بولنگ کرتے ہوئے 3 وکٹیں بھی اڑائیں ، اب ان کی نگاہیں ٹیم کو 4 برس میں تیسرا ٹائٹل جتوانے پر مرکوز ہیں۔ دوسری جانب کوئٹہ گلیڈی ایٹرز لگاتار 7 میچز سے ناقابل شکست ہیں ، اس نے خود کو ٹائٹل کا مضبوط امیدوار ثابت کیا.
مزید پڑھیں: ہمیں مکمل یقین ہے کہ ہم فائنل جیتیں گے، شاہین شاہ آفریدی
ابتدائی 3 میچز میں صرف ایک فتح حاصل کرنے والی ٹیم نے لیگ راؤنڈ کے باقی 6 میچز جیت کر پلے آف میں جگہ بنائی ، پھر کوالیفائر ون میں اسلام آباد یونائیٹڈ کو زیر کرکے فیصلہ کن معرکے میں نشست بک کرالی.
2019 میں ٹرافی جیتنے والی ٹیم کوئٹہ کی نگاہیں دوسرے ٹائٹل پر مرکوز ہیں، اس ٹیم کی خوش نصیبی یہ بھی ہے کہ پی ایس ایل کی رواں سیزن میں معطلی کے باوجود اہم ترین اوورسیز کھلاڑی فن ایلن اور رائیلی روسو واپس لوٹ آئے.
اسی طرح سری لنکن جوڑی اویشکا فرنانڈو اور دنیشل چندیمل نے بھی کوالیفائر میں اپنا کردار ادا کر کے ٹیم کو فائنل تک پہنچایا، اس کے ساتھ گلیڈی ایٹرز کا مقامی بولنگ اسٹاک فتوحات میں اہم کردار ادا کررہا ہے، محمد عامر اپنے رعب و دبدبے کا واضح اظہار کررہے ہیں.
مزید پڑھیں: پورے ٹورنامنٹ میں کچھ اہم شعبوں میں ناکام رہے، شاداب خان
اسی طرح ابرار احمد کی اسپن بولنگ حریف بیٹرز کو چکرا چکی ہے، فہیم اشرف بھی آل راؤنڈ کارکردگی سے ٹیم کی فتوحات میں کردار نبھا رہے ہیں، گذشتہ 5 باہمی مقابلوں میں دونوں ٹیموں نے 2، 2 فتوحات حاصل کی ہیں.
رواں ایڈیشن کے پہلے باہمی میچ میں قلندرز نے 79 رنز سے فتح پائی تھی ، یکم مئی کو دونوں ٹیموں کے درمیان دوسرا باہمی میچ بارش کی نذر ہوگیا تھا۔ یاد رہے کہ ایونٹ کی فاتح سائیڈ کو 5 لاکھ ڈالر بطور انعام دیے جائیں گے، رنرز اپ کیلیے 2 لاکھ ڈالر مختص ہیں، دیگر انفرادی انعامات بھی تقسیم ہوں گے ۔
ذریعہ: Express News
کلیدی لفظ: پی ایس ایل 10 فیصلہ کن
پڑھیں:
وعدے اور یقین دہانی جھوٹی نکلیں، شوگر ڈیلرز نے حکومت کو گھما کر رکھ دیا، چینی پھر مہنگی
لاہور(ویب ڈیسک)ملک کے مختلف شہروں میں چینی کی قیمت میں اضافہ ہوگیا۔
شوگر ڈیلروں نے پچھلے سال حکومت کو چینی مہنگی نہ ہونے کا یقین دلا کر چینی برآمد کی اجازت لی تھی اور بیرونِ ملک چینی بیچ کر ملک میں زرمبادلہ بڑھنے کی آس دلائی تھی، ڈالرز لانے کی یقین دہانی کرائی تھی۔
حکومت نے یہ بھی کہا تھا کہ کرشنگ سیزن سے پہلے ملک میں نہ چینی کم ہوگی نہ قیمتیں بڑھیں گی، نہ چینی درآمد کرنے کی ضرورت پڑے گی لیکن سارے وعدے، ساری یقین دہانیاں ہوا میں اڑ گئیں۔
چینی کی قیمت آؤٹ آف کنٹرول ہوئی، چینی درآمد کرنے کی بھی نوبت آگئی، چینی بیچنے سے ڈالر تو ملک میں آگئے لیکن چینی خریدنے پر ڈالرز کے خرچے کا جواب کسی کے پاس نہیں۔
دسمبر 2024 میں جس چینی کا ایکس مل ریٹ 125 سے 130 روپے کلو تھا، آج وہ چینی ریٹیل میں 190 سے 200 روپے کلو تک جا پہنچی ہے۔
لاہور میں چینی 6 روپے اور کوئٹہ میں 5 روپے کلو مہنگی ہوگئی، ایک کلو چینی لاہور میں 190 روپے اور کوئٹہ میں بھی 190روپے میں فروخت ہورہی ہے۔
کوئٹہ میں چینی ایک ماہ میں 10 روپے فی کلو منہگی ہوئی ہے اور کراچی میں چینی کا ریٹ 200 روپے کلو تک جا پہنچا ہے۔
Post Views: 4
پشاور ہائیکورٹ:سانحہ سوات پر چیئرمین انکوائری کمیٹی کا مختلف محکموں کی کوتاہیاں کا اعتراف