دیپیکا پڈوکون ہالی ووڈ واک آف فیم میں شامل ہونے والی پہلی بھارتی اداکارہ بن گئیں
اشاعت کی تاریخ: 3rd, July 2025 GMT
لاس اینجلس کی ہالی ووڈ چیمبر آف کامرس نے اعلان کیا ہے کہ بالی ووڈ اداکارہ دیپیکا پڈوکون 2026 میں ہالی ووڈ واک آف فیم پر ستارہ حاصل کرنے والی پہلی بھارتی شخصیت بن جائیں گی۔
یہ بھی پڑھیں: عالیہ بھٹ اور دیپیکا پڈوکون کا پہلا پیار کون؟
یہ اعلان بدھ کے روز کیا گیا، جس کے بعد دیپیکا نے انسٹاگرام اسٹوری پر مختصر مگر معنی خیز ردِعمل دیتے ہوئے صرف ایک ہی لفظ لکھا، جو تھا ’تشکر‘۔
#DeepikaPadukone creates history as the first Indian to be honoured with a star on the Hollywood Walk of Fame, class of 2026.
Queen for a reason ✨ pic.twitter.com/05XeBarooH
— Queen Deepika (@abhidp5) July 2, 2025
ہالی ووڈ واک آف فیم لاس اینجلس کے 15 بلاکس پر پھیلا ہوا ایک مشہور مقام ہے، جہاں 2,813 ستارے مختلف شعبہ جات کی ممتاز شخصیات کے نام سے سجے ہیں۔ ان میں فلم، ٹیلی وژن، براہِ راست پرفارمنس، موسیقی، اور کھیلوں کی تفریح کے شعبے شامل ہیں۔ ان ستاروں کا انتخاب ان افراد کے دیرپا اثرات کو مدنظر رکھتے ہوئے کیا جاتا ہے۔
مزید پڑھیں: ’سادگی اور حسن کا راج‘ ماں بننے کے بعد دپیکا پہلی بار منظرِ عام پر
2026 کے لیے منتخب افراد کا اعلان ایک براہِ راست تقریب کے دوران کیا گیا، جس میں دیپیکا کے ساتھ ساتھ ڈیمی مور، ایمیلی بلنٹ، سارہ مشیل گیلر، مولی رنگوالڈ اور نواح وائیلی کے نام بھی شامل تھے۔ کھیل اور براڈکاسٹنگ کے شعبے میں شکیل او نیل کو بھی اعزاز دیا جائے گا۔
اداکاری کے میدان سے آگے بڑھ کر دیپیکا پڈوکون فیشن اور پرتعیش برانڈز کی دنیا میں بھی ایک معتبر نام رکھتی ہیں، 2022 میں وہ فرانسیسی فیشن ہاؤس لُوئی ویٹوں کی پہلی بھارتی برانڈ ایمبیسیڈر بنیں۔ وہ کارتیئر جیسے مشہور زیورات کے برانڈ کی بھی نمائندگی کرتی ہیں۔ دیپیکا کو دو بار ٹائم میگزین کے سرورق پر جگہ ملی ہے اور وہ دنیا کی 100 بااثر شخصیات میں بھی شامل رہی ہیں۔
مزید پڑھیں:
یاد رہے کہ دیپیکا نے 2007 میں فلم ’اوم شانتی اوم‘ کے ذریعے شہرت حاصل کی، جس میں وہ شاہ رخ خان کے ساتھ جلوہ گر ہوئی تھیں، وہ اداکار رنویر سنگھ کی شریکِ حیات ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اوم شانتی اوم براڈکاسٹنگ دپیکا پڈوکون رنویر سنگھ شاہ رخ خان لاس اینجلس ہالی ووڈ ہالی ووڈ چیمبر آف کامرس واک آف فیمذریعہ: WE News
کلیدی لفظ: اوم شانتی اوم براڈکاسٹنگ رنویر سنگھ شاہ رخ خان لاس اینجلس ہالی ووڈ ہالی ووڈ چیمبر آف کامرس واک آف فیم دیپیکا پڈوکون واک آف فیم ہالی ووڈ
پڑھیں:
پاکستان دشمنی میں بھارتی فوج نے سرحدی علاقے میں بکریوں کو ہلاک و زخمی کر دیا
بھارت کی پاکستان دشمنی نے نہ صرف انسانوں بلکہ معصوم جانوروں کو بھی نشانہ بنانا شروع کر دیا ہے۔ سرحدی علاقے سنورانی (تحصیل ڈاہلی) میں بھارتی فوج کی جانب سے پاکستانی شہریوں کی بکریوں کو ہلاک اور شدید زخمی کرنے کا افسوسناک واقعہ پیش آیا ہے۔
واقعہ گزشتہ شام پیش آیا جب بھارتی فورسز نے سرحد عبور کرنے والی بکریوں کو نہ صرف واپس کرنے سے انکار کیا بلکہ ان پر بے رحمی سے تشدد بھی کیا۔ سوشل میڈیا پر وائرل ہونے والی تصاویر میں زخمی اور ہلاک بکریوں کو واضح طور پر دیکھا جا سکتا ہے۔
متاثرہ چرواہوں کے مطابق بھارتی فوجیوں نے 5 بکریوں کو ہلاک کر دیا جبکہ کم از کم 15 بکریوں کی ٹانگیں تیز دھار آلے سے کاٹ دی گئیں۔ مقامی مویشی مالکان کا کہنا ہے کہ بکریوں نے غلطی سے سرحد عبور کی تھی، جیسا کہ اکثر ہوتا ہے، لیکن اس بار بھارتی اہلکاروں نے حد سے گزر جانے والی بربریت کا مظاہرہ کیا۔
سیکیورٹی حکام کا کہنا ہے کہ ایسے واقعات میں معمول کے مطابق بکریوں کو واپس کر دیا جاتا ہے، لیکن اس بار جانوروں پر ظلم کر کے بھارت نے انسانیت سوز رویے کی نئی مثال قائم کی ہے۔
یہ واقعہ نہ صرف انسانی حقوق بلکہ جانوروں کے حقوق کی سنگین خلاف ورزی ہے، جس پرعالمی برادری اور حقوق کے علمبردار اداروں کو فوری نوٹس لینا چاہیے۔
کپل شرما سے بھتہ مانگنے والا گینگسٹر گرفتار