وزیراعظم شہباز شریف کی آذربائیجان کے صدر سے ملاقات، دو طرفہ تعاون کے فروغ پر اتفاق
اشاعت کی تاریخ: 4th, July 2025 GMT
وزیراعظم پاکستان محمد شہباز شریف نے اقتصادی تعاون تنظیم (ECO) کے 17ویں سربراہی اجلاس کے موقع پر آذربائیجان کے صدر الہام علیوف سے اہم دو طرفہ ملاقات کی، جس میں دونوں ممالک کے درمیان باہمی تعاون اور اقتصادی شراکت داری کو وسعت دینے پر اتفاق کیا گیا۔
وزیراعظم شہباز شریف نے اجلاس کی مثالی میزبانی پر صدر علیوف کو مبارکباد پیش کی اور 27 سے 29 مئی 2025 کو آذربائیجان کے شہر لاچین کے دورے کے دوران پاکستانی وفد کو دی جانے والی شاندار مہمان نوازی پر صدر اور عوام کا شکریہ ادا کیا۔
مزید پڑھیں: وزیراعظم شہباز شریف کی آذربائیجان کے صدر سے ملاقات، اہم معاہدوں پر دستخط
ملاقات کے دوران وزیراعظم نے حالیہ پاک بھارت کشیدگی کے دوران آذربائیجان کی جانب سے پاکستان کو دی جانے والی مسلسل سفارتی حمایت پر صدر الہام علیوف کا خصوصی شکریہ ادا کیا۔ ان کا کہنا تھا کہ پاکستان بھی ہر مشکل گھڑی میں آذربائیجان کے ساتھ کھڑا رہا ہے اور دونوں ممالک ایک دوسرے کے قابلِ اعتماد شراکت دار ہیں۔
دونوں رہنماؤں نے باہمی تجارت، سرمایہ کاری اور اقتصادی تعاون کو فروغ دینے پر اتفاق کیا۔ ملاقات میں خاص طور پر آذربائیجان کی جانب سے پاکستان میں سرمایہ کاری بڑھانے اور نجی شعبے کے روابط مضبوط کرنے کے عزم کا اعادہ کیا گیا۔
وزیراعظم شہباز شریف نے کہا کہ دونوں ممالک کی قیادت کے درمیان حالیہ ملاقاتوں اور مذاکرات سے دوطرفہ تعلقات میں مزید گہرائی آئی ہے۔ انہوں نے صدر علیوف کو جلد پاکستان کا دورہ کرنے کی دعوت بھی دہرائی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ECO آذربائیجان اقتصادی تعاون تنظیم پاک بھارت کشیدگی صدر الہام علیوف وزیراعظم پاکستان محمد شہباز شریف.
ذریعہ
ذریعہ: WE News
کلیدی لفظ: اقتصادی تعاون تنظیم پاک بھارت کشیدگی صدر الہام علیوف وزیراعظم پاکستان محمد شہباز شریف وزیراعظم شہباز شریف آذربائیجان کے
پڑھیں:
اسلام آباد، بلاول بھٹو سے وزیر اعلیٰ گلگت بلتستان امجد حسین کی ملاقات
وزیر اعلیٰ نے انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ اسلام ٹائمز۔ پاکستان پیپلزپارٹی کے چیئرمین بلاول بھٹو زرداری سے گلگت بلتستان کے وزیر اعلیٰ امجد حسین ایڈووکیٹ نے زرداری ہاؤس اسلام آباد میں ملاقات کی اور انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ پارٹی ذرائع کے مطابق ملاقات میں جی بی میں حکومت سازی، خطے کے مسائل اور پارٹی امور پر تبادلہ خیال کیا گیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار