کیا کوئٹہ سے دیگر شہروں میں فروٹ کی آن لائن ڈیلیوری کی جاتی ہے؟
اشاعت کی تاریخ: 10th, July 2025 GMT
کوئٹہ میں آن لائن خریداری کا رجحان صرف کپڑوں، گروسری، گاڑیوں، خشک میوہ جات ور الیکٹرانک اشیا تک محدود نہیں رہا بلکہ اب پھلوں کا آن لائن کاروبار بھی تیزی سے مقبول ہو رہا ہے۔ شہری تازہ پھل گھر بیٹھے سوشل میڈیا پیجز اور واٹس ایپ گروپس کے ذریعے منگوانے لگے ہیں۔
یہ بھی پڑھیں: جنگلی ڈرائی فروٹ جو صرف بلوچستان میں کھایا جاتا ہے
کوئٹہ کی بعض آن لائن فروٹ مارکیٹیں اور دکاندار اب شہر کے اندر ہی نہیں بلکہ بلوچستان کے دیگر اضلاع اور ملک کے بڑے شہروں کو بھی آرڈر پر پھل بھجوانے کی سہولت فراہم کر رہے ہیں۔ خاص طور پر کوئٹہ کی مشہور انگور، سیب اور انار کی مانگ کراچی، لاہور اور اسلام آباد تک پہنچ گئی ہے۔
آن لائن کاروبار کرنے والے دکانداروں اختر احمد خان نے وی نیوز سے بات کرتے ہوئے بتایا کہ وقت میں جدت کے ساتھ ساتھ کاروبار میں بھی جدت لانا ضروری ہو گیا ہے۔
انہوں نے کہا کہ ماضی میں ایک شہر کا فروٹ جب دوسرے شہر بھجوایا جاتا تھا تو اس سلسلے میں جتنے افراد درمیان میں بڑھتے جاتے تھے فروٹ کا دام بھی اتنا ہی بڑھ جاتا تھا لیکن آن لائن فروٹ بھجوانے سےاس کی قیمت بہت زیادہ نہیں بڑھتی۔
مزید پڑھیے: عام آدمی فروٹ منڈی سے معیاری اور سستی خریداری کیسے کرے؟
ان کا کہنا تھا کہ اگر پہلے پنجاب یا سندھ سیب بھجوانے سے فروٹ کی فی کلو قیمت 300 سے 350 روپے ہوجاتی تھی تو ب وہی فروٹ 200 سے 250 روپے میں بآسانی صارف تک پہنچ جاتا ہے۔
اختر احمد خان نے بتایا کہ اس سروس نے کسانوں، فروٹ وینڈرز اور صارفین سب کو فائدہ دیا ہے۔
انہوں نے مزید کہا کہ خریداروں کو معیاری اور تازہ پھل گھر کی دہلیز پر مل جاتے ہیں جبکہ فروٹ فروش زیادہ وسیع مارکیٹ تک رسائی حاصل کر لیتے ہیں۔
مزید پڑھیں: کراچی ایمپریس مارکیٹ کے فٹ پاتھ پر ڈرائی فروٹ بیچنے والی ہندو خواتین
وی نیوز سے بات کرتے ہوئے آن لائن فروٹ خریدنے والے اسلام آباد کے رہائشی فیضان کشمیری کا کہنا ہے کہ آن لائن آرڈر کے ذریعے معیاری، پیک شدہ اور منتخب پھل مناسب داموں پر مل جاتے ہیں جبکہ روایتی بازار کی رش اور مشقت سے بھی بچت ہو جاتی ہے جو کوئٹہ یا بلوچستان کے پھل وفاقی دارالحکومت میں مہنگے ہیں انہیں کم قمیت پر کوئٹہ سے فیس بک یا واٹس ایپ گروپس کے ذریعے منگوا لیا جاتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آن لائن فروٹ سپلائی انگور بلوچستان سیب کوئٹہ کوئٹہ آن لائن فروٹ سپلائی.ذریعہ: WE News
کلیدی لفظ: ا ن لائن فروٹ سپلائی انگور بلوچستان کوئٹہ لائن فروٹ آن لائن
پڑھیں:
پی ٹی آئی کے سینئر رہنما قاضی انور کی پارٹی قیادت پر تنقید
—فائل فوٹوپاکستان تحریک انصاف (پی ٹی آئی) کے سینئر رہنما قاضی انور نے پارٹی قیادت پر تنقید کرتے ہوئے کہا ہے کہ وزیر اعلیٰ ٰعلی امین گنڈاپور کو فوجی شہداء کے جنازوں میں شرکت کرنی چاہیے۔
راولپنڈی میں میڈیا سے گفتگو کرتے ہوئے انہوں نے کہا کہ مجھے معلوم ہوتا تو فوجی جوانوں کے جنازوں میں پہنچ جاتا، پی ٹی آئی کی قیادت سے میں مطمئن نہیں ہوں تو عوام کیسے مطمئن ہو گی؟
قاضی انور کا کہنا ہے کہ پچھلے 6 ماہ سے بانی پی ٹی آئی سے ملاقات نہیں ہو رہی، میں 3 بجے تک انتظار کرتا ہوں، پھر واپس چلا جاتا ہوں
پی ٹی آئی کے رہنما نے کہا کہ علی امین گنڈاپور ہمارے وزیراعلیٰ ہیں، سوشل میڈیا پر اسے غدار کہا جاتا ہے، اگر وہ غدار ہیں تو اس کی حکومت کی اہمیت کیا رہ جاتی ہے، پتہ نہیں کون یہ پروپیگنڈا کرتا ہے۔
ان کا کہنا ہے کہ بیرسٹر گوہر اور سلمان اکرم راجہ اچھے وکیل ہیں، وکیل میں اور سیاسی میدان سے آئے سیاستدان میں بہت فرق ہے، مجھے ان کی ایمانداری پر نہیں لیکن سیاسی سوجھ بوجھ پر شک ہے۔
انہوں نے کہا کہ عوام کی سپورٹ کے بغیر نہ کوئی جدوجہد ہوتی ہے نہ انقلاب آتا ہے، جب تک پی ٹی آئی کی قیادت میدان میں نہیں آئے گی تو عوام کیسے نکلے گی، قیادت کا دیانتدار ہونا ضروری ہے، لوگ ایماندار قیادت کے پیچھے نکلتے ہیں۔
قاضی انور کا یہ بھی کہنا تھا کہ شمالی اور جنوبی وزیرستان میں پیدا ہونے والے حالات اب سنبھالنا مشکل ہے، دہشت گرد فوج کے راستے میں بارود ڈالتے ہیں۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام