اٹلی میں چھوٹا طیارہ ہائی وے پر گر گیا، پائلٹ اور خاتون ساتھی ہلاک، متعدد گاڑیاں جل گئیں
اشاعت کی تاریخ: 24th, July 2025 GMT
روم(انٹرنیشنل ڈیسک)اٹلی کے شمالی علاقے بریشیا میں ایک چھوٹا الٹرا لائٹ طیارہ مصروف ہائی وے پر گر کر تباہ ہو گیا، جس کے نتیجے میں طیارے کے 75 سالہ پائلٹ سرجیو راوالیا اور ان کی 60 سالہ خاتون ساتھی این ماریا ڈی اسٹیفانو موقع پر جاں بحق ہو گئے۔
بین الاقوامی میڈیا رپورٹس کے مطابق، حادثہ فریچیا آر جی نامی طیارے کو پیش آیا، جو فضا سے اچانک نیچے آیا اور سڑک سے ٹکرا کر آگ کا گولہ بن گیا۔ حادثے کے دوران 2 گاڑیوں میں آگ بھڑک اٹھی اور 2 ڈرائیور زخمی ہو گئے۔
عینی شاہدین کے مطابق، پائلٹ ممکنہ طور پر ہنگامی لینڈنگ کی کوشش کر رہا تھا، مگر رفتار پر قابو نہ پا سکا اور طیارہ قابو سے باہر ہو کر گھومتا ہوا زمین سے جا ٹکرایا۔
مقامی حکام نے فوری طور پر فائر بریگیڈ اور ریسکیو ٹیمیں روانہ کیں، لیکن طیارہ مکمل تباہ ہو چکا تھا۔
اطالوی قومی ایجنسی برائے فلائٹ سیفٹی نے حادثے کی مکمل تحقیقات کا اعلان کیا ہے، جب کہ بریشیا کے پبلک پراسیکیوٹر نے غیر ارادی قتل کے حوالے سے ابتدائی تحقیقات کا آغاز کر دیا ہے۔
حادثے کی اصل وجہ تاحال معلوم نہیں ہو سکی اور ملبے کا تجزیہ کیا جا رہا ہے تاکہ کسی فنی خرابی یا انسانی غلطی کا تعین کیا جا سکے۔
Post Views: 2.ذریعہ: Daily Mumtaz
پڑھیں:
سعود ی عرب کی جانب سے اٹلی میں عربی لینگویج فیئر کا انعقاد
data-id="863a0a8" data-element_type="widget" data-widget_type="theme-post-content.default">
ریاض(انٹرنیشنل ڈیسک) اٹلی میں شاہ سلمان گلوبل اکیڈمی فار عربی لینگوئج کی جانب سے عربی لینگویج فیئر کا آغاز کردیا گیا ۔اس کا مقصد بیرون ملک عربی کی تعلیم کو فروغ دینا ہے،جب کہ سعودی حکومت اور بین الاقوامی تعلیمی اداروں کے درمیان علمی تعاون کو مضبوط کرتا ہے۔ سیکرٹری جنرل عبداللہ الواشمی نے کہا کہ اٹلی میں پروگرام کی میزبانی اکیڈمی کے عالمی سطح پر عربی کو فروغ دینے اور غیر عربی بولنے والوں کو شامل کرنے کے مشن کی عکاسی کرتی ہے۔ انہوں نے اکیڈمی کے پروگراموں میں تعاون کرنے پر اٹلی میں سعودی سفارت خانے کا شکریہ ادا کیا۔واضح رہے کہ یہ لینگویج فیئر روم کی یونیورسٹی اور میلان کی کیتھولک یونیورسٹی کے اشتراک سے منعقد کیا گیاہے۔
جبری گمشدگیوں پر انکوائری کمیشن نے ماہانہ کارکردگی رپورٹ جاری کردی