’ڈنڈے سے مارنا چاہیے‘، بابر اعظم کو مشورہ دینے پر محمد حارث پھنس گئے، سابق کھلاڑی پھٹ پڑے
اشاعت کی تاریخ: 27th, August 2025 GMT
پاکستان کرکٹ ٹیم کے سابق کپتان باسط علی اور کامران اکمل نے نوجوان کھلاڑی محمد حارث کو بابر اعظم سے متعلق مشورہ دینے پر آڑے ہاتھوں لیا ہے۔
حال ہی میں ایک ویڈیو کلپ وائرل ہوا جس میں پاکستان کرکٹ ٹیم کے رکن محمد حارث سے پوچھا گیا کہ کیا آپ کو لگتا ہے کہ بابر اعظم کو ٹی 20 میچز کھیلتے ہوئے اپنے اسٹائل میں کچھ تبدیلیاں لانی چاہئیں؟
اس کے جواب میں محمد حارث کا کہنا تھا: ’ہاں‘۔
Muhammad Haris should have avoided this question.
Babar Azam is his senior player pic.twitter.com/HF861Saw1v
— ٰImran Siddique (@imransiddique89) August 26, 2025
اس پر ایک ٹی وی شو میں پاکستانی ٹیم کے سابق کپتان باسط علی اور کامران اکمل نے شدید ردعمل ظاہر کیا۔ باسط علی نے کہا کہ محمد حارث بابر اعظم کے لیے ایسی بات کرے، تو اسے ڈنڈے سے مارنا چاہیے۔ انہوں نے کہ آپ کیا ہو کہ آپ بابر اعظم کے بارے میں ایسی بات کر رہے ہو۔
انہوں نے استفسار کیا کہ اگر بابر اعظم کپتان ہوتا تو کیا وہ( محمد حارث) یہ بیان دیتا؟
یہ بھی پڑھیے بابر اعظم اور محمد رضوان کو خامیاں دور کرنے کا کہہ دیا ہے، عاقب جاوید
اسی شو میں کامران اکمل بھی شریک تھے، انہوں نے کہا کہ یہ پاکستان کرکٹ بورڈ کا کام ہے کہ کوئی کھلاڑی سے متعلق ایسی کوئی بات آئے تو اسے کیسے جواب دینا چاہیے۔
انہوں نے کہا کہ محمد حارث بھی بچہ نہیں ہے۔ اسے بھی سب سمجھ ہے۔
’اسے کہنا چاہیے تھا کہ میں بابر اعظم کے متعلق کیسے بات کروں، اس نے پاکستان کے لیے اس قدر کارکردگی کا مظاہرہ کیا ہے، پہلے مجھے سیکھنا چاہیے کہ میں کیسے اپنی بیٹنگ کو بہتر کروں۔‘
Basit Ali and Kamran Akmal making sense for the first time :pic.twitter.com/hcxAgWPiJ8
— Hassan Abbasian (@HassanAbbasian) August 27, 2025
دوسری طرف سوشل میڈیا صارفین کا کہنا ہے کہ محمد حارث کو ایسے سوال کا جواب دینے سے پرہیز کرنا چاہیے تھا۔
یاد رہے کہ بابر اعظم کا ٹی 20 میچز میں رن ریٹ 39.83 ہے۔انہوں نے121 اننگز میں 4223 رنز بنا رکھے ہیں۔ جبکہ محمد حارث کا رن ریٹ 18.61 ہے۔ انہوں نے صرف 23 اننگز میں صرف 391 رنز بنائے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بابر اعظم ٹی 20 کرکٹ محمد حارث
ذریعہ
ذریعہ: WE News
کلیدی لفظ: ٹی 20 کرکٹ انہوں نے
پڑھیں:
ایس سی او اجلاس: اسحاق ڈار کا علاقائی امن اور تعاون کے فروغ کے عزم کا اعادہ
نائب وزیراعظم و وزیر خارجہ سینیٹر محمد اسحاق ڈار نے کرغز جمہوریہ کے خوبصورت شہر چولپون آتا میں شنگھائی تعاون تنظیم (ایس سی او) کی کونسل برائے وزرائے خارجہ کے اجلاس میں شرکت کرتے ہوئے علاقائی امن، استحکام، رابطہ کاری اور مشترکہ ترقی کے لیے پاکستان کے غیر متزلزل عزم کا اعادہ کیا۔
دفتر خارجہ کے مطابق سینیٹر اسحاق ڈار نے اجلاس کی میزبانی پر کرغز قیادت اور وزیر خارجہ ژین بیک کولوبایف کا شکریہ ادا کرتے ہوئے شاندار انتظامات کو سراہا۔
https://x.com/ForeignOfficePk/status/2080577745026007042
اپنے خطاب میں نائب وزیراعظم نے شنگھائی تعاون تنظیم کے قیام کی 25ویں سالگرہ پر رکن ممالک کو مبارکباد پیش کی اور کہا کہ ایس سی او گزشتہ پچیس برس کے دوران خطے میں امن، سلامتی، خوشحالی اور پائیدار ترقی کے فروغ کے لیے اہم کردار ادا کر رہی ہے۔ انہوں نے کہا کہ پاکستان ’شنگھائی اسپرٹ‘ کے اصولوں پر مکمل یقین رکھتا ہے اور رکن ممالک کے درمیان تعاون، روابط اور مشترکہ ترقی کے فروغ کے لیے اپنی بھرپور حمایت جاری رکھے گا۔
اسحاق ڈار نے علاقائی امن کے لیے پاکستان کی سفارتی کوششوں کا بھی ذکر کیا، جن میں اسلام آباد مذاکرات اور اس کے نتیجے میں طے پانے والا اسلام آباد مفاہمتی یادداشت شامل ہیں۔ انہوں نے کہا کہ یہ اقدامات پاکستان کے مذاکرات اور سفارت کاری کے ذریعے تنازعات کے حل پر یقین کی عکاسی کرتے ہیں۔
یہ بھی پڑھیںمسئلہ کشمیر کا منصفانہ حل جنوبی ایشیا میں پائیدار امن کی بنیاد ہے، اسحاق ڈار کا آسیان فورم سے خطاب
انہوں نے اجلاس میں شریک وزرائے خارجہ کا شکریہ ادا کیا، جنہوں نے خطے اور اس سے باہر امن و استحکام کے فروغ کے لیے پاکستان کی مخلصانہ کوششوں کو سراہا۔
وزیر خارجہ نے اس موقع پر اعلان کیا کہ پاکستان ستمبر 2026 میں شنگھائی تعاون تنظیم کی کونسل آف ہیڈز آف اسٹیٹ کی سربراہی سنبھالنے کے لیے تیار ہے۔ انہوں نے تمام رکن ممالک کو 2027 میں پاکستان میں منعقد ہونے والے ایس سی او سربراہی اجلاس میں شرکت کی دعوت بھی دی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت سے جنگ اور افغانستان میں کارروائی خارج ازامکان نہیں، وزیردفاع