غزہ سے مقامی آبادی کا بڑے پیمانے پر انخلا ممکن نہیں، ریڈ کراس کے سربراہ کا انتباہ
اشاعت کی تاریخ: 30th, August 2025 GMT
ریڈ کراس کی سربراہ نے خبردار کیا ہے کہ اسرائیلی کارروائیوں کے دوران غزہ شہر سے مقامی آباد کا بڑے پیمانے پر انخلا ناممکن ہوگا۔
اسرائیل کا منصوبہ ہے کہ پورے غزہ پٹی پر کنٹرول حاصل کرے جس کا آغاز غزہ سٹی سے کیا جا رہا ہے۔ تاہم اس دوران محصور علاقے میں بھوک اور قحط کی وجہ سے عالمی سطح پر شدید احتجاج سامنے آ رہا ہے۔
ریڈ کراس کی صدر میرجانا سپولیارک نے اپنے بیان میں کہا کہ یہ ناممکن ہے کہ موجودہ حالات میں غزہ شہر سے بڑے پیمانے پر انخلا کو محفوظ اور باوقار طریقے سے انجام دیا جا سکے۔
یہ بھی پڑھیے: حماس 4 اسرائیلی فوجی خواتین کے بدلے مزید 200 فلسطینی رہا کروانے میں کامیاب
انہوں نے کہا کہ انخلا کی صورت میں وسیع پیمانے پر آبادی کی نقل مکانی ہوگی جبکہ غزہ کی دیگر علاقے پہلے ہی خوراک، پناہ گاہوں اور طبی سہولیات کی شدید قلت سے دوچار ہیں اور مزید لوگوں کو سنبھالنے کی صلاحیت نہیں رکھتے۔
اسرائیل نے شہریوں کو غزہ کے جنوب کی طرف منتقل ہونے کی ہدایت دی ہے، تاہم ریڈ کراس کی صدر کے مطابق غزہ شہر میں موجود کئی لوگ بھوک، بیماری یا زخمی ہونے کے باعث اس حکم پر عمل کرنے کے قابل نہیں ہیں۔
ان کا کہنا تھا کہ بین الاقوامی انسانی قانون کے مطابق اسرائیل پر لازم ہے کہ انخلا کے احکامات کے دوران شہریوں کو پناہ، تحفظ اور خوراک کی فراہمی کو یقینی بنائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل ریڈ کراس غزہ ہجرت.
ذریعہ
ذریعہ: WE News
کلیدی لفظ: اسرائیل ریڈ کراس پیمانے پر ریڈ کراس
پڑھیں:
آئی ایم ایف کی شرط پر ایکسپورٹ پروسیسنگ زونز کی مصنوعات مقامی مارکیٹ کو فروخت نہ کرنے کا فیصلہ
وفاقی حکومت نے عالمی مالیاتی ادارہ (آئی ایم ایف)کی شرائط کے تحت ستمبر 2026 سے ایکسپورٹ پراسسنگ زونز کی پیداوار مقامی مارکیٹ میں فروخت کرنے کی اجازت ختم کرنے کا فیصلہ کیا ہے اور ان زونز کو اپنی 100 فیصد پیداوار برآمد کرنا ہوگی۔
وفاقی وزارت خزانہ حکام کے مطابق آئی ایم ایف کی شرط کے تحت ستمبر 2026 سے ایکسپورٹ پراسسنگ زونز کی پیداوار مقامی مارکیٹ میں فروخت کرنے کی اجازت ختم کر دی جائے گی اور ان زونز کو اپنی 100 فیصد پیداوار برآمد کرنا ہوگی۔
حکام کا کہنا تھا کہ اس وقت ایکسپورٹ پراسسنگ زونز کو اپنی 20 فیصد پیداوار مقامی مارکیٹ میں فروخت کرنے کی اجازت حاصل ہے تاہم آئی ایم ایف نے اس رعایت کو برقرار رکھنے کی حکومتی درخواست مسترد کر دی ہے۔
وزارت خزانہ کے مطابق حکومت نے مزید ایکسپورٹ پراسسنگ زونز کے قیام کی اجازت کی بھی درخواست کی تھی تاہم آئی ایم ایف نے اسے بھی قبول نہیں کیا۔
حکام نے بتایا کہ حکومت آئندہ اقتصادی جائزے کے دوران دوبارہ درخواست کرے گی کہ مقامی مارکیٹ میں 20 فیصد پیداوار فروخت کرنے پر پابندی عائد نہ کی جائے۔
وزارت خزانہ کے مطابق مقامی مارکیٹ میں پیداوار فروخت کرنے کی چھوٹ ختم کرنے کی تجویز فیڈرل بورڈ آف ریونیو(ایف بی آر) کو بھی بھجوائی جا رہی ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع