لندن میں مہاجرین مخالف مارچ اور جوابی ریلی، ہزاروں افراد کی شرکت
اشاعت کی تاریخ: 13th, September 2025 GMT
برطانیہ کے دارالحکومت لندن میں ہزاروں افراد نے اسلام اور مہاجرت مخالف کارکن ٹومی رابنسن کی اپیل پر احتجاجی مارچ کیا، جبکہ دوسری جانب نسل پرستی کے مخالفین نے بھی جوابی مظاہرہ کیا۔
مظاہرین انگلینڈ اور برطانیہ کے جھنڈے اٹھائے ہوئے تھے، جبکہ کچھ نے امریکی اور اسرائیلی پرچم بھی تھامے ہوئے تھے۔ شرکا نے وزیراعظم کیئر اسٹارمر کے خلاف نعرے لگائے اور بعض پلے کارڈز پر لکھا تھا: ’انہیں واپس بھیجو‘۔
یہ بھی پڑھیں: برطانیہ کی نئی ویزا پالیسی، ویزے سے مستثنیٰ ممالک کے مسافر بھی متاثر
ٹومی رابنسن نے اس مارچ کو ’یونائیٹ دی کنگڈم‘ کا نام دیا اور اسے آزادی اظہار کا جشن قرار دیا۔ اس موقع پر امریکی قدامت پسند کارکن چارلی کرک کی یاد میں بھی خاموشی اختیار کی گئی، جنہیں چند روز قبل قتل کیا گیا تھا۔
رابنسن جن کا اصل نام اسٹیفن یاکسلی لینن ہے، خود کو ریاستی بدعنوانیوں کو بے نقاب کرنے والا صحافی قرار دیتے ہیں اور امریکی ارب پتی ایلون مسک ان کے نمایاں حامیوں میں شمار ہوتے ہیں۔ تاہم برطانیہ کی بڑی مہاجر مخالف جماعت ریفارم یو کے نے ان سے فاصلہ رکھا ہے کیونکہ ان پر متعدد فوجداری مقدمات درج ہو چکے ہیں۔
مارچ میں شریک ایک خاتون سینڈرا مچل نے کہاکہ ہم اپنا ملک واپس چاہتے ہیں، ہمیں آزادیِ اظہار دوبارہ چاہیے۔ غیر قانونی مہاجرت کو روکنا ہوگا۔
لندن میٹروپولیٹن پولیس کے مطابق ہفتے کے روز شہر بھر میں 1600 سے زیادہ اہلکار تعینات کیے گئے، جن میں 500 افسران دیگر شہروں سے طلب کیے گئے تھے۔ پولیس کو بیک وقت ان مظاہروں کے ساتھ ہائی پروفائل فٹبال میچز اور کنسرٹس کی سیکیورٹی بھی سنبھالنی پڑی۔
کمانڈر کلیئر ہینز نے کہاکہ پولیس ان مظاہروں کو کسی بھی دوسرے احتجاج کی طرح دیکھتی ہے اور لوگوں کے قانونی حقوق کا تحفظ اس کی ذمہ داری ہے، تاہم کسی بھی غیر قانونی عمل پر سختی سے کارروائی کی جائے گی۔
ان کا کہنا تھا کہ پچھلے مظاہروں میں بعض شرکا کی جانب سے اسلام مخالف نعروں اور قابلِ اعتراض رویے کی مثالیں موجود ہیں، لیکن لندن کے شہریوں کو گھروں تک محدود نہیں ہونا چاہیے۔
گزشتہ ہفتے ’فلسطین ایکشن‘ پر عائد پابندی کے خلاف احتجاج کے دوران تقریباً 900 مظاہرین کو گرفتار کیا گیا تھا۔
یہ بھی پڑھیں: غیرقانونی طور پر برطانیہ پہنچنے والوں کے لیے شہریت کا حصول ممکن نہیں رہا
برطانیہ میں اس وقت مہاجرت سب سے بڑا سیاسی مسئلہ بن چکا ہے، جس نے معیشت کی سست روی جیسے دیگر معاملات کو پیچھے چھوڑ دیا ہے۔ رواں سال اب تک 28 ہزار سے زیادہ افراد چھوٹی کشتیوں کے ذریعے برطانیہ پہنچ چکے ہیں۔
دارالحکومت سمیت مختلف شہروں میں سرخ و سفید انگلش جھنڈے لہرائے جا رہے ہیں اور بعض مقامات پر انہیں سڑکوں پر پینٹ بھی کیا گیا ہے۔ حامیوں کے مطابق یہ ’قومی فخر‘ کی مہم ہے، تاہم نسل پرستی کے مخالف کارکن اسے غیر ملکیوں کے لیے نفرت کا پیغام قرار دیتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews احتجاجی مظاہرہ ٹومی رابنسن جوابی ریلیف لندن مہاجرین مخالف وی نیوز.
ذریعہ
ذریعہ: WE News
کلیدی لفظ: احتجاجی مظاہرہ ٹومی رابنسن جوابی ریلیف مہاجرین مخالف وی نیوز
پڑھیں:
سوات: گھر کی چھت اور ہوٹل کا کمرہ گرنے سے بچیوں سمیت 3 افراد جاں بحق
سوات (ڈیلی پاکستان آن لائن) سوات کے مختلف علاقوں میں چھتیں منہدم ہونے کے دو الگ الگ واقعات میں بچیوں سمیت 3 افراد جاں بحق جبکہ 3 زخمی ہوگئے۔
نجی ٹی وی چینل ایکسپریس نیوز کے مطابق چارباغ کے علاقے گنڈھیرئی میں ایک گھر کی چھت اچانک گر گئی، جس کے نتیجے میں 8 سالہ شیما اور 6 سالہ مناہل جاں بحق ہوگئیں، جبکہ حورین اور ان کی والدہ زخمی ہوئیں۔
واقعے کی اطلاع ملتے ہی ریسکیو 1122 سوات کی ڈیزاسٹر ریسپانس اور میڈیکل ٹیمیں موقع پر پہنچ گئیں۔
مقامی افراد نے ملبے تلے دبے چار افراد کو نکال لیا تھا، جنہیں ریسکیو اہلکاروں نے طبی امداد فراہم کی۔ زخمیوں کو مزید علاج کے لیے تحصیل ہیڈکوارٹر اسپتال منگلور منتقل کر دیا گیا جبکہ جاں بحق بچیوں کی لاشیں بھی اسپتال منتقل کر دی گئیں۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
دوسری جانب کالام کے علاقے بلوگا میں ایک کچے ہوٹل کے کمرے کی چھت گرنے سے 32 سالہ وقاص جاں بحق جبکہ دو افراد زخمی ہوگئے۔ جاں بحق ہونے والے شخص کا تعلق ملاکنڈ سے بتایا جاتا ہے۔
ریسکیو 1122 کی ٹیمیں فوری طور پر موقع پر پہنچیں اور زخمیوں کو ابتدائی طبی امداد فراہم کرنے کے بعد تحصیل ہیڈکوارٹر اسپتال کالام منتقل کر دیا۔
ریسکیو حکام کے مطابق دونوں واقعات کی مزید تحقیقات جاری ہیں۔
اس سے قبل، شانگلہ کے علاقے کوزہ الپوری، رحیم آباد میں ایک گھر میں کمرے کی چھت گرنے سے 6 بچے جاں بحق جبکہ ایک بچی زخمی ہوگئی تھی۔
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ