اسلام آباد: پہلے گھر میں ملازمہ کو رکھوایا، پھر ڈکیتی کی، 5 ملزمان گرفتار
اشاعت کی تاریخ: 23rd, September 2025 GMT
—علامتی تصویر
اسلام آباد کے ایس ایس پی آپریشنز محمد شعیب کا کہنا ہے کہ خاتون ملازمہ سمیت کوہسار کے گھر میں ڈکیتی میں ملوث پانچوں ملزمان کو گرفتار کر لیا گیا ہے۔
پریس کانفرنس کرتے ہوئے انہوں نے بتایا کہ کوہسار کے علاقے میں ایک گینگ کے کارندوں نے گھر میں گھس کر اہلِ خانہ کو زدوکوب کیا، ملزمان نے 80 لاکھ روپے نقدی، سونا اور دیگر قیمتی اشیاء لوٹ لیں۔
یہ بھی پڑھیے گھروں میں ڈکیتی کرنے والے گینگ کے سرغنہ سمیت 5 ملزمان گرفتارایس ایس پی آپریشنز محمد شعیب کے مطابق 5 رکنی گینگ کا تعلق راجن پور سے ہے، گھر کی ملازمہ بھی ملوث تھی، خاتون ملازمہ کو باقاعدہ اس گھر میں پلانٹ کیا گیا تھا۔
ان کا کہنا ہے کہ گھر میں ڈکیتی میں ملوث پانچوں ملزمان کو گرفتار کر لیا گیا ہے، ملزمان ڈکیتی کے بعد نکلے تو ناکے پر پولیس نے انہیں پکڑ لیا۔
ایس ایس پی آپریشنز اسلام آباد نے بتایا کہ دارالحکومت اسلام آباد میں 2024ء کے مقابلے میں رواں سال ڈکیتیوں میں 35 فیصد کمی آئی ہے، گاڑی اور موٹر سائیکل چوری سمیت دیگر جرائم میں مجموعی طور پر 21 فیصد کمی آئی۔
.
ذریعہ
ذریعہ: Jang News
کلیدی لفظ: اسلام ا باد گھر میں
پڑھیں:
کوئٹہ: سرکاری دستاویزات میں شہریوں کو غیرقانونی سہولت دینے والے 14 ایجنٹ گرفتار
فیڈرل انویسٹی گیشن ایجنسی (ایف آئی اے) بلوچستان نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا۔
ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔
انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لیے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے کا کہنا تھا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔
بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لیے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار