ونڈوز 10 کا دور ختم ہونے کے قریب، مائیکروسافٹ نے حتمی اعلان کردیا
اشاعت کی تاریخ: 23rd, September 2025 GMT
دنیا بھر میں لاکھوں کمپیوٹر صارفین کے لیے ایک اہم اعلان سامنے آیا ہے۔ مائیکروسافٹ نے باضابطہ طور پر تصدیق کی ہے کہ 14 اکتوبر 2025 کو ونڈوز 10 آپریٹنگ سسٹم کے لیے سپورٹ مکمل طور پر ختم کردی جائے گی۔
کمپنی کے مطابق اس تاریخ کے بعد ونڈوز 10 استعمال کرنے والے صارفین کو نہ صرف ٹیکنیکل سپورٹ بلکہ سیکیورٹی اپ ڈیٹس اور فیچر اپ گریڈز بھی دستیاب نہیں ہوں گے۔ ماہرین کا کہنا ہے کہ اس اقدام کے بعد پرانے سسٹمز وائرس اور میل ویئر کے زیادہ خطرات سے دوچار ہوسکتے ہیں۔
یہ بھی پڑھیں: ونڈوز 10 کب ختم ہو رہی ہے، دنیا بھر میں کتنے کمپیوٹرز ضائع ہو جائیں گے؟
ونڈوز 10 گزشتہ ایک دہائی سے ذاتی کمپیوٹنگ کی دنیا کا سب سے زیادہ استعمال ہونے والا آپریٹنگ سسٹم رہا ہے،مائیکروسافٹ نے صارفین کو مشورہ دیا ہے کہ وہ بروقت اقدامات کریں تاکہ ان کے سسٹمز محفوظ رہ سکیں۔ اگر آپ کا کمپیوٹر ونڈوز 11 کے لیے اہل ہے تو اسے براہِ راست اپ گریڈ کیا جاسکتا ہے۔
اس مقصد کے لیے صارفین اپنے سسٹمز کی اہلیت چیک کر کے مفت اپ گریڈ کر سکتے ہیں۔ جن صارفین کے کمپیوٹرز اپ گریڈ کے اہل نہیں، ان کے لیے مائیکروسافٹ نے تجویز دی ہے کہ وہ ونڈوز 11 پری انسٹالڈ نئے ڈیوائسز خریدیں۔
کمپنی نے ان صارفین کے لیے ایکسٹینڈڈ سیکیورٹی اپ ڈیٹس پروگرام بھی متعارف کرایا ہے جو فوری طور پر اپ گریڈ یا نئے سسٹمز پر منتقل نہیں ہوسکتے۔ اس پروگرام کے تحت اکتوبر 2026 تک ونڈوز 10 صارفین کو محدود مدت کے لیے اضافی سیکیورٹی تحفظ مل سکے گا۔
یہ بھی پڑھیں: ونڈوز صارفین کی تعداد میں 40 کروڑ کی کمی، سبب کیا ہے؟
ٹیکنالوجی تجزیہ کاروں کا کہنا ہے کہ اگرچہ ونڈوز 10 سسٹمز اکتوبر 2025 کے بعد بھی چلتے رہیں گے لیکن اپ ڈیٹس بند ہونے سے انٹرنیٹ سے جڑے کمپیوٹرز پر حملوں کا خدشہ کئی گنا بڑھ جائے گا۔
مائیکروسافٹ نے صارفین کو ہدایت دی ہے کہ وہ جلد از جلد ونڈوز 11 یا دیگر سپورٹڈ پلیٹ فارمز پر منتقل ہوں تاکہ کسی ممکنہ نقصان سے بچ سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آپریٹنگ سسٹم کمپیوٹرز مائیکروسافٹ ونڈوز 10.
ذریعہ
ذریعہ: WE News
کلیدی لفظ: آپریٹنگ سسٹم کمپیوٹرز مائیکروسافٹ ونڈوز 10 مائیکروسافٹ نے صارفین کو ونڈوز 10 اپ ڈیٹس اپ گریڈ کے لیے
پڑھیں:
کیا فواد خان نے بھی سرجری کروالی؟ نئی تصاویر پر سوشل میڈیا پر بحث
پاکستانی شوبز انڈسٹری کے معروف اداکار اور گلوکار فواد خان ایک بار پھر اپنے منفرد انداز کی وجہ سے سوشل میڈیا پر توجہ کا مرکز بن گئے ہیں۔ حال ہی میں ان کی نئی تصاویر سامنے آئیں، جن میں ان کی شخصیت اور چہرے کے خدوخال پہلے کے مقابلے میں کچھ مختلف دکھائی دیے، جس کے بعد مداحوں کے درمیان دلچسپ بحث چھڑ گئی۔
سوشل میڈیا پر وائرل ہونے والی ان تصاویر نے چند ہی لمحوں میں صارفین کی توجہ حاصل کرلی۔ متعدد افراد نے فواد خان کے نئے انداز پر اپنے خیالات کا اظہار کیا، جبکہ تصاویر مختلف پلیٹ فارمز پر تیزی سے گردش کرنے لگیں۔
بعض مداحوں کا کہنا ہے کہ فواد خان ہر روپ میں پرکشش دکھائی دیتے ہیں اور ان کی شخصیت ہمیشہ کی طرح متاثر کن ہے۔ کچھ صارفین نے رائے دی کہ اداکار کے نئے چہرے کے نقوش معروف ترک اداکاروں سے کافی حد تک مشابہت رکھتے ہیں، جس کی وجہ سے ان کا انداز مزید منفرد محسوس ہو رہا ہے۔
View this post on Instagramدوسری جانب کچھ سوشل میڈیا صارفین نے اس نئے لک پر تنقید بھی کی۔ ان کا دعویٰ تھا کہ فواد خان نے کم عمر دکھائی دینے کے لیے ممکنہ طور پر مختلف کاسمیٹک یا سرجیکل طریقۂ کار اختیار کیے ہیں، تاہم اداکار کی جانب سے ان قیاس آرائیوں پر کوئی ردعمل سامنے نہیں آیا۔
اگرچہ تصاویر پر مختلف آرا سامنے آرہی ہیں، لیکن فواد خان کا نیا انداز ایک بار پھر ثابت کر گیا کہ وہ جہاں بھی نظر آئیں، مداحوں اور سوشل میڈیا صارفین کی توجہ اپنی جانب مبذول کر ہی لیتے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار