شہید حسن نصراللہ کی پہلی برسی، 27 ستمبر کو یوم شہدائے القدس منایا جائے گا، علامہ باقر زیدی
اشاعت کی تاریخ: 24th, September 2025 GMT
اجلاس سے خطاب میں رہنما ایم ڈبلیو ایم نے کہا کہ سید حسن نصراللہ، اسماعیل ہنیہ، سید ہاشم صفی الدین، یحیٰ سنوار کی شہادت کے بعد مقاومت کمزور نہیں ہوئی، غزہ کی جنگ عالم اسلام کی جنگ ہے، حزب اللہ و حماس کے عظیم شہداء نے اسرائیل کی طاقت کا غرور خاک میں ملا دیا ہے۔ اسلام ٹائمز۔ عالم اسلام کے لیڈر شہید سید حسن نصراللہ لطیف شخصیت کے مالک عظیم انسان تھے، آپ کسی پر ظلم برداشت نہیں کرتے تھے، اگر کسی نے عزت سے جینا اور مرنا ہے تو شہدائے قدس کے نقش قدم پر چلے، مظلومین فلسطین و لبنان کی استقامت نے عالم اسلام میں بیداری کی نئی لہر پھونک دی ہے۔ ان خیالات کا اظہار صوبائی صدر علامہ سید باقر عباس زیدی نے وحدت ہاؤس کراچی میں منعقدہ ایم ڈبلیو ایم سندھ کابینہ کے اہم اجلاس سے خطاب میں کیا۔ اجلاس میں سندھ و کراچی کے رہنماؤں بشمول کراچی ڈویژن کے صدر علامہ صادق جعفری، علامہ مختار امامی، علامہ حیات عباس، علامہ ملک عباس، علامہ مبشر حسن، ناصر الحسینی سمیت دیگر رہنما موجود تھے۔ انہوں نے کہا کہ حزب اللہ و حماس کے عظیم شہداء نے اسرائیل کی طاقت کا غرور خاک میں ملا دیا ہے، شہداء تحریک مقاومت کے سر کا تاج ہیں، شہداء نے تحریک آزادی قدس کو نئی زندگی دے دی ہے۔
علامہ باقر زیدی نے مزید کہا کہ سید حسن نصراللہ، اسماعیل ہنیہ، سید ہاشم صفی الدین، یحیٰ سنوار کی شہادت کے بعد مقاومت کمزور نہیں ہوئی، غزہ کی جنگ عالم اسلام کی جنگ ہے۔ انہوں نے کہا کہ اسرائیل گزشتہ کئی سالوں سے فلسطینی عوام کی نسل کشی کر رہا ہے، پورا خطہ سامراجیت کے شکنجے میں جکڑا ہوا ہے، شہداء کی قربانیوں کی کا ہی نتیجہ ہے کہ آج تک پورے مشرق وسطیٰ میں امریکہ و اسرائیل سمیت سامراجی طاقتوں کے عزائم خاک میں مل رہے ہیں۔ انہوں نے کہا کہ صہیونی رجیم کے خلاف تمام مسلمان متحد ہو چکے ہیں، ہم اس وحدت کو ٹوٹنے نہیں دیں گے، ملکی عوام پاکستان میں بیرونی مداخلت بلکل برداشت نہیں کریں گے، 27 ستمبر ملک بھر میں یوم شہدائے القدس منایا جائے گا، شہید حسن نصر اللہ کی پہلے برسی کی مناسبت سے سندھ کے تمام اضلاع میں شایان شان انداز میں مختلف مجالس عزاء، سیمینارز، کانفرنس، تعزیتی پروگرامات منعقد کئے جائیں گے۔
ذریعہ: Islam Times
کلیدی لفظ: حسن نصراللہ عالم اسلام نے کہا کہ کی جنگ
پڑھیں:
جنوبی غزہ میں اسرائیل کی گولہ باری سے تباہی،مزید 3 فلسطینی شہید
خوف کی فضا برقرار، شہدا پر نام نہاد یلو لائن عبور کرنے کا الزام ،مشرقی غزہ سٹی میں کھیت اور مکانات تباہ
مزید امدادی سامان کو غزہ پٹی میں داخلے کی اجازت مل گئی، اسرائیل نے 5 فلسطینی قیدیوں کو رہا کر دیا
جنوبی غزہ میں اسرائیلی گولہ باری سے تباہی اور خوف کی فضا برقرار رہی۔اسرائیلی فوج نے مزید 3 فلسطینیوں کو شہید کردیا، اسرائیلی فوج نے شہدا پر نام نہاد یلو لائن عبور کرنے کا الزام عائد کیا، اسرائیلی حملوں سے مشرقی غزہ سٹی میں کھیت اور مکانات تباہ ہوگئے، مزید امدادی سامان کو غزہ پٹی میں داخلے کی اجازت دیدی گئی۔جنگ بندی کے بعد اسرائیل نے مزید 5 فلسطینی قیدیوں کو رہا کر دیا، رہا ہونے والے فلسطینی قیدیوں کی گھر واپسی پر جذباتی مناظر دیکھنے کو ملے، لاکھوں فلسطینی غزہ میں کھنڈر بنے گھروں میں واپس آ رہے ہیں۔حماس کی جانب سے مزید اسرائیلی یرغمالیوں کی لاشوں کی تلاش جاری ہے۔
وزیراعلیٰ پنجاب کے روٹ پر مشکوک گاڑیاں، قافلے کو روک لیا گیا