اقوام متحدہ کے ادارے یونیسکو کے تحت 25 ستمبر کو اخبار بینی کا دن منایا جا رہا ہے۔ اخبار کا ادارہ دنیا کے کئی ممالک میں زوال پذیر ہے۔ کچھ ممالک میں اخبار کا ادارہ تقویت پارہا ہے۔
اخبار جمہوری نظام کا ایک بنیادی ستون ہے۔ امریکا کی سپریم کورٹ کے جج اور جنگ مخالف تحریک کے معروف کارکن Oliver Wendell Homesنے اخبار کے ادارہ کو Free Market Place of Ideas قرار دیا تھا۔ مفکرین نے اس کی تعریف کچھ یوں کی ہے: ’’ The marketplace of ideas is a concept that suggests that the best ideas will ultimately prevail in a free and open competition for public acceptance.
ہندوستان میں ایسٹ انڈیا کمپنی کے دور میں اخبار کی اشاعت کا سلسلہ شروع ہوا۔ کمپنی کے منحرف افسروں نے اپنی شکایات لندن کی حکومت تک پہنچانے کے لیے کلکتہ میں اخبار نکالنے کے لیے پرنٹنگ پریس قائم کرنے کی کوشش کی مگر ایسٹ انڈیا کمپنی کے اہلکاروں نے اس کوشش کو ناکام بنادیا تھا مگر کمپنی کے ایک اور منحرف جیمس اگسٹ ہکی نے 1780 میں انگریزی کا اخبار Bangal Gazette شایع کیا جو ہکی گزٹ کے نام سے مشہور ہوا۔
ہکی کا یہ اخبار کمپنی کی استعماریت کا شکار ہوا۔ برصغیر کے پہلے ایڈیٹر کو قید و بند کی صعوبتیں برداشت کرنی پڑیں۔ کئی اور لوگوں نے انگریزی کے اخبارات شایع کیے۔ پھر 27 مارچ 1822 کو اردو کا پہلا اخبار جام جہاں نما کلکتہ سے شایع کیا، یوں اردو صحافت کا آغاز ہوا۔ اس کے ساتھ ہندی، فارسی، بنگالی، تیلگو اور دیگر زبانوں میں بھی اخبارات شایع ہونے لگے۔ کمپنی کی حکومت کے افسروں نے جب محسوس کیا کہ مقامی زبانوں کے اخبارات تقویت پا رہے ہیں تو پھر حکومت نے 1822 میں اخبارات کی اشاعت کے لیے پرمٹ کے اجراء اور اخبار کو سنسر کرنے کا قانون نافذ کیا۔
معروف سماجی رہنما راجہ رام موہن رائے نے اس قانون کے خلاف قانونی لڑائی میں شکست کے بعد اخبارات کو بند کرنے کا تاریخی اعلان کیا۔ 1857کی جنگ آزاد ی کی ناکامی کے بعد انگریز سرکاری نے اردو کے اخبار دہلی اردو کے ایڈیٹر مولانا باقر کو پھانسی کی سزا دیدی۔ مولانا باقر کو سیکڑوں باغیوں کے ساتھ گولی مار کر شہید کردیا گیا۔ انگریز حکومت کی انتظامی، عدالتی اور تعلیمی اصلاحات کے ہندوستانی معاشرے پرگہرے اثرات برآمد ہوئے۔ ہندوستان میں پہلی بار متوسط اور مزدور طبقہ پیدا ہوا، یوں صدی کے آغاز کے ساتھ ہی کانگریس اور جمعیت علمائے ہند نے آزادی کی کئی تحریکیں چلائیں۔ ان تحریکوں میں اردو، ہندی، بنگالی اور انگریزی زبان میں شایع ہونے والے اخبارات نے اہم کردار ادا کیا۔
اس دوران بہت سے اخبارات کے مدیروں کو سزائیں ہوئیں۔ کئی اخبارات بند کر دیے گئے۔ مولانا حسرت موہانی کو اخبار اردو معلیٰ میں ایک مضمون کی اشاعت پر 4 سال قید کی سزا ہوئی اور جرمانہ ادا نہ کرنے پر ان کا قیمتی کتب خانہ نیلام بھی ہوا۔ اس کے ساتھ ہی اخبارات کی ہیت ہی تبدیل ہوئی۔ اس سرکولیشن کے ساتھ اشتہارات بھی ایک نیا ذریعہ بن گئے۔ پہلے انگریزی اخبارات میں ایڈیٹرکا ادارہ قائم ہوا۔ اردو اور ہندی کے اخبارات میں بھی تبدیلیاں ہوئیں۔ اب ایڈیٹر کا سیاسی رہنما، شاعر، مقرر اور ادیب ہونا ضروری نہ رہا۔ بانی پاکستان بیرسٹر محمد علی جناح نے آل انڈیا مسلم لیگ کے ترجمان اخبار روزنامہ ڈان کا پہلا ایڈیٹر ایک ہندوستانی، عیسائی اور مہاتما گاندھی کے عدم تشدد کے طریقہ کے پیروکار رہنما پوتھن جوزف کو مقررکیا۔
معروف ترقی پسند سیاسی رہنما میاں افتخار الدین نے پروگریسو پیپرز لمیٹڈ (P.P.L) کی بنیاد رکھی۔ انھوں نے پہلے روزنامہ پاکستان ٹائمز اور روزنامہ امروز اور پھر ہفت روزہ لیل و نہار کا اجراء کیا۔ معروف شاعر فیض احمد فیض کو روزنامہ پاکستان ٹائمز کا ایڈیٹر، چراغ حسن حسرت کو روزنامہ امروز اور مارکسٹ دانشور سبط حسن کو ہفت روزہ لیل و نہار کا ایڈیٹر مقررکیا گیا۔
انھوں نے اپنے ادارہ میں تمام ایڈیٹرز کو مکمل اختیارات دیے، یوں پی پی ایل میں ایڈیٹر کا ادارہ مستحکم رہا۔ روزنامہ پاکستان ٹائمز، روزنامہ امروز اور لیل و نہار کے 50ء اور 60ء کی دہائیوں میں شایع ہونے والے اداریوں کے تجزیے سے ثابت ہوتا ہے کہ ان اداریوں میں نئی ریاست کو ایک جدید سیکولر جمہوری فلاحی ریاست بنانے کے لیے جو نکات اٹھائے جاتے تھے ان میں بڑے صوبے کے عوام کے احساس محرومی، مظلوم طبقات کی جانبدار اور غیر جانبدار آزاد خارجہ پالیسی جیسے موضوعات پر رائے دی گئی تھی۔ اس وقت کے حکمراں اداریوں اور ان اخبارات میں شایع ہونے والے آرٹیکلزکے مندرجات پر توجہ دیتے تو مشرقی پاکستان بنگلہ دیش نہ بنتا اور بعد میں ملک کو درپیش ہونے والے مسائل رونما نہ ہوتے۔
اسی طرح بنگالی زبان میں شایع ہونے والے اخبار دینک پاکستان کے اداریوں نے بھی رائے عامہ کو ہموار کرنے میں اہم کردار ادا کیا۔ مشرقی اور مغربی پاکستان کے اخبارات نے جنرل ایوب خان کی عائد کردہ پابندیوں کے باوجود عوام کو اطلاعات فراہم کرنے کا حق بھی کسی حد تک ادا کیا۔
1970کے انتخابات کے بعد پیدا ہونے والے بحران کے خاتمے کے لیے اخبارات کی یہ رائے تھی کہ عوامی لیگ کو اقتدار منتقل کیا جائے۔ روزنامہ آزاد، ہفت روزہ لیل و نہار اور ہفت روزہ آؤٹ لک میں شایع ہونے والے اداریوں کے مطالعے سے ظاہر ہوتا ہے کہ اگر اس وقت کی حکومت ان اداریوں پر توجہ دیتی تو ملک نہ ٹوٹتا۔ اخبارات نے بھٹو حکومت کے دور میں عائد کردہ پابندیوں کا کسی حد تک مقابلہ کیا۔
جنرل ضیاء الحق کا دور صحافت کے لیے سیاہ دور تھا۔ اس دور میں صحافیوں کو کوڑے مارے گئے۔ پی ایف یو جے کی آزادئ صحافت کی تحریک میں سیکڑوں صحافیوں کو گرفتار کیا گیا۔ نئی صدی میں انفارمیشن ٹیکنالوجی کے انقلاب نے میڈیا کی شکل کو تبدیل کیا۔ پہلے تو نجی شعبے میں نیوز چینلز کی اجازت مل گئی، یوں اب ہر شخص کو 24 گھنٹے خبریں ملنے لگیں، یوں ملک میں پڑھنے کا رجحان کم ہونے لگا۔ اساتذہ، دانشوروں اور پالیسی ساز اداروں کے اکابرین نے معاشرہ میں پیدا ہونے والے رجحان کو محسوس نہیں کیا۔ نوجوان اخبارات اور کتابوں سے دور ہونے لگے۔
برسرِ اقتدار آنے والی حکومتوں کے دانشوروں نے اس رجحان کو اپنی حکومتوں کے لیے بہتر جانا تھا مگر بعد میں نئی نسل کے سوشل میڈیا کے پروپیگنڈے سے متاثر ہونے کے نقصانات سب کے سامنے آگئے۔بعض غیر منصفانہ فیصلوں سے اخباری صنعت میں بحران پیدا ہوا اور پھر تحریک انصاف کی حکومت کی پالیسیوں نے اخباری صنعت کو مفلوج کر کے رکھا جس کے نتیجے میں صحافیوں کی بے روزگاری میں اضافہ اور اخبارات کے بند ہونے کی صورت میں سامنے آیا۔ صورتحال اتنی خراب ہوگئی کہ ایک اخبار نے اداریہ شایع نہ کرنے کا فیصلہ کیا۔ ایڈیٹر کے ادارے کے خاتمے کا اعلان کردیا۔
ایک رپورٹ کے مطابق ڈالر کی قیمت بڑھنے اور بجلی کے نرخ میں غیر معمولی اضافے سے نیوز پرنٹ اور پرنٹنگ پریس کے کیمیکلز کی قیمتوں میں بے پناہ اضافہ ہوا جس کے نتیجے میں اخبارات کی قیمتیں بڑھ گئیں۔ کچھ لوگوں کا کہنا ہے کہ عام آدمی کے لیے اخبار خریدنا ممکن نہیں رہا مگر کراچی شہر کے امراء، متوسط اور نچلے متوسط طبقے کی بستیوں میں کھانے کی مصنوعات کے آؤٹ لیٹ اور ہوٹلوں وغیرہ میں بڑھتے ہوئے رش کو دیکھ کر یہ تخمینہ لگایا جاسکتا ہے کہ یہ مسئلہ کم آمدنی سے عام آدمی کی ترجیحات میں تبدیلی کا ہے۔
ایک رپورٹ کے مطابق کراچی میں اخبارات کی تقسیم سے 17 ڈسٹری بیوٹر ہوتے تھے جو اب 7 رہ گئے ہیں۔ اب کراچی میں اخبارات کی تقسیم کے 27 یونٹس ہیں۔ ایک زمانہ میں اخبار فروشوں کی تعداد 2 ہزار کے قریب تھی، اب ان کی تعداد 800 رہ گئی ہے اور وقت گزرنے کے ساتھ ساتھ ان کی تعداد میں مزید کمی آرہی ہے۔ اخبارات میں شایع ہونے والی معلومات معروضیت کے اصولوں کے مطابق ہوتی ہے۔ اس بناء پر اخبار کو سماجی ادارے کی حیثیت دی جاتی ہے۔
کوئی بھی سماجی ادارہ کمزور ہوجائے تو پورے سماج پر اس کے منفی نتائج برآمد ہونے پر تاریخ شاید ہے کہ 1971 میں جب مشرقی بنگال کے کرنافلی پیپر ملز سے نیوز پرنٹ کی درآمد بند ہوگئی تھی تو اخبارات شدید بحران کا شکار ہوگئے تھے، مگر 1972 میں پیپلز پارٹی کی نئی حکومت نے پولینڈ سے نیوز پرنٹ درآمد کیا اور رعایتی قیمت پر اخبارات کو فراہم کیا گیا اور حکومت نے قومیائے ہوئے بینکوں اور صنعتی اداروں کے اشتہارات کے والیوم کو بڑھا دیا تو یہ صنعت بحران سے نکل گئی۔ حکومت کا فرض ہے کہ اخباری صنعت کو بچانے کے لیے ترجیحی بنیادوں پر پالیسی وضح کی جائے۔ اخباری صنعت کو بچانا جمہوریت کو مستحکم کرنے کے لیے ضروری ہے۔
ذریعہ: Express News
کلیدی لفظ: میں شایع ہونے والے میں اخبارات کی اخبارات میں کے اخبارات لیل و نہار کا ادارہ کی حکومت کمپنی کے کے اخبار کے ساتھ کرنے کا کے لیے
پڑھیں:
پاکستان اور چین کے درمیان باہمی تجارت 2ماہ سے بند ہونے کا انکشاف
data-id="863a0a8" data-element_type="widget" data-widget_type="theme-post-content.default">
اسلام آباد ( مانیٹرنگ ڈیسک)قومی اسمبلی کی کمیٹی برائے خارجہ امور کے اجلاس میں پاکستان اور چین کے درمیان باہمی تجارت 2 ماہ سے بند ہونے کا انکشاف ہواہے۔ڈان نیوز کے مطابق قومی اسمبلی کی کمیٹی برائے خارجہ امور کا اجلاس چیئرمین حنا ربانی کھر کی زیر صدارت اجلاس ہوا۔دوران اجلاس سربراہ نیشنل لاجسٹک سیل ( این ایل سی ) نے بتایا کہ پاکستان اور چین کے درمیان باہمی تجارت 2 ماہ سے بند ہے، گلگت بلتستان کے مقامی تاجروں کی ہڑتال پاک چین باہمی تجارت میں رکاوٹ ہے۔سربراہ این ایل سی نے کہا کہ تاجروں کی ہڑتال کے باعث این ایل سی کے 64 ٹرک اپنی جگہ پر کھڑے ہیں۔دوران اجلاس سیکرٹری خارجہ آمنہ بلوچ نے پاکستان کے دیگر ممالک کے ساتھ روابط پر بریفنگ دیتے ہوئے کہا کہ پاکستان کی وسط ایشیائی ممالک کے ساتھ باہمی تجارت 2.4 ارب ڈالر ہے۔حکام وزارت خارجہ نے کہا کہ پاکستانی بینکوں کی وسط ایشیائی ممالک میں برانچز نہ ہونے سے بینکنگ ٹرانزیکشن کے مسائل ہیں۔انہوں نے بتایا کہ ڈرائیوروں کے ویزہ کے مسائل کئی سال سے چل رہے ہیں،جن پرپالیسی بنانے کی ضرورت ہے۔حکام وزارت خارجہ نے کہا کہ افغانستان اور ایران کے ساتھ سیکورٹی مسائل تجارت کی راہ میں رکاوٹ ہیں، صرف این ایل سی وسط ایشیا ممالک کو ٹرانسپورٹ فراہم کر رہا ہے۔خیال رہے کہ گلگت بلتستان میں تاجر سوست ڈرائی پورٹ میں انکم ٹیکس اور سیلز ٹیکس کے نفاذ کے خلاف اور کئی ماہ سے ڈیڑھ سو سے زاید درآمدی اشیا پر اضافی ٹیکس لگا کر کلیئر نہ کرنے پر احتجاج کر رہے ہیں۔رواں ماہ کی 8 تاریخ کو بھی گلگت بلتستان کے تاجروں نے پاک،چین بارڈر پر دھرنے کے 50 دن مکمل ہونے پر پاکستان اور چین کے مابین آمد و رفت بند کر دی تھی، جس سے سیکڑوں مسافر اور سیاح پھنس گئے تھے۔تاجروں کی احتجاجی تحریک کی قیادت کرنے والے ممتاز کاروباری شخصیت و سابق صدر چیمبر آف کامرس اینڈ انڈسٹری جاوید حسین نے ڈان نیوز کو بتایا تھا کہ سوست ڈرائی پورٹ کے سامنے مسلسل دن رات دھرنے کے 50 دن مکمل ہونے پرپیر کے روز سے سوست امیگریشن کو بند کرا دیا گیا ہے جس کی وجہ سے چین جانے والی تمام ٹرانسپورٹ بند ہو گئی ہے، اسی طرح چین سے گاڑیوں کے داخلے کو بھی روک دیا گیا ہے۔جاوید حسین کا کہنا تھا کہ مطالبات تسلیم کرنے تک تاجروں نے امیگریشن مکمل طور پر بند کرنے کا فیصلہ کیا تھا جس پر آج سے عملدرآمد شروع کر دیا گیا ہے۔
اٹک میں سوغری نارتھ 1 کنویں سے گیس اور کنڈینسیٹ کی پیداوار شروع