عمران خان کی ضمانت پھر لٹک گئی
اشاعت کی تاریخ: 25th, September 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد :پاکستان تحریک انصاف کے پیٹرن انچیف عمران خان اور بشریٰ بی بی کی 190 ملین پائونڈ کیس میں سزا معطلی کی درخواستوں پر سماعت بغیر کارروائی ملتوی کر دی گئی۔اسلام آباد ہائیکورٹ نے سابق وزیراعظم عمران خان اور ان کی اہلیہ بشریٰ بی بی کی 190 ملین پائونڈ کیس میں سزا معطلی کی درخواستوں پر سماعت نیب کے اسپیشل پراسیکوٹر کی عدم دستیابی کے باعث بغیر کارروائی 16 اکتوبر تک ملتوی کردی۔
بتایا گیا ہے کہ وزیر اعلیٰ خیبرپختونخوا علی امین گنڈاپور اور عمران خان کے بہنیں کمرہ عدالت میں موجود تھیں جہاں درخواست گزاروں کی جانب سے بیرسٹر سلمان صفدر عدالت میں پیش ہوئے، اس موقع پر نیب پراسکیوٹر رافع مقصود نے بتایا کہ نیب کے اسپیشل پراسکیوٹر بیمار ہیں، آج وہ عدالت پیش نہیں ہوسکتے ہیں جس پر بیرسٹر سلمان صفدر نے کہا کہ نیب ہمیشہ تاخیری حربوں سے کام لیتا ہے، ہر بار التواءمانگنے کا یہ مشکل کام ان کو سونپا جاتا ہے۔
سلمان صفدر نے مزید کہا کہ اس کیس میں آئندہ تاریخ بتا دی جائے، میرے کلائنٹس مجھے جانے نہیں دیتے کیوں کہ کیس مشکل سے فکس ہوتا ہے اور مشکل سے ہمیں تاریخ ملتی ہے، یہ ساری رات انجوائے کرتے رہے اور میں ساری رات والیمز پڑھتا رہا جس پر اسلام آباد ہائیکورٹ کے چیف جسٹس نے کہا کہ مجھے پانچ منٹس دے دیجئے میں تاریخ بتا دیتا ہوں، بعد ازاں عمران خان اور بشری بی بی کی سزامعطلی کیس کی سماعت 16 اکتوبر تک ملتوی کردی گئی جس کے بارے میں عدالتی عملے نے وکلاءکو آگاہ کیا۔
ذریعہ: Jasarat News
پڑھیں:
راہ خدا کا سفر جنت کی طرف جانے کا راستہ ہے، عمران عطاری
data-id="863a0a8" data-element_type="widget" data-widget_type="theme-post-content.default">
251110-2-11
حیدرآباد(اسٹاف رپورٹر)دعوت اسلامی کی مرکزی مجلس شوریٰ کے نگراں الحاج محمد عمران عطاری نے کہا ہے کہ راہ خدا کا سفر جنت کی طرف جانے کا راستہ ہے،جو طلب علم کیلئے گھر سے نکلتاہے تو اللہ پاک اسے جنت کے راستے پر چلاتا ہے،اگرہم اللہ اور اس کے رسول کے احکامات کے مطابق اپنی زندگی گذاریں تو یہ بہترین زندگی ہے، دنیا کی چاہت اور مال کی محبت اتنی زیادہ اثر کر چکی ہے کہ ہم گرفت میں آ چکے ہیں، برائیوں اور بے حیائی کے خاتمے کے لئے کوششیں تیز کرنے کی ضرورت ہے۔ان خیالات کا اظہار انہوںنے دعوت اسلامی حیدرآباد کے زیر اہتمام باغ مصطفی گرائونڈ لطیف آباد نمبر8میں قافلہ اجتماع سے بیان کرتے ہوئے کیا۔اجتماع میں سیاسی ،سماجی و مذہبی شخصیات ،منتخب نمائندے،تاجر ،وکلاء اور صحافیوں سمیت ہزاروں افراد نے شرکت کی ۔ الحاج محمد عمران عطاری نے مزید کہاکہ حضرت سیدنا عمر فاروق اعظم رضی اللہ تعالی عنہ نے واضح طور پر فرما دیا کہ اے لوگو اس سے پہلے کہ تمہارا حساب کیا جائے اپنا حساب کر لو، جو شخص صرف دنیا کی فکر میں رہتا ہے تو اللہ پاک اس کے معاملات کو بھی بکھیر دیتا ہے، پریشان کر دیتا ہے ، اس کی تنگدستی کو اس کی آنکھوں کے سامنے کر دیتا ہے اور جو شخص آخرت کا ارادہ کرتا ہے تو اللہ پاک اس کے معاملات کو اکٹھا کر دیتا ہے مجتمع کر دیتا ہے یہ جو بکھرا ہوا اور منتشر ہوتا ہے یہ سمیٹ دیا جاتا ہے،ہم اس حقیقت کو سمجھ جائیں کہ یہ ہے کیا اور ہم کہاںپھنس گئے ۔
ڈنمارک آج بھی قانون کی حکمرانی میں پہلے نمبر پر، پاکستان 130ویں پوزیشن پر قائم