پٹرول 4.07، ڈیزل 4.04 روپے لٹر مہنگا، ایل پی جی 6.71 روپے کلو سستی
اشاعت کی تاریخ: 1st, October 2025 GMT
اسلام آباد (نمائندہ خصوصی+ اپنے سٹاف رپورٹر سے) حکومت نے ڈیزل کی قیمت میں چار روپے چار پیسے فی لیٹر اور پیٹرول کی قیمت میں چار روپے سات پیسے فی لٹر کا اضافہ کر دیا ہے۔ وزارت خزانہ کی طرف سے جاری کیے جانے والے نوٹیفکیشن کے مطابق ڈیزل کی فی لیٹر نئی قیمت 276 روپے 81 پیسے فی لیٹر مقرر کی گئی ہے جبکہ پٹرول کی نئی قیمت 268 روپے 68 پیسے فی لیٹر مقرر کی گئی ہے۔ دوسری جانب اوگرا نے ایل پی جی کی فی کلو قیمت میں 6 روپے 71 پیسے کی کمی کردی۔ ایل پی جی کی نئی قیمت 207 روپے 49 پیسے فی کلو مقررکی گئی ہے۔ ایل پی جی کا گیارہ اعشاریہ 8 کلو گرام کا گھریلو سلنڈر 79 روپے 14 پیسے سستا ہوگیا ہے۔ گھریلو سلنڈر کی نئی قیمت دو ہزار 448 روپے 33 پیسے مقرر کر دی گئی ہے۔
.ذریعہ: Nawaiwaqt
کلیدی لفظ: ایل پی جی پیسے فی فی لیٹر گئی ہے
پڑھیں:
حکمراں شاہی اخراجات میں کمی کرکے کفایت شعاری کی پالیسی اپنائیں‘ کاشف شیخ
data-id="863a0a8" data-element_type="widget" data-widget_type="theme-post-content.default">
251002-08-21
کراچی (اسٹاف رپورٹر) یکم اکتوبر 2025 جماعت اسلامی سندھ کے امیر کاشف سعید شیخ نے شہباز شریف حکومت کی جانب سے پیٹرولیم مصنوعات کی قیمتوں میں حالیہ اضافے کو مسترد اور اسے ظالمانہ اور غریب دشمن فیصلہ قرار دیتے ہوئے مطالبہ کیا ہے کہ حکومت عوام پر مہنگائی کی بمباری کرنے کے بجائے اپنے شاہی اخراجات کو کم کرے اور عوام کو ریلیف فراہم کرے۔ انہوں نے آج اپنے ایک بیان میں کہا کہ پیٹرول اور ڈیزل کی قیمتوں میں 4 روپے فی لیٹر اضافے سے مہنگائی اور عوام کی مشکلات میں مزید اضافہ ہو گا۔ اس وقت موجودہ حکومت لیوی چارجز کی مد میں 100 روپے فی لیٹر سے زائد وصول کر رہی ہے جبکہ دیگر تمام ٹیکسز کو شامل کیا جائے تو یہ 277 روپے فی لیٹر کی قیمت کا 35 فیصد ٹیکس بنتا ہے جو کہ تاریخ کی بلند ترین سطح ہے۔ معیشت کو بحال کرنے کا دعویٰ کرنے والی حکومت نے اندرونی اور بیرونی قرضوں کی وصولی میں پچھلے تمام ریکارڈ توڑ دیے ہیں۔ یہ تاریخ کی بدترین اور غریب دشمن حکومت ثابت ہوئی ہے۔ حکومت کی عوام دشمن پالیسیوں کے خلاف سرکاری ملازمین سمیت تمام شعبہ ہائے زندگی سے تعلق رکھنے والے افراد سراپا احتجاج ہیں۔ حکومت اور معیشت کو قرضوں اور بھیک پر نہیں چلایا جا سکتا۔ انہوں نے حکومت سے پیٹرولیم مصنوعات کی قیمتوں میں کیا گیا حالیہ اضافہ واپس لینے، شاہی اخراجات ختم کرنے اور سادگی اور کفایت شعاری کی پالیسی اپنانے کا مطالبہ کیا۔
اٹلی میں معرکہ حق انٹرنیشنل سیمینار کا انعقاد، افواجِ پاکستان سے والہانہ اظہارِ محبت