ٹرمپ نے جن 20نکات کا اعلان کیا ہے وہ ہمارے نہیں ہیں، اسحاق ڈار
اشاعت کی تاریخ: 3rd, October 2025 GMT
اسلام آباد(ڈیلی پاکستان آن لائن)نائب وزیراعظم و وزیر خارجہ اسحاق ڈار نے کہا ہے کہ صدرٹرمپ نے جن 20نکات کا اعلان کیا ہے وہ ہمارے نہیں ہیں۔
نجی ٹی وی جیو نیوز کے مطابق قومی اسمبلی اجلاس سے نائب وزیراعظم و وزیر خارجہ اسحاق ڈار نے اظہار خیال کرتے ہوئے کہاکہ پیپلزپارٹی اور ن لیگ میں معاملات دونوں طرف سے ہیں،گولہ باری روکنا پڑے گی،مذاکرات ہی مسائل کا واحد حل ہے،تمام معاملات افہام و تفہیم سے حل ہو سکتے ہیں،ایک دوسرے پر الزام تراشی کسی مسئلے کا حل نہیں۔
نائب وزیراعظم نے دورہ امریکا پر گفتگو کرتے ہوئے کہاکہ یو این اسمبلی کااجلاس 23سے 27ستمبر تک جاری رہا، وزیراعظم نے کشمیر اور فلسطین کا مقدمہ بھرپور انداز میں لڑا، وزیراعظم نے اپنی تقریر میں اہم عالمی معاملات کو اجاگر کیا، وزیراعظم نے یو این میں پاکستان کی قیادت کی،وزیراعظم نے اسرائیل کا نام لے کر تقریر میں تنقید کی، وزیراعظم کی تقریر کو دنیا بھر میں سب سے زیادہ دیکھا گیا، گھنٹے میں ایک ملین لوگ تقریر دیکھ چکے تھے،
مریم نواز کے بیان کیخلاف پیپلز پارٹی کا قومی اسمبلی اجلاس سے واک آؤٹ
ان کاکہناتھا کہ اقوام متحدہ میں درجنوں قراردادیں پاس ہو چکی ہیں،اقوام متحدہ، یورپی یونین اور دوسرے عالمی ادارے غزہ میں خونریزی بند کرانے میں ناکام ہو چکے ہیں،غزہ قبرستان بن چکا ہے، غزہ میں امن قائم کرنے کیلئے یو این ناکام ہو چکا ہے،فلسطین اور غزہ کا مسئلہ سب سے زیادہ تکلیف دہ ہے،غزہ میں لوگ بھوک سے مر رہے ہیں،غزہ میں انسانی امداد کو نہیں جانے دیا جارہا۔
اسحاق ڈار کا کہناتھا کہ 8ممالک کے وزرائے خارجہ اور صدر ٹرمپ کی ٹیم کے درمیان ملاقات ہوئی،8اسلامی ممالک کے وزرائے خارجہ نے اپنی تجاویز تیار کرکے دیں،8ملکوں کی طرف سے20نکاتی ڈرافٹ تیار کیاگیا،20نکات پر 8ممالک کے وزرائے خارجہ نے مشترکہ بیان جاری کیا، ہمارے اکثر نکات مان لئے گئے،مشترکہ بیان میں غزہ میں امن کیلئے صدر ٹرمپ کی کوششو ں کاخیرمقدم کیاگیا،ان کاکہنا تھا کہ غزہ میں مکمل جنگ بندی ضروری ہے،غزہ کی تعمیر نو کی جائے،مشترکہ بیان میں کہا گیا مغربی کنارہ غزہ کا حصہ ہوگا، 8ممالک کے وزرائے خارجہ نے مشرق وسطیٰ میں قیام امن کیلئے دن رات کام کیا۔
بیٹے کے ایک چھوٹے سوال نے میری زندگی بدل دی، کاجول کا انکشاف
نائب وزیراعظم نے کہاکہ غزہ کے حل کیلئے بلائے گئے اجلاس میں 20نکاتی پروپوزل دیا گیا،آٹھ ملکوں کی طرف سے ڈرافٹ بنایاگیا، کچھ ملکوں نے کہا کہ ڈرافٹ پر دستخط ہونے چاہئیں،ہفتے کو بتایا گیا کہ امریکا کا ڈرافٹ مل گیا ہے،پیر کو امریکا نے اعلان کیا اور 20نکات پیش کئے گئے،ٹرمپ نے غزہ معاملے کیلئے اہم نکات پیش کئے،پھر ہم نے طے کیا کہ ہم اپنا مشترکہ بیان جاری کیا جائے،رات ایک بجے مشترکہ بیان کو حتمی شکل دی گئی،
صدر ٹرمپ نے غزہ کے مسئلے کے حل کیلئے اہم نکات پیش کئے،صدرٹرمپ سے غزہ میں جنگ بندی کے ایک نکاتی ایجنڈے پر بات ہوئی،ان کاکہناتھا کہ ٹرمپ نے جن 20نکات کا اعلان کیا ہے وہ ہمارے نہیں ہیں۔
بھارت چہیتے میچ ریفری پائی کرافٹ کو سر آنکھوں پر بٹھانے لگا
مزید :.
ذریعہ
ذریعہ: Daily Pakistan
کلیدی لفظ: کے وزرائے خارجہ اعلان کیا اسحاق ڈار
پڑھیں:
ضم اضلاع کیلئے ٹیکس استثنیٰ بحال کریں: گورنر خیبر پی کے کا وزیراعظم کو خط
پشاور (بیورو رپورٹ) گورنر خیبرپی کے فیصل کریم کنڈی نے وزیراعظم پاکستان سے ضم قبائلی اضلاع کیلئے وفاقی ٹیکس استثنیٰ بحالی کی درخواست کردی۔ وزیراعظم کو بھیجے گئے خط میں گورنر نے مطالبہ کیا کہ ضم شدہ اضلاع اور پاٹا کے لیے وفاقی ٹیکس استثنیٰ میں توسیع کرتے ہوئے انضمام کے وقت قبائلی عوام سے کیے گئے وعدوں کی پاسداری کی جائے۔ ضم قبائلی اضلاع اور پاٹا میں انکم ٹیکس، سیلز ٹیکس اور دیگر وفاقی محصولات کے نفاذ پر نظرثانی کی جائے۔ وفاقی ٹیکسوں کے خاتمے کے بغیر قبائلی عوام کو مکمل ٹیکس ریلیف فراہم نہیں کیا جا سکتا۔ صوبائی حکومت پہلے ہی ضم شدہ اضلاع اور پاٹا پر عائد تمام صوبائی ٹیکس ختم کر چکی ہے، تاہم وفاقی ٹیکس برقرار رہنے سے عوام کو مکمل ریلیف نہیں مل رہا۔ دریں اثناء گورنر فیصل کریم کنڈی سے پاکستان کونسل آف سائنٹیفک اینڈ انڈسٹریل ریسرچ (پی سی ایس آئی آر) پشاور کے ڈائریکٹر جنرل انجینئر سہیل امیر مروت نے گورنر ہاؤس پشاور میں ملاقات کی۔ ادارے کی تحقیق و ترقی (ریسرچ اینڈ ڈویلپمنٹ)، جاری پی ایس ڈی پی منصوبوں، ادارے کی تحقیقی صلاحیتوں اور استعداد سے متعلق تفصیلی بریفنگ دی۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی