تیاریاں وانتظامات مکمل‘شارع فیصل پر ’’ غزہ مارچ ‘‘آج ہو گا ,عوام بھر پور شرکت کریں‘منعم ظفر خان
اشاعت کی تاریخ: 5th, October 2025 GMT
data-id="863a0a8" data-element_type="widget" data-widget_type="theme-post-content.default">
251005-01-8
کراچی (اسٹاف رپورٹر) جماعت اسلامی کے تحت امریکی پشت پناہی سے اسرائیلی افواج کی غزہ پر مسلسل بمباری ، مظلوم و نہتے فلسطینی مسلمانوں ، خواتین و بچوں سمیت ہزاروں فلسطینیوں کی نسل کشی ، صمود فلوٹیلا پر حملے کے خلاف اورا ہل فلسطین و حماس سے یکجہتی و اتحاد امت کے اظہار کے لییـآج 3بجے سہ پہر شارع فیصل پر عظیم الشان ’’یکجہتی غزہ مارچ‘‘ ہو گا۔شہر بھر سے لاکھوں مردو وخواتین ، مختلف طبقات و مکاتب فکر اور شعبہ ہائے زندگی سے وابستہ افراد شریک ہوں گے ۔امیر جماعت اسلامی پاکستان حافظ نعیم الرحمن خصوصی خطاب کریں گے ۔ ’’ یکجہتی غزہ مارچ‘‘ کی تمام تیاریاں اور انتظامات مکمل کرلیے گئے ہیں۔مارچ کے سلسلے میں شہر بھر میں کیمپ لگائے گئے اور بڑی تعداد میںکارنر میٹنگز و مظاہروں کا انعقاد کیا گیااور عوامی رابطہ مہم چلائی گئی ۔امیر جما عت اسلامی کراچی منعم ظفر خان نے کراچی کے عوام،علما، وکلا،ڈاکٹرز، انجینئرز، طلبہ، تاجر، مزدور سمیت سول سوسائٹی و تمام طبقات اور مختلف شعبہ ہائے زندگی سے وابستہ مردوخواتین سے اپیل کی کہ پورے ایمانی جذبے اور بھر پور جوش و خروش کے ساتھ جوق درجوق اپنی فیملی کے ہمراہ ’’ یکجہتی غزہ مارچ‘‘میں شر یک ہوں اور اسرائیلی جارحیت ،امریکا اسرائیل گٹھ جوڑ، فلسطینیوں کی نسل کشی و بے دخلی ،قبلہ اوّل پر قبضے کی سازشوں و کوششوں کے خلاف اور اہل غزہ وفلسطینی مسلمانوں کی جدو جہد کے ساتھ بھر پور اظہارِ یکجہتی کریں۔منعم ظفر خان نے مزید کہا کہ کراچی زندہ دل ہونے کا ثبوت دے گا اور لاکھوں کی تعداد میں شہری مارچ میں شرکت کریں گے۔ آج سارے راستے اور سارے قافلے شارع فیصل یکجہتی غزہ مارچ کی جانب رواں دواں ہوں گے۔ ہماری ذمے داری ہے کہ مسلم دنیا کے حکمرانوں کو جھنجھوڑیں اور مجبور کریں کہ اہل غزہ و فلسطین کی مدد کریں۔ اسرائیلی و امریکی مصنوعات کا مکمل بائیکاٹ کریں اور انہیں معاشی طور پر نقصان پہنچائیں۔انہوںنے کہا کہ اہل غزہ پر گزشتہ 2سال سے اسرائیل بمباری کررہا ہے۔ غزہ پر بمباری امریکی سرپرستی اور امریکا کی جانب سے فراہم کردہ اسلحے سے کی جارہی ہے۔ گزشتہ ایک صدی سے صہیونی سازشیں جاری ہیں وہ فلسطین پر قبضہ کرنا چاہتے ہیں۔ ہم اہل غزہ اور حماس کی قیادت کو سلام پیش کرتے ہیں جو استقامت کے ساتھ ڈٹے ہوئے ہیں۔ مسلم دنیا کے حکمرانوں نے بے حسی کا لبادہ اُوڑھا ہوا ہے۔ علاوہ ازیں ’ ’ یکجہتی ’غزہ مارچ‘‘ میں لاکھوں مردو خواتین کی شر کت کے پیش نظربڑے پیمانے پر انتظامات کیے گئے ہیں ، شہر بھر سے آنے والے جلوس،ریلیوں اور قافلوں کی صورت میں شارع فیصل پر پہنچیں گے،مین نرسری اسٹاپ پرموجود بالائی گزر گاہ کو اسٹیج بنایا گیا ہے ، جہاں سے قائدین خطاب کریں گے۔شارع فیصل پر سڑک کا ایک ٹریک مردوں اور دوسرا ٹریک خواتین کے لیے مختص کیاگیاہے۔ ’’یکجہتی غزہ مارچ‘‘ کی کوریج کے لیے قومی و بین الاقوامی الیکٹرونک و پرنٹ میڈیا کے نمائندوں کو خصوصی دعوت دی گئی ہے ، مارچ کے سلسلے میں رات گئے تک موبائل پبلسٹی اور عوامی رابطے کا سلسلہ جاری رہا ۔ شہر بھر میں قائم کیمپوں کے ذریعے بڑے پیمانے پر شہریوں کو شر کت کی دعوت دی گئی ۔جماعت اسلامی کے مردو خواتین کارکنان اور ذمے داران ہفتہ کے روز بھی سارا دن سر گرمِ عمل رہے۔عوام کی جانب سے زبردست جوش و خروش اور مثبت ردّ عمل کا مظاہرہ دیکھنے میں آیا اور توقع ہے کہ ’’ یکجہتی غزہ مارچ‘‘کراچی کے عوام کا تاریخی اور یادگار مارچ ثابت ہو گا۔
ذریعہ
ذریعہ: Jasarat News
کلیدی لفظ: یکجہتی غزہ مارچ شارع فیصل پر اہل غزہ
پڑھیں:
گورنرخیبرپختونخوا فیصل کریم کنڈی کی وفاقی وزیر صحت مصطفیٰ کمال سے ملاقات، دینار ہسپتال ڈی آئی خان کیلئے ریڈیالوجی مشینری اور طبی آلات کی فراہمی پر تبادلہ خیال
اسلام آباد (اُردو پوائنٹ اخبارتازہ ترین - اے پی پی۔ 02 جون2026ء) گورنر خیبرپختونخوا فیصل کریم کنڈی نے وفاقی وزیر صحت مصطفیٰ کمال سے اسلام آباد میں ملاقات کی۔ منگل کو گورنر آفس سے جاری بیان کے مطابق ملاقات میں ڈی آئی خان کے دینار ہسپتال کے لیے ریڈیالوجی مشینری اور طبی آلات کی فراہمی پر تبادلہ خیال کیا گیا۔(جاری ہے)
اس موقع پر گورنر نے کہا کہ جنوبی اضلاع کے کینسر کے مریضوں کو شدید مشکلات کاسامنا ہے، وفاق طبی آلات کی فراہمی میں تعاون کرے جس پر وفاقی وزیر صحت مصطفیٰ کمال نے دینار ہسپتال کے لیے ضروری مشینری اور طبی آلات کی فراہمی کی یقین دہانی کرائی۔
گورنر نے کہا کہ وفاق صحت کے شعبے میں خیبرپختونخوا کے پسماندہ اور متاثرہ علاقوں پر خصوصی توجہ دے، دینار ہسپتال میں جدید طبی سہولیات کی فراہمی سے جنوبی اضلاع کے مریضوں کو ریلیف ملے گا۔ وفاقی وزیر مصطفیٰ کمال نے کہا کہ خیبر پختونخوا میں صحت کی سہولیات کی بہتری کے لیے ہرممکن تعاون کریں گے۔ ملاقات میں وفاق اور خیبرپختونخوا کے درمیان صحت کے شعبے میں تعاون مزید بڑھانے پر بھی اتفاق ہوا۔ خیبرپختونخوا اسمبلی میں پاکستان پیپلز پارٹی کے پارلیمانی لیڈر احمد کریم کنڈی بھی اس موقع پر موجود تھے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ