UrduPoint:
2025-10-15@15:02:29 GMT
وفاقی وزیر ریلوے محمد حنیف عباسی کا سابق سپیکر سندھ اسمبلی آغا سراج درانی کے انتقال پر گہرے دکھ اور افسوس کا اظہار
اشاعت کی تاریخ: 15th, October 2025 GMT
اسلام آباد (اُردو پوائنٹ اخبارتازہ ترین - اے پی پی۔ 15 اکتوبر2025ء) وفاقی وزیر برائے ریلوے محمد حنیف عباسی نےسابق سپیکر سندھ اسمبلی آغا سراج درانی کے انتقال پر گہرے دکھ اور افسوس کا اظہار کیا ہے ۔ اپنے بیان میں انہوں نے آغا سراج درانی کی مغفرت اور بلند درجات کے لیے دعا کرتے ہوئے کہا کہ اللہ تعالیٰ مرحوم کو جنت الفردوس میں اعلیٰ مقام عطا فرمائے۔
(جاری ہے)
انہوں نے کہا کہ مرحوم آغا سراج درانی ہمارے عزیز بھائی تھے ان کے جانے پر دل غمگین ہے، غم کی اس گھڑی میں اہل خانہ کے ساتھ دلی ہمدردی اور تعزیت کا اظہار کرتے ہیں۔ ان کا کہنا تھا کہ آغا سراج درانی باوقار، شفیق اور مخلص رہنما تھے، ان کے انتقال سے سیاست اور پارلیمانی روایات کا ایک سنہرا باب بند ہو گیا اور قوم ایک مخلص رہنما سے محروم ہو گئی۔ انہوں نے کہا کہ آغا سراج درانی کی یادیں اور خدمات ہمیشہ دلوں میں زندہ رہیں گی۔\932.ذریعہ: UrduPoint
کلیدی لفظ: تلاش کیجئے
پڑھیں:
سابق سپیکر سندھ اسمبلی آغا سراج درانی انتقال کرگئے
کراچی(ڈیلی پاکستان آن لائن)پیپلزپارٹی کے سینئر رہنما اور سابق سپیکر سندھ اسمبلی آغا سراج درانی انتقال کرگئے۔
نجی ٹی وی چینل دنیا نیوز کے مطابق کراچی کے نجی ہسپتال میں زیرعلاج تھے۔
مزید :
پاکستان اور ایران کی سرحد ماشکیل میں 4 سال بعد دوبارہ کھل گئی