آل راؤنڈر عامر جمال کی ننھی شہزادی انتقال کرگئی
اشاعت کی تاریخ: 22nd, October 2025 GMT
data-id="863a0a8" data-element_type="widget" data-widget_type="theme-post-content.default">
پاکستانی کرکٹر اور آل راؤنڈر عامر جمال ایک بڑے صدمے سے دوچار ہوگئے، ان کی نومولود صاحبزادی انتقال کرگئی۔ اس افسوسناک خبر نے نہ صرف کرکٹ برادری بلکہ عام مداحوں کو بھی گہرے دکھ میں مبتلا کردیا۔
عامر جمال نے سماجی رابطے کی ویب سائٹ ایکس (سابقہ ٹوئٹر) پر اپنی ننھی بیٹی کا ہاتھ تھامے ایک کو چھو لینے والی تصویر شیئر کرتے ہوئے اس سانحے کی اطلاع دی۔ تصویر کے ساتھ انہوں نے لکھا، “اللہ کی طرف سے، اللہ کی طرف”۔ اپنی پوسٹ میں انہوں نے جذباتی انداز میں کہا، “میری ننھی شہزادی، میں تمہیں زیادہ دیر تک نہیں سنبھال سکا، ماں اور بابا ہمیشہ تمہیں یاد کریں گے۔
کرکٹر نے اپنی مرحوم بیٹی کے لیے دعا کرتے ہوئے مزید لکھا کہ “اللہ آپ کو جنت میں اعلیٰ مقام عطا فرمائے۔” تاہم اب تک نومولود بچی کے انتقال کی وجہ سامنے نہیں آسکی ہے۔
عامر جمال کی اس پوسٹ کے بعد مداحوں، ساتھی کھلاڑیوں اور مختلف کھیلوں سے وابستہ شخصیات نے گہرے دکھ اور افسوس کا اظہار کیا۔ سوشل میڈیا پر ان کے لیے تعزیتی پیغامات کی بھرمار ہوگئی۔ پاکستانی ویمن ٹیم کی سابق کپتان ثنا میر نے بھی عامر جمال اور ان کی اہلیہ سے اظہارِ ہمدردی کرتے ہوئے لکھا کہ وہ اس مشکل وقت میں ان کے ساتھ ہیں اور اللہ تعالیٰ سے دعا کرتی ہیں کہ وہ والدین کو صبرِ جمیل عطا فرمائے۔
کرکٹ برادری کی جانب سے عامر جمال کے خاندان کے لیے دعاؤں اور ہمدردی کا سلسلہ جاری ہے۔
ذریعہ
ذریعہ: Jasarat News
کلیدی لفظ: عامر جمال
پڑھیں:
ٹرمپ کی خام خیالی تھی وہ ہمیں مذاکرات میں لگاکر حزب اللہ کیخلاف کارروائیاں کریں گے، ایرانی سفیر
ایرانی سفیر رضا امیری مقدم(فائل فوٹو)۔پاکستان میں متعین ایرانی سفیر رضا امیری مقدم نے کہا کہ ٹرمپ کی خام خیالی تھی کہ وہ ہمیں مذاکرات میں مشغول کرکے حزب اللہ کیخلاف کارروائیاں کریں گے۔
ایرانی سفیر نے کہا کہ میناب میں اسکول اور عام شہریوں کو نشانہ بنایا گیا، امریکا اور اسرائیل کو 40 روزہ جنگ کے بعد شکست کا سامنا کرنا پڑا۔
اسلام آباد میں تقریب سے خطاب کرتے ہوئے ایرانی سفیر رضا امیری مقدم نے مزید کہا کہ مذاکرات کے حوالے پاکستان ثالث کے طور پر ابھرا، ہم مذاکرات میں اس لیے آئے کہ ہماری نیت ہے، ٹرمپ کہتے ہیں کہ ہمارے پاس ایٹمی ہتھیار نہیں ہونے چاہئیں۔
ایرانی سفیر نے کہا ہمارے رہبر اعلیٰ نے فتویٰ دیا ہوا ہے کہ ہم ایٹمی ہتھیاروں کو حرام سمجھتے ہیں، مذاکرات کی میز پر امریکی کہتے ہیں آپ یورینیم بھی افزودہ نہیں کرسکتے۔
رضا امیری مقدم نے کہا کہ ایٹمی ہتھیاروں اور پرامن مقاصد کیلئے یورینیم افزودہ کرنا الگ ہے، امریکا اور مغرب کے سامنے ایران کبھی نہیں جھکے گا۔
ایرانی سفیر نے کہا کہ ٹرمپ صبح سے شام تک دیوانوں کی طرح باتیں کرتے رہتے ہیں، ان کی خام خیالی تھی کہ وہ ہمیں مذاکرات میں مشغول کرکے حزب اللہ کیخلاف کارروائیاں کریں گے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ