جنرل ساحر شمشاد کی چیف ایڈوائزر بنگلہ دیش سے ملاقات، دفاعی تعاون پر تبادلۂ خیال
اشاعت کی تاریخ: 26th, October 2025 GMT
پاکستان کے چیئرمین جوائنٹ چیفس آف اسٹاف کمیٹی (سی جے سی ایس سی) جنرل ساحر شمشاد مرزا نے ہفتہ کی شب ریاستی گیسٹ ہاؤس ’جمنا‘ میں بنگلہ دیش کے چیف ایڈوائزر پروفیسر محمد یونس سے ملاقات کی۔
یہ بھی پڑھیں:پاکستان بنگلہ دیش کو چاول برآمد کرے گا
ملاقات میں پاکستان اور بنگلہ دیش کے درمیان تعلقات، دوطرفہ تجارت، سرمایہ کاری اور دفاعی تعاون کے فروغ سمیت متعدد امور پر تبادلۂ خیال کیا گیا۔
جنرل مرزا نے کہا کہ پاکستان دونوں ممالک کے درمیان تاریخی، ثقافتی اور عوامی روابط کو مزید مضبوط بنانا چاہتا ہے۔ انہوں نے زور دیا کہ تجارت، سرمایہ کاری اور رابطوں کے فروغ کے لیے وسیع امکانات موجود ہیں۔
یہ بھی پڑھیں:بنگلہ دیش کو امن و اتحاد کے لیے غیر ملکی دوستوں کی حمایت درکار ہے، ڈاکٹر یونس
انہوں نے بتایا کہ کراچی اور چٹاگانگ کے درمیان دو طرفہ بحری رابطہ شروع ہو چکا ہے، جبکہ ڈھاکہ اور کراچی کے درمیان فضائی رابطہ آئندہ چند ماہ میں بحال کیے جانے کی توقع ہے۔
دونوں رہنماؤں نے مشرقِ وسطیٰ اور یورپ میں بڑھتی ہوئی کشیدگی کے خاتمے اور عالمی سطح پر امن کے فروغ کی ضرورت پر بھی اتفاق کیا۔ اس موقع پر سوشل میڈیا پر جعلی خبروں اور گمراہ کن معلومات کے پھیلاؤ کے خطرات پر بھی گفتگو ہوئی۔
چیف ایڈوائزر پروفیسر محمد یونس نے کہا کہ جعلی خبریں اور غلط معلومات سوشل میڈیا پر تیزی سے پھیل رہی ہیں، جنہیں افراتفری پھیلانے کے لیے استعمال کیا جا رہا ہے۔ اس سنگین مسئلے سے نمٹنے کے لیے عالمی سطح پر مشترکہ کوششوں کی ضرورت ہے۔
یہ بھی پڑھیں:کیا مشکلات میں گھرے ڈاکٹر یونس مستعفی ہو جائیں گے؟
ملاقات میں نیشنل سیکیورٹی ایڈوائزر ڈاکٹر خلیل الرحمان، سینئر سیکریٹری و ایس ڈی جی کوآرڈی نیٹر لامیہ مرشد، اور پاکستان کے ہائی کمشنر عمران حیدر بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلہ دیش پاکستان جنرل ساحر شمشاد ڈاکٹر یونس.ذریعہ: WE News
کلیدی لفظ: بنگلہ دیش پاکستان ڈاکٹر یونس بنگلہ دیش کے درمیان کے لیے
پڑھیں:
فیلڈ مارشل عاصم منیر سے انڈونیشیئن صدر پروابوو سبیانتو کی ملاقات، دونوں ممالک کا دفاعی تعاون مضبوط بنانے کے عزم کا اعادہ
—تصویر بشکریہ سوشل میڈیاچیف آف ڈیفنس فورسز فیلڈ مارشل سید عاصم منیر سے انڈونیشیا کے صدر پروابوو سبیانتو نے ملاقات کی ہے۔
مسلح افواج کے شعبۂ تعلقاتِ عامہ آئی ایس پی آر کے مطابق ملاقات میں باہمی دلچسپی کے امور اور علاقائی سیکیورٹی پر گفتگو کی گئی۔
اس موقع پر پاکستان اور انڈونیشیا نے دفاعی تعاون مزید مضبوط بنانے کے عزم کا اعادہ کیا۔
انڈونیشیا کے صدر نے پاک فوج کی پیشہ ورانہ صلاحیتوں کی تعریف کی اور خطے میں امن واستحکام کے لےی پاکستان کے کردار کا اعتراف کیا۔
ملاقات میں تربیت، انسدادِ دہشت گردی اور استعدادِ کار میں تعاون بڑھانے پر بھی اتفاق کیا گیا۔
آئی ایس پی آر کے مطابق چیف آف ڈیفنس فورسز فیلڈ مارشل عاصم منیر نے کہا کہ پاکستان انڈونیشیا کے ساتھ دیرینہ تعلقات کو قدر کی نگاہ سے دیکھتا ہے، تربیت، انسدادِ دہشت گردی اور استعداد کار میں اضافے کے لیے دفاعی تعاون کو وسعت دینے کے لیے پُرعزم ہیں۔
انڈونیشی صدر کو وزیرِ اعظم ہاؤس میں گارڈ آف آنر
بعد ازاں انڈونیشیا کے صدر وزیرِ اعظم ہاؤس پہنچے جہاں وزیرِ اعظم شہباز شریف نے ان کا استقبال کیا۔
اعلامیے کے مطابق انڈونیشیا کے صدر کو وزیرِ اعظم ہاؤس آمد پر گارڈ آف آنر پیش کیا گیا۔
وزیر ِ اعظم شہباز شریف سے انڈونیشیا کے صدر کی ملاقات ہوئی جس کے بعد وفود کی سطح پر اجلاس بھی منعقد ہوا۔
پاکستان کرغزستان کے درمیان 15 معاہدوں اور مفاہمت کی یادداشتوں پر دستخط