میں حیران رہ گئی کہ وہ میرا نام کیسے جانتے تھے، دیویا دتہ کی شاہ رخ خان سے پہلی ملاقات کا دلچسپ قصہ
اشاعت کی تاریخ: 30th, October 2025 GMT
2 نومبر کو جب شاہ رخ خان اپنی 60 ویں سالگرہ منا رہے ہیں، تو پوری فلم انڈسٹری صرف ایک سپر اسٹار نہیں بلکہ ایک ایسے انسان کا جشن منا رہی ہے جس کی انکساری، محبت اور دلکشی نے ہر دل میں جگہ بنائی ہے۔
شاہ رخ خان کی سالگرہ پر انہیں شاندار انداز میں یاد کرنے والے لوگوں میں شامل ہیں اداکارہ دیویا دتہ، جنہوں نے شاہ رخ سے اپنی پہلی ملاقات کو یاد کرتے ہوئے ایک ایسا واقعہ سنایا جو واقعی کسی بولی وڈ فلم کے سین جیسا لگتا ہے۔
’ہم ٹکرا گئے… اور میری فائل اُڑ گئی‘دیویا دتہ نے ایک انٹرویو میں بتایا’ یہ میری ان سے پہلی ملاقات تھی، وینس آفس میں۔ میں اپنے پورٹ فولیو کے ساتھ ایک تنگ سی سیڑھی سے نیچے اتر رہی تھی اور وہ تیزی سے اوپر آ رہے تھے۔ ہم بالکل ایک دوسرے سے ٹکرا گئے اور میری فائل نیچے گر گئی۔‘
یہ بھی پڑھیے شاہ رخ خان نے 59 سال کی عمر میں جوان نظر آنے کا حیران کن راز فاش کردیا
دیویا بتاتی ہیں کہ اس کے بعد جو ہوا، وہ شاہ رخ خان کا جادو تھا۔
’انہوں نے یہ دیکھے بغیر کہ میں کون ہوں، فوراً جھک کر میری تصویریں اٹھانا شروع کر دیں اور بولے ‘I’m sorry’۔ پھر جب نظر اوپر اٹھائی تو کہا، ‘اوہ! ہائے دیویا!’ ‘
’میں حیران رہ گئی… کہ وہ میرا نام جانتے ہیں!‘نئی آنے والی اداکارہ کے لیے یہ لمحہ کسی خواب سے کم نہیں تھا۔
’ذرا میرا چہرہ سوچیں!‘ وہ ہنستے ہوئے کہتی ہیں۔ ’میں کچھ بول ہی نہیں پائی۔ سب سے خاص بات یہ تھی کہ وہ میرا نام جانتے تھے! میں نے پوچھا، ‘آپ کو میرا نام کیسے معلوم؟’ تو وہ مسکرائے اور بولے، ‘میں نے آپ کا نام اداکاروں کی شارٹ لسٹ میں دیکھا تھا۔‘
یہی ہے شاہ رخ خان ۔۔۔ حاضر دماغ، دلکش، اور کمال کے انسان۔
یہ بھی پڑھیں: وینیٹی وینز یا شاہی محلات؟ شاہ رخ خان اور رنویر سنگھ کی کروڑوں کی وینیٹی وین میں کیا خاص ہے؟
’ ویـر زارا‘ میں دوبارہ ملاقاتکئی سال بعد، دیویا دتہ اور شاہ رخ خان نے یـش چوپڑا کی فلم ’ویـر زارا (2004) میں ایک ‘ساتھ کام کیا۔ دیویا کے مطابق، ’وہی باہمی احترام اور خوبصورتی جو پہلی ملاقات میں تھی، فلم کے پردے پر بھی جھلکی۔‘
’شاید اُس دن میں اُن سے تھوڑا سا پیار کر بیٹھی تھی‘دیویا دتہ مسکراتے ہوئے کہتی ہیں:
’میرا دل اُس دن تھوڑا سا ان پر فدا ہو گیا تھا۔ وہ صرف ایک اسٹار نہیں، ایک ایسا انسان ہیں جو لوگوں کے نام یاد رکھتے ہیں، اُن کی مدد کرتے ہیں اور اُنہیں اہم محسوس کرواتے ہیں۔‘
ایک سپر اسٹار نہیں، ایک انسانجب دنیا بھر کے مداح شاہ رخ خان کے 60 برس مکمل ہونے کا جشن منا رہے ہیں، تو دیویا دتہ کی کہانی یاد دلاتی ہے کہ اسٹارڈم کے پیچھے ایک نرم دل، مہربان اور سادہ انسان چھپا ہے جو ہر دل کو چھو لیتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انٹرٹینمنٹ دیویا دتہ شاہ رخ خان.
ذریعہ
ذریعہ: WE News
کلیدی لفظ: انٹرٹینمنٹ شاہ رخ خان پہلی ملاقات شاہ رخ خان
پڑھیں:
پہلی ہی گیند پر وکٹ: شاہین آفریدی پاکستان کے عظیم کپتانوں کی فہرست میں شامل
پاکستان کے کپتان شاہین شاہ آفریدی نے آسٹریلیا کے خلاف دوسرے ایک روزہ میچ میں ایک منفرد اعزاز اپنے نام کر لیا۔
یہ بھی پڑھیں: دوسرا ون ڈے: آسٹریلیا کے 232 رنز کے ہدف کے تعاقب میں پاکستان کی بیٹنگ جاری
قذافی اسٹیڈیم لاہور میں کھیلے گئے میچ کے آغاز پر شاہین نے پہلی ہی گیند پر آسٹریلوی اوپنر الیکس کیری کو بولڈ کر کے پاکستانی کرکٹ کی تاریخ میں اپنا نام درج کرا دیا۔
شاہین شاہ آفریدی اب پاکستان کے صرف تیسرے کپتان بن گئے ہیں جنہوں نے ون ڈے انٹرنیشنل میں حریف ٹیم کی اننگز کی پہلی ہی گیند پر وکٹ حاصل کی۔ اس سے قبل یہ کارنامہ پاکستان کے لیجنڈری فاسٹ بولرز وسیم اکرم اور وقار یونس انجام دے چکے ہیں۔
A unique feat for Pakistan captain @iShaheenAfridi today ????
➡️ Download #PCBLIVE app now ????
Google Play Store: https://t.co/5mBlUcoG8g
Apple App Store: https://t.co/RpeYQPshnh
Watch Live: https://t.co/M8wsOD8omx#PAKvAUS | #TakraarKaTime | #BackTheBoysInGreen pic.twitter.com/lh6zWbjS25
— Pakistan Cricket (@TheRealPCB) June 2, 2026
وسیم اکرم نے سنہ 1993 میں کراچی میں زمبابوے کے خلاف اینڈی فلاور کو پہلی گیند پر آؤٹ کیا تھا جبکہ وقار یونس نے 2001 میں لیڈز میں انگلینڈ کے مارکس ٹریسکوتھک کو ابتدائی گیند پر پویلین بھیجا تھا۔
پہلی گیند پر وکٹ لینے والے پاکستانی کپتان
وسیم اکرم: سنہ 1993 بمقابلہ زمبابوے (کراچی)
وقار یونس: سنہ 2001 بمقابلہ انگلینڈ (لیڈز)
شاہین شاہ آفریدی: سنہ 2026 بمقابلہ آسٹریلیا (لاہور)
شاہین آفریدی نے صرف ابتدائی وکٹ پر ہی اکتفا نہیں کیا بلکہ شاندار بولنگ کا سلسلہ جاری رکھتے ہوئے آسٹریلیا کے مزید 2 کھلاڑیوں کو بھی آؤٹ کیا۔ انہوں نے 47ویں اوور میں میتھیو کوہنیمن اور 49ویں اوور میں نیتھن ایلس کی وکٹ حاصل کی اور 8 اوورز میں 36 رنز دے کر 3 وکٹیں اپنے نام کیں۔
مزید پڑھیے: شاہین آفریدی نے تاریخ رقم کر دی، ورلڈ ٹیسٹ چیمپیئن شپ میں 100 وکٹیں لینے والے پہلے پاکستانی بولر بن گئے
شاہین کے علاوہ حارث رؤف، ابرار احمد اور عرفات منہاس نے بھی عمدہ بولنگ کا مظاہرہ کیا جس کے باعث آسٹریلوی ٹیم مقررہ 50 اوورز میں 9 وکٹوں کے نقصان پر 231 رنز تک محدود رہی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ