بنگلہ دیش میں عام انتخابات اور ریفرنڈم ایک ہی دن ہوں گے، چیف ایڈوائزر پروفیسر محمد یونس کا اعلان
اشاعت کی تاریخ: 13th, November 2025 GMT
بنگلہ دیش کے چیف ایڈوائزر پروفیسر محمد یونس نے اعلان کیا ہے کہ ملک میں آئندہ قومی پارلیمانی انتخابات اور ریفرنڈم ایک ہی دن منعقد ہوں گے۔ یہ فیصلہ جولائی نیشنل چارٹر میں تجویز کردہ سیاسی و آئینی اصلاحات کو نافذ کرنے کے مقصد سے کیا گیا ہے۔
یہ بھی پڑھیں:ایڈمرل نوید اشرف کا دورہ بنگلہ دیش، دوطرفہ میری ٹائم تعلقات میں سنگ میل قرار
جمعرات کی دوپہر قوم سے خطاب میں پروفیسر یونس نے عبوری حکومت کے اس منصوبے کی تفصیلات بیان کیں، جس کے تحت چارٹر میں طے شدہ اصلاحاتی تجاویز پر عملدرآمد کیا جائے گا۔
یہ خطاب ان کے دفترسے عبوری حکومت کی ایڈوائزری کونسل کے اجلاس کے بعد نشر کیا گیا، جسے بی ٹی وی، بی ٹی وی نیوز اور بی ٹی وی ورلڈ پر براہِ راست دکھایا گیا۔
نیشنل کنسینسس کمیشن نے 28 اکتوبر کو حکومت کو دو متبادل سفارشات پیش کی تھیں جن میں ریفرنڈم کے ذریعے آئینی ترامیم کی منظوری کی تجویز شامل تھی۔
یہ بھی پڑھیں:حسینہ واجد کے متنازع انٹرویو پر بنگلہ دیش کا بھارت سے احتجاج، میڈیا رسائی محدود کرنے کا مطالبہ
ایک تجویز کے مطابق اگر عوام نے ریفرنڈم میں اصلاحات کی منظوری دے دی تو منتخب ہونے والی نئی پارلیمنٹ کو 270 دن کے اندر آئین میں ان ترامیم کو حتمی شکل دینی ہوگی، بصورت دیگر یہ ترامیم خودبخود آئین کا حصہ بن جائیں گی۔
دوسری تجویز میں یہ بات واضح نہیں کی گئی تھی کہ مقررہ مدت میں عملدرآمد نہ ہونے کی صورت میں کیا ہوگا۔
اگرچہ کمیشن نے ریفرنڈم کی تاریخ کے تعین کا اختیار حکومت پر چھوڑ دیا تھا، تاہم بڑی سیاسی جماعتوں کے درمیان جولائی چارٹر کے نفاذ کے طریقہ کار پر اختلافات حالیہ ہفتوں میں مزید بڑھ گئے۔
یہ بھی پڑھیں:بنگلہ دیش: نیشنل چارٹر سے انحراف کا الزام، بی این پی اور عبوری حکومت کے درمیان اختلافات سامنے آگئے
عبوری حکومت کی جانب سے مذاکرات کے ذریعے اتفاقِ رائے پیدا کرنے کی اپیل کے باوجود جماعتیں کسی مشترکہ موقف پر نہیں پہنچ سکیں۔
ان حالات میں پروفیسر یونس کی زیر قیادت عبوری حکومت نے خود آگے بڑھنے کا فیصلہ کیا ہے، اور انتخابات و ریفرنڈم کو بیک وقت منعقد کرنے کا اعلان کیا ہے۔
مبصرین کے مطابق یہ فیصلہ بنگلہ دیش کی سیاست میں ایک نئے دور کا آغاز اور جمہوری عمل کی بحالی کی سمت ایک اہم قدم ثابت ہوسکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انتخابات بنگلہ دیش بنگلہ دیش انتخابات پروفیسر یونس ریفرنڈم.
ذریعہ
ذریعہ: WE News
کلیدی لفظ: انتخابات بنگلہ دیش بنگلہ دیش انتخابات پروفیسر یونس ریفرنڈم عبوری حکومت بنگلہ دیش
پڑھیں:
خیبرپختونخوا؛ کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔
احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔
فیصلے کے مطابق نیب خیبرپختونخوا اپرکوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔
فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔
احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
فیصلے میں مزید بتایا گیا کہ عدالت نے درخواست منظور کرتے ہوئے ضبط شدہ رقم چیئرمین نیب کے نیشنل بینک آف پاکستان، پی ایم سیکریٹریٹ برانچ اسلام آباد کے اکاؤنٹ میں منتقل کرنے کا حکم دیا ہے۔
عدالتی فیصلے کے مطابق ضبط شدہ رقم ملزم کی پلی بارگین کے تحت واجب الادا رقم میں ایڈجسٹ کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار