سمندر میں ڈوبنے والے ڈاؤ یونیورسٹی آف ہیلتھ سائنسز کے 3 طلبہ کیلئے تعزیتی اجلاس کا انعقاد
اشاعت کی تاریخ: 14th, November 2025 GMT
— جنگ فوٹو
ڈاؤ یونیورسٹی آف ہیلتھ سائنسز کی وائس چانسلر پروفیسر نازلی حسین نے کہا کہ فائنل ایئر کے تین طلبہ کے یوں چلے جانے کا دکھ زندگی کا مشکل ترین وقت ہے، اسے زندگی بھر بھلایا نہیں جا سکے گا۔
پروفیسر نازلی حسین نے ڈاؤ میڈیکل کالج کے معین آڈیٹوریم میں منعقدہ تعزیتی اجلاس میں اپنے ان خیالات کا اظہار کرتے ہوئے آبدیدہ ہو گئیں جبکہ شرکا کی آنکھوں سے بھی آنسو رواں تھے۔
اُنہوں نے کہا کہ اساتذہ بھی والدین کی طرح ہی ہوتے ہیں وہ طلبہ کو ان کے بھلے کے لیے ہی روکتے ٹوکتے ہیں۔
پروفیسر نازلی حسین نے طلبہ کو ہدایت کی کہ وہ شہید طلبہ کے والدین کا غم بانٹنے کے ساتھ مستقبل میں بھی رابطہ میل جول اور خاص طور پر تہواروں پر ضرور ان کے گھر جا کر ملیں تاکہ ان کا دکھ کچھ کم کیا جا سکے۔
انہوں نے کہا کہ شہید طلبہ کو ایم بی بی ایس کی ڈگری دینے پر یونیورسٹی سنڈیکیٹ میں غور کیا جائے گا۔
رجسٹرار ڈاکٹر اشعر آفاق نے کہا کہ کسی بھی بچے کے جانے کا دکھ ناقابل تلافی ہوتا ہے ان تینوں طلبا کے والدین سے غم بانٹنے کے لیے ہم سب کو کوشش کرنا چاہیے خاص طور پر ان کے بیچ کے طلبہ و طالبات کو ان کے والدین سے تعلق اس طرح رکھنا چاہیے کہ ان کا دکھ کم ہو سکے۔
انہوں نے کہا کہ اس افسوس ناک واقعے پر دنیا بھر میں موجود ڈاؤ فیملی میں غم کی لہر دوڑ گئی ہے سوشل میڈیا سمیت تمام ذرائع سے تعزیتی پیغامات موصول ہو رہے ہیں۔
پروفیسر صبا سہیل نے کہا کہ ڈاؤ میڈیکل کالج کے 3 طلبہ کی شہادت سے بڑا سانحہ شاید ڈاؤ کی تاریخ کا سب سے بڑا سانحہ ہو ان تین خاندانوں پر تو قیامت ٹوٹ پڑی میں خود بھی ایک ماں ہوں سمجھ سکتی ہوں کہ ایک ماں کے لیے کتنا بڑا صدمہ ہے جس سے ان بچوں کی مائیں گزر رہی ہیں۔
انہوں نے کہا کہ جن بچوں کے والدین نہیں ہوتے وہ یتیم و یسیر کہلاتے ہیں لیکن جن ماں باپ کے بچے چلے جائیں ان کے دکھ کے اظہار کے لیے کوئی لفظ بھی نہیں۔
پروفیسر صبا سہیل نے مزید کہا کہ متاثرہ خاندان غم کی اس گھڑی میں فی الحال تنہائی چاہتے ہیں لہذا انہیں یہاں مدعو نہیں کیا گیا۔
انہوں نے فائنل ایئر ڈی 26 کے طلبہ سے اپیل کی کہ اپنی الوداعی تقریبات سادگی سے مکمل کریں۔
پروفیسر شمائلہ خالد نے شہید طلبہ کے بارے میں کہا کہ تینوں بہت فعال اور ذمہ دار تھے۔
سابق ایڈمن زہرہ سیمی نے کہا کہ ان بچوں کا داخلہ کورونا کے دور میں ہوا تھا اس لیے ایڈمن کا طلبہ سے بہت قریبی رابطہ رہتا تھا، یہ تینوں بچے ہی ان میں سب سے نمایاں تھے اور اہم نصابی سرگرمیوں میں بہت آگے ہوتے تھے ۔
تعزیتی اجلاس کے آخر میں فاتحہ خوانی کی گئی اور شہداء کے ایصال ثواب کے لیے دعا کی گئی اور بعد نماز جمعہ ڈاؤ میڈیکل کالج کی جامع مسجد میں مردوں کےلیے اور گرلز کامن روم میں خواتین کے لیے قرآن خوانی کا اہتمام کیا گیا۔
.ذریعہ: Jang News
کلیدی لفظ: کے والدین نے کہا کہ انہوں نے کا دکھ کے لیے
پڑھیں:
عرفان صدیقی کی یاد میں سینیٹ کا تعزیتی اجلاس، اسلام آباد اور وانا دھماکے کے شہدا کیلئے بھی دعا
عرفان صدیقی کی یاد میں سینیٹ کا تعزیتی اجلاس، اسلام آباد اور وانا دھماکے کے شہدا کیلئے بھی دعا WhatsAppFacebookTwitter 0 12 November, 2025 سب نیوز
اسلام آباد (آئی پی ایس )ڈپٹی چیئرمین سیدال خان ناصر کی زیر صدارت سینیٹ کا اجلاس ہوا، جس میں مسلم لیگ (ن) کے سینیٹر عرفان صدیقی کے ایصال ثواب کیلیے فاتحہ خوانی اور دعا کی گئی۔ایکسپریس نیوز کے مطابق سینیٹ اجلاس ڈپٹی چیئرمین سیدال خان ناصر کی زیر صدارت ہوا، آغاز پر ڈپٹی چیئرمین نے کہا کہ ایوان بالا کے ممبر ،ہمارے سینیئر پارلیمنٹرین، قلمی ادبی حوالے سے معتبر نام عرفان صدیقی مرحوم کیلئے تعزیتی اجلاس بلایا گیا ہے۔
انہوں نے کہا کہ عرفان صدیقی مرحوم نے تمام شعبہ ہائے زندگی میں خلوص دل سے محنت کی۔ اجلاس میں اسلام آباد کچہری اور وانا سانحے واقعے میں شہید ہونے والوں کیلیے سینیٹر مولانا نور الحق قادری نے دعا کروائی۔ اس کے علاوہ سینیٹ اجلاس میں پاکستان تحریک انصاف کے نومنتخب سینیٹر خرم ذیشان نے حلف اٹھایا اور رول آف ممبر پر دستخط کیے، ان سے ڈپٹی چیئرمین نے حلف لیا اور ایوان بالا کا رکن بننے پر مبارک باد بھی پیش کی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرآئینی ترمیم قومی اسمبلی سے بھی منظور,حکومت کو دو تہائی حمایت حاصل،4ممبران کی مخالفت،پی ٹی آئی کا بائیکاٹ آئینی ترمیم قومی اسمبلی سے بھی منظور,حکومت کو دو تہائی حمایت حاصل،4ممبران کی مخالفت،پی ٹی آئی کا بائیکاٹ خورشید شاہ 27 ویں آئینی ترمیم پر ووٹ دینے کیلئے وھیل چیئر پر پارلیمنٹ پہنچ گئے طالبان رجیم کا تاجروں کو پاکستان کیساتھ3ماہ میں تجارت ختم کرنے کا حکم آئینی ترمیم جمہوریت کی تکمیل،کسی کا باپ بھی ختم نہیں کر سکتا،بلاول بھٹو ایف بی آر میں بھونچال، 80 سینئر عہدیداروں کے یکا یک ملک گیر تقرر و تبادلے پاک سعودی اقتصادی تعاون کیلئے پنجاب حکومت کی جانب سے اہم پیش رفتCopyright © 2025, All Rights Reserved
رابطہ کریں ہماری ٹیم
کوئٹہ: خالق آباد منگچر میں فائرنگ سے دو بھائیوں سمیت چار افراد جاں بحق