آزاد کشمیر کے نئے وزیراعظم فیصل راٹھور نے منصب کا حلف اٹھا لیا
اشاعت کی تاریخ: 18th, November 2025 GMT
مظفرآباد: آزاد جموں و کشمیر کے نومنتخب وزیراعظم راجا فیصل ممتاز راٹھور نے اپنے عہدے کا باقاعدہ حلف اٹھا لیا۔
اسپیکر آزاد کشمیر اسمبلی چودھری لطیف اکبر نے حلف لیا، جس کے بعد انہوں نے ایوان کی جانب سے نئے وزیرِاعظم کو منصب سنبھالنے پر مبارکباد پیش کی۔
تقریب میں سیاسی اور انتظامی قیادت کی اہم شخصیات شریک ہوئیں، جن میں گورنر گلگت بلتستان مہدی شاہ، گورنر خیبرپختونخوا فیصل کریم کنڈی، چیئرمین پیپلز پارٹی بلاول بھٹو زرداری، فریال تالپور، ارکان اسمبلی، اعلیٰ سول حکام اور عسکری نمائندے شامل تھے۔
حلف اٹھانے کے بعد اپنی پہلی گفتگو میں فیصل ممتاز راٹھور نے اس ذمہ داری کو اپنے لیے اعزاز قرار دیتے ہوئے آصف علی زرداری، فریال تالپور اور بلاول بھٹو زرداری کا خصوصی شکریہ ادا کیا کہ انہوں نے اعتماد کا اظہار کرتے ہوئے انہیں یہ منصب سونپا۔
انہوں نے اس عزم کا بھی اظہار کیا کہ وہ عوامی مسائل کے حل، سیاسی استحکام اور خطے کی ترقی کے لیے تمام دستیاب وسائل بروئے کار لائیں گے۔
نومنتخب وزیراعظم نے پاک فوج کی خدمات کو بھی خراجِ تحسین پیش کیا اور کہا کہ مادرِ وطن کے دفاع کے لیے جانوں کے نذرانے پیش کرنے والے سپاہیوں کی قربانیاں ہمیشہ قوم کے دلوں میں زندہ رہیں گی۔ انہوں نے واضح کیا کہ پیپلز پارٹی نے عوام کے ساتھ دوبارہ مضبوط رشتہ قائم کرنے کی ذمہ داری سنبھالی ہے اور اب ان کی حکومت اس سمت میں عملی اقدامات کو ترجیح دے گی۔
.
ذریعہ
ذریعہ: Al Qamar Online
کلیدی لفظ: پاکستان کھیل انہوں نے
پڑھیں:
مسلم لیگ ن کو موقع ملا تو میرپور اور پورے آزاد کشمیر کی تقدیر بدلیں گے : نواز شریف
مسلم لیگ (ن) کے قائد نواز شریف نے کہا ہے کہ کہ آزاد کشمیر میں ہونے والے بڑے ترقیاتی منصوبوں پر مسلم لیگ (ن) کی مہر نظر آئے گی، پورے آزاد کشمیر کی تقدیر بدلیں گے۔
میرپور میں انتخابی جلسے سے خطاب کرتے ہوئے نواز شریف نے کہا کہ میرپور کے عوام کا جذبہ ہر کسی کے نصیب میں نہیں ہوتا، یہاں آ کر دل خوش ہو گیا ہے۔ انہوں نے سوالیہ انداز میں کہا کہ کیا پیشگی مبارک باد دے دوں؟
یہ بھی پڑھیں: مظفرآباد میں مسلم لیگ ن کا پاور شو: اقتدار میں آکر آزاد کشمیر کا بجٹ 10 گنا بڑھا دیں گے، نواز شریف
انہوں نے کہا کہ کئی برس بعد میرپور آنے کا موقع ملا ہے، اس شہر کو دوبارہ دیکھنے کی خواہش انہیں یہاں کھینچ لائی۔
مسلم لیگ (ن) کے قائد کا کہنا تھا کہ کشمیری عوام کے ساتھ ان کا رشتہ بہت مضبوط ہے اور مسلم لیگ (ن) نے ہمیشہ آزاد کشمیر کی ترقی کے لیے عملی اقدامات کیے ہیں۔
برسوں بعد میرپور آ کر خوشی بھی ہوئی اور ادھورے منصوبے دیکھ کر افسوس بھی۔ یہ شہر اس سے کہیں زیادہ ترقی کا حق رکھتا ہے۔ ہم عہد لے کر آئے ہیں کہ مسلم لیگ ن کو موقع ملا تو میرپور اور پورے آزاد کشمیر کی تقدیر بدلیں گے۔ ترقی کے جو منصوبے رک گئے تھے، انہیں دوبارہ شروع کر کے مکمل کریں… pic.twitter.com/BtKd39TjZJ
— PMLN (@pmln_org) July 24, 2026
نواز شریف نے کہا کہ آزاد کشمیر میں ہونے والے بڑے ترقیاتی منصوبوں پر مسلم لیگ (ن) کی مہر نظر آئے گی، اگر کسی دوسری جماعت نے اس سے بڑھ کر کام کیا ہے تو بتایا جائے۔
نواز شریف نے کہا کہ ہم عہد لے کر آئے ہیں کہ مسلم لیگ ن کو موقع ملا تو میرپور اور پورے آزاد کشمیر کی تقدیر بدلیں گے۔ ترقی کے جو منصوبے رک گئے تھے، انہیں دوبارہ شروع کر کے مکمل کریں گے۔
’بلاول میری بات کا برا نہ ماننا‘انہوں نے چیئرمین پاکستان پیپلز پارٹی بلاول بھٹو زرداری کو مخاطب کرتے ہوئے کہا، ‘بلاول برخوردار! میری بات کا برا نہ ماننا، سیاست میں نوک جھونک ہوتی رہنی چاہیے لیکن لڑائی مارکٹائی نہیں ہونی چاہیے۔’
آج میرپور میں عوام کا جو جذبہ دیکھا، وہ غیر معمولی ہے۔ یہ منظر واضح بتا رہا ہے کہ مسلم لیگ ن کے امیدواروں کو بھرپور عوامی حمایت حاصل ہے۔ مجھے یقین ہے کہ انشاء اللہ چوہدری سعید سمیت ہمارے تمام امیدوار کامیابی حاصل کریں گے
صدرمسلم لیگ (ن) میاں محمد نواز شریف#MirpurSherKa pic.twitter.com/ZBDwC8Lt34
— PMLN (@pmln_org) July 24, 2026
نواز شریف نے کہا کہ وہ عزم لے کر آئے ہیں کہ میرپور اور پورے آزاد کشمیر کی تقدیر بدلیں گے۔
انہوں نے اعلان کیا کہ جس طرح لاہور اور اسلام آباد میں الیکٹرک بسیں چل رہی ہیں، اسی طرح آزاد کشمیر میں بھی یہ سہولت فراہم کی جائے گی، جبکہ مریم نواز عوام کے لیے خصوصی تحفہ لے کر آئی ہیں۔
یہ بھی پڑھیں: کیا نواز شریف آزاد کشمیر کے وزیراعظم بن سکتے ہیں؟
ان کا کہنا تھا کہ اگر آزاد کشمیر میں مسلم لیگ (ن) کی حکومت قائم ہوئی تو وہ بطور وزیراعظم اپنے منشور پر عمل درآمد کی خود نگرانی کریں گے۔ نوجوانوں کی تعلیم کو اولین ترجیح دی جائے گی اور ہر ہونہار کشمیری طالب علم کو لیپ ٹاپ فراہم کیے جائیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آزاد کشمیر سابق وزیراعظم میرپور نوازشریف
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم