جماعت اسلامی کا تاریخی اجتماع عام، ملک بھر سے لاکھوں افراد لاہور پہنچ گئے، انتظامات مکمل
اشاعت کی تاریخ: 20th, November 2025 GMT
data-id="863a0a8" data-element_type="widget" data-widget_type="theme-post-content.default">
لاہور: جماعت اسلامی کے 3 روزہ اجتماعِ عام کے لیے مینارِ پاکستان اور گریٹر اقبال پارک کا وسیع و عریض علاقہ ایک بار پھر مذہبی و دعوتی اصلاحی سرگرمیوں کا مرکز بن چکا ہے، جہاں ملک بھر سے آنے والے لاکھوں افراد کی میزبانی کے لیے بڑے پیمانے پر انتظامات مکمل کر لیے گئے ہیں۔
یہ جماعت اسلامی کا چوبیسواں اجتماع عام ہے، جو گیارہ سال کے طویل وقفے کے بعد منعقد ہورہا ہے اور تنظیمی حلقوں میں اس کی اہمیت کو غیر معمولی قرار دیا جارہا ہے۔
اجتماع کا آغاز کل جمعہ کی نماز کے فوراً بعد ہوگا، جس میں امیر جماعت اسلامی حافظ نعیم الرحمن افتتاحی خطاب کریں گے جب کہ آنے والے 3 دن سیاسی مباحث، سماجی نشستوں، دینی سرگرمیوں اور عالمی سطح کی شرکت کے حوالے سے بھرپور ہوں گے۔
تنظیم کے مطابق اجتماع میں لاکھوں افراد کی شرکت ہوگی، جن میں ملک کے مختلف علاقوں سے آنے والے مرد، خواتین، نوجوان، بزرگ، طلبہ، اور شیر خوار بچوں کے ہمراہ خاندان بھی شامل ہوں گے اور یہ تعداد لاکھوں کی ہوگی۔ جب کہ خواتین کے لیے علیحدہ باپردہ اور منظم پنڈال تیار کیا گیا ہے۔
مجموعی انتظامات کی نگرانی کے لیے 2 ہزار سے زائد رضاکار تعینات ہیں، جن میں ایک مرکزی ناظم اجتماع، 39 نائب ناظم اور 55 سے زائد انتظامی کمیٹیاں شامل ہیں جو مسلسل سرگرمیوں کی نگرانی کر رہی ہیں۔
اجتماع کے لیے 329 ایکڑ پر محیط وسیع رقبے کو استعمال میں لایا گیا ہے جب کہ توقع سے زیادہ رش کے پیشِ نظر بادشاہی مسجد کے احاطے کو بھی اجتماع کی حد میں شامل کرلیا گیا ہے۔ مرکزی اسٹیج بھی خاصا بڑا تیار کیا گیا ہے، جو 20 فٹ بلند، 120 فٹ طویل اور 40 فٹ چوڑا ہے، تاکہ شرکا کی بڑی تعداد کے لیے خطابات واضح اور قابلِ سماعت رہیں۔
شرکا کی سہولت کے لیے 2 ہزار سے زائد واش رومز، 4 ڈسپنسریاں، 2 فیلڈ اسپتال اور 10 موبائل یونٹس قائم کیے گئے ہیں جب کہ 50 سے زائد ڈاکٹرز مرد و خواتین کے لیے علیحدہ علیحدہ بیڈز پر 24 گھنٹے خدمات فراہم کریں گے۔ اسی طرح وضو کے لیے ایک وقت میں 4 ہزار افراد کی گنجائش بھی رکھی گئی ہے۔
سیکورٹی کے انتظامات کے تحت جماعت اسلامی کے اپنے 2 ہزار کارکن ڈیوٹی پر موجود ہیں جب کہ شہر کی سطح پر بھی حفاظتی انتظامات سخت کیے گئے ہیں۔ بڑی بسوں اور قافلوں کی پارکنگ لاہور رنگ روڈ کے قریب مختص کی گئی ہے تاکہ آمد و رفت میں خلل نہ پڑے۔
اجتماع کی سرگرمیوں میں قومی مشاعرہ بھی شامل ہے، جس کی صدارت معروف شاعر انور مسعود کریں گے جب کہ یوتھ سیشن، خواتین کانفرنس، ٹیکنالوجی سیشن اور عالمی نشست بھی 3 روزہ ایونٹ کا حصہ ہیں۔ عالمی نشست میں دنیا کے مختلف ممالک سے تعلق رکھنے والے 145 مندوبین کی شرکت متوقع ہے، جو تنظیمی امور اور عالمی رجحانات کے حوالے سے تبادلہ خیال کریں گے۔
شہر کی انتظامیہ نے اجتماع کے دوران سیکورٹی اور انتظامی ضروریات کے باعث عام شہریوں کے لیے مینار پاکستان اور گریٹر اقبال پارک کے تفریحی حصوں کو 23 نومبر تک بند کردیا ہے۔
اس دوران ہسٹری میوزیم، تفریحی جھولے اور کیفیٹیریا بھی عارضی طور پر بند رہیں گے جب کہ شاہی قلعہ اور بادشاہی مسجد میں سیاحتی سرگرمیوں کو محدود کردیا گیا ہے۔ اجتماع عام کا اختتام 23 نومبر کو دوپہر ساڑھے بارہ بجے ہوگا، جہاں امیر جماعت اسلامی اپنے خطاب میں آئندہ لائحۂ عمل کا اعلان کریں گے۔
.ذریعہ: Jasarat News
کلیدی لفظ: جماعت اسلامی کریں گے کے لیے گیا ہے
پڑھیں:
جسارت میڈیا گروپ کا جماعت اسلامی کے ’’اجتماع عام‘‘ پر خصوصی مجلّہ کا اجراء
data-id="863a0a8" data-element_type="widget" data-widget_type="theme-post-content.default">
کراچی ( رپورٹ:منیر عقیل انصاری) جسارت میڈیا گروپ کی جانب سے جماعت اسلامی کے کل پاکستان اجتماع عام کے مناسبت سے جسارت میگزین کے خصوصی شمارے (مجلہ)کے اجراءکی تقریب رونمائی کا انعقاد کیا گیا ۔
تقریب کے مہمان خصوصی امیر جماعت اسلامی کراچی منعم ظفر خان تھے،تقریب سے جسارت میڈیا گروپ کے منتظم اعلیٰ ڈاکٹر واسع شاکر،چیف ایڈیٹر روزنامہ جسارت کراچی شاہنواز فاروقی،معروف صحافی احمد حسن،چیف آپریٹنگ آفیسر(سی او او)سید طاہر اکبرسمیت دیگر نے خطاب کیا،اس موقعے پر فرائیڈے اسپیشل کے مدیر یحییٰ بن زکریا صدیقی نے ناسازی طبیعت کے باوجود تقریب میں خصوصی طور پر شرکت کی۔
تقریب میں جماعت اسلامی کراچی کے سیکرٹری اطلاعات اور پبلشر روزنامہ جسارت سید زاہدعلی عسکری ، جسارت ویب کے انچارج سید نذیر الحسن، عرفان احمد، جسارت مارکیٹنگ کے ڈپٹی ڈائریکٹر سید فاضل نقوی، قاضی جاوید باسط، واجد حسین انصاری، منیر عقیل انصاری، ندیم مولوی،نیوز ایڈیٹر توصیف جاوید، سید حسن احمد،فیض عالم بابر،اے اے سید،نوید فاروق سمیت جسارت کے دیگر کارکنان نے بڑی تعداد میں شرکت کی ہے۔
جماعت اسلامی پاکستان کے زیرِ انتظام 21 تا 23 نومبر 2025 گیریٹر پارک مینار پاکستان لاہور میں منعقد ہونے والے کل پاکستان اجتماع عام کے موقع پر منگل کے روز جسارت کراچی کے دفتر میں جسارت میگزین کا خصوصی شمارے مجلہ کا اجراءکیا گیا ہے۔
امیر جماعت اسلامی کراچی منعم ظفر خان نے شرکاءسے خطاب کرتے ہوئے کہاکہ جسارت کے کارکنان نے اجتماع عام کے مناسبت سے جسارت میگزین کا خصوصی شمارہ مجلہ بڑی محنت کے ساتھ تیار کیا ہے میں جسارت کے کارکنوں کو خراج تحسین پیش کرتا ہوں ، آج کے دور میں ڈیجیٹل صحافت میں پرنٹ میڈیا محدود ہوگیا ہے اس کے باوجود جسارت اپنے نامساعد حالات کے باوجود اپنے کا م کو جاری رکھے ہوئے ہے
ان کا کہنا تھا کہ جماعت اسلامی ملک میں حقیقی و پائیدار تبدیلی اور ظلم و استحصال کے نظام کے خاتمے کی جدو جہد کر رہی ہے، جماعت اسلامی کا اجتماع عام اس نظام کے خاتمے کی جدوجہد اور فیصلہ کن تحریک کا نقطہ آغاز ثابت ہوگا۔
منعم ظفر خان نے کہا کہ 23مارچ 1940کو مینارِ پاکستان کے مقام قرار داد پاکستان کے ذریعے کلمے کی بنیاد پر ملک حاصل کرنے کا جو عزم کیا گیا تھا اس عزم کا از سرِ نو اعادہ کیا جائے گا۔ہ سید ابو اعلی مودودی نے اقامت دین کی تحریک نے جماعت اسلامی کی بنیاد رکھی۔ جن میں دینی جماعتیں اور مذہبی شخصیات شریک تھیں مگر اقامت دین( زندگی کے ہر شعبے میں دین کے نفاز کی تحریک ) کا سہرا سید ابو اعلی مودودی کو جاتا ہے۔
امیر جماعت اسلامی کراچی کا کہنا تھا کہ بدل دو نظام صرف نعرہ نہیں بلکہ ایک تحریک بنے گی جماعت اسلامی کا اجتماع عام چہرے نہیں نظام بدلنے کی تحریک کا آغاز ثابت ہوگا، جماعت اسلامی نظام کو بدلنے کی جہدوجہد کررہی ہے۔
اس موقع پر منتظم اعلیٰ ڈاکٹر واسع شاکر نے کہا کہ جسارت کے میگزین کے خصوصی شمارے مجلہ کے اجراءپر جسارت کے تمام کارکنان کا شکریہ ادا کرتا ہوں،یہ خصوصی شمارہ میگزین کے علاوہ آن لائن ڈیجیٹل فارمیٹ میں بھی پیش کیا جائے گا تاکہ دنیا بھر کے لوگ اجتماع عام کے حوالے سے جسارت میگزین کے خصوصی شمارے میں لکھی جانے والی تحریروں کو آسانی سے پڑھ سکیں اور عالمی سطح پر بھی لوگ جسارت کو اچھی طرح جان سکے۔
شاہنواز فاروقی نے کہاکہ جسارت کے اس خصوصی شمارے میں جماعت اسلامی کے ماضی حال اور مستقبل کا تفصیل سے احاطہ کیا گیا ہے،اسے پڑھنے والوں کو اجتماع عام اور جماعت اسلامی کے بارے میں مزید جاننے کا موقع ملے گا۔
معروف و سینئر صحافی احمد حسن نے کہاکہ آج کے دور میں جبکہ متعددرسائل و جرائد نامساعد صورتِ حال کے ماحول میں یکے بعد دیگرے دم توڑ چکے ہیں اور جوجاری ہیں، وہ بھی سسک رہے ہیں اس کے باوجود جسارت حق اور سچ کے ساتھ اپنی خبروں کی اشاعت کررہا ہے جبکہ آج جسارت کے خصوصی شمارہ معیاری جریدے مجلہ کااجراءبلاشبہ لائق تحسین اور قابلِ تعریف ہے۔
تقریب کے اختتام پر سید طاہر اکبر نےتمام شرکاءکا شکریہ ادا کرتے ہوئے تمام معزز مہمانوں اور جسارت میگزین کے خصوصی شمارے( مجلہ) کے اجراءکے جدوجہد کرنے والے جسارت کے تما م کارکنا ن کو خراج تحسین پیش کیااور کہا کہ جسارت کے کارکنان کی دن رات کی جدوجہد کے بعد یہ مجلہ شا ئع ہوا ہے۔آخر میں فرائیڈے اسپیشل کے مدیر یحییٰ بن زکریا صدیقی سمیت تمام بیماروں کی صحت یابی کے لیے امیر جماعت اسلامی کراچی منعم ظفرخان نے خصوصی دعا کرائی۔
اشتہار