کوئٹہ، احتجاج سے قبل پشتونخوا میپ کا دفتر سیل
اشاعت کی تاریخ: 21st, November 2025 GMT
آج تحریک تحفظ آئین پاکستان کیجانب سے نماز جمعہ کے بعد 27ویں آئینی ترمیم کیخلاف یوم سیاہ منانے اور احتجاج کی کال دی گئی تھی۔ اسلام ٹائمز۔ بلوچستان پولیس نے پشتونخوا ملی عوامی پارٹی کے مرکزی دفتر کو سیل کر دیا۔ پشتونخوا میپ کے کارکنوں کا دعویٰ ہے کہ کوئٹہ پولیس نے دفتر کو احتجاج کے پیش نظر سیل کیا ہے۔ تفصیلات کے مطابق آج تحریک تحفظ آئین پاکستان کی جانب سے نماز جمعہ کے بعد 27ویں آئینی ترمیم کے خلاف یوم سیاہ منانے اور احتجاج کی کال دی گئی تھی۔ اتحادی تحریک میں شامل جماعتوں نے احتجاجی ریلیوں کا اعلان کیا تھا۔ تاہم ریلی سے قبل ہی کوئٹہ پولیس نے پشتونخوا میپ کے دفتر کو سیل کر دیا۔ پشتونخوا میپ کے کارکنوں کا دعویٰ ہے کہ ضلعی انتظامیہ اور کوئٹہ پولیس نے ہمارے احتجاج کے پیش نظر مرکزی سیکرٹریٹ کو سیل کیا ہے۔ اس کے علاوہ اہم مقامات پر بھی پولیس کی بھاری نفری تعینات کی گئی ہے۔ واضح رہے کہ ماضی میں بھی اپوزیشن کی جانب سے احتجاج کو حکومت نے روکنے کی کوشش کی ہے۔ حکومت مسلسل سکیورٹی خدشات کا جواز پیش کرکے احتجاج کے خلاف کارروائیاں کرتی ہے۔
.
ذریعہ
ذریعہ: Islam Times
کلیدی لفظ: پشتونخوا میپ پولیس نے
پڑھیں:
گھوٹکی: سابق ایم پی اے شہریار شر کے بیٹے کو بازیاب کروالیا: ایس ایس پی
گھوٹکی میں ڈہرکی سے سابق رکن صوبائی اسمبلی شہریار شر کے بیٹے کو بازیاب کروالیا گیا۔
ایس ایس پی گھوٹکی انور کھیتران کا کہنا ہے کہ جہانگیر شر کو نامعلوم موٹر سائیکل سوار ملزمان نے اغوا کیا تھا۔ واقعے کی اطلاع پر پولیس اور قبیلے لوگوں نے اغوا کاروں کا تعاقب کیا۔
انہوں نے بتایا کہ بچے کو پولیس نے مقابلے کے بعد بازیاب کروا لیا تاہم اس دوران ملزمان فرار ہوگئے۔
ایس ایس پی گھوٹی کا کہنا تھا کہ اغواکاروں کی نشاندہی ہوگئی ہے، ملزمان کا تعلق بھی شر قبیلے سے ہے۔ ملزمان کی گرفتاری کے لیے تعاقب جاری ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا