بھارت کے ساتھ تنازع کا خطرہ برقرار ہے: وزیر دفاع
اشاعت کی تاریخ: 22nd, November 2025 GMT
وزیر دفاع خواجہ آصف نے ایک بار پھر بھارت کے ساتھ کشیدگی اور ممکنہ جنگ کے خطرے پر خبردار کرتے ہوئے کہا ہے کہ خطے میں امن ابھی مکمل طور پر قائم نہیں ہوا ہے۔
نجی ٹی وی سے گفتگو کرتے ہوئے وزیر دفاع خواجہ آصف نے واضح کیا کہ بھارت کے ساتھ حالیہ تاریخ میں پیدا ہونے والی کشیدگی محض اتفاقی نہیں، بلکہ یہ ایک دیرینہ پراکسی وار کا تسلسل ہے جو دہائیوں سے جاری ہے اور جدید جنگی حکمت عملی کا ایک اہم آلہ بن چکی ہے۔
خواجہ آصف کے مطابق پراکسی وار میں حالیہ برسوں میں شدت آئی ہے۔ انہوں نے یاد دلایا کہ یہ پراکسی وار 1980 کی دہائی میں شروع ہوئی، جس کے دوران لاہور اور راولپنڈی میں کئی دھماکے ہوئے۔ وزیر دفاع نے کہا کہ بھارت کے ساتھ ایک اور جنگ کا خطرہ مئی کی جنگ کے فوراً بعد بھی موجود تھا اور آج بھی مکمل طور پر ختم نہیں ہوا۔
وزیر دفاع نے مزید کہا کہ بھارت کے خلاف پاکستان کی حالیہ کامیابی کی تصدیق بین الاقوامی سطح پر بھی ہوئی ہے، اور امریکہ نے اس دوران مداخلت کر کے بڑے تصادم کو ٹالنے میں کردار ادا کیا۔ انہوں نے یاد دہانی کرائی کہ مئی میں ہونے والے معرکہ حق میں پاک فضائیہ نے بھارت کو سخت ہزیمت سے دوچار کیا، جس میں رافیل سمیت سات بھارتی طیارے تباہ کیے گئے اور ایس 400 دفاعی نظام کو بھی ناکارہ بنایا گیا۔
خواجہ آصف کے بیان سے ظاہر ہوتا ہے کہ خطے میں امن کی صورت حال ابھی نازک ہے اور بھارت کے ساتھ کشیدگی مکمل طور پر ختم نہیں ہوئی، اس لیے حکام مسلسل چوکس رہنے اور دفاعی تیاریوں کو مضبوط رکھنے کی ضرورت پر زور دے رہے ہیں۔
.
ذریعہ
ذریعہ: Al Qamar Online
کلیدی لفظ: پاکستان کھیل بھارت کے ساتھ وزیر دفاع خواجہ آصف
پڑھیں:
فرانس: نفسیاتی مریضوں کے علاج کی ذمہ داری گدھوں کے سپرد
فرانس میں قائم ایک نفسیاتی اسپتال نے ذہنی صحت کے علاج کے لیے ایک غیرمعمولی طریقہ اختیار کیا ہے، جہاں مریضوں کے ڈپریشن، اضطراب اور ذہنی دباؤ کو کم کرنے کے لیے گدھوں کی مدد لی جا رہی ہے۔
امریکی خبر رساں ادارے ایسوسی ایٹڈ پریس کے مطابق یہ منصوبہ فرانس میں اپنی نوعیت کا واحد تجربہ سمجھا جاتا ہے۔ دارالحکومت پیرس کے مضافات میں سرسبز و شاداب ماحول اور تاریخی عمارتوں سے گھرا ویل ایورارڈ اسپتال مریضوں کو روایتی طبی علاج کے ساتھ ایک منفرد اور پُرسکون تجربہ بھی فراہم کر رہا ہے۔
اس پروگرام کے تحت مریض گدھوں کے ساتھ وقت گزارتے ہیں، انہیں سیر کرواتے ہیں، ان کی دیکھ بھال کرتے ہیں اور جذباتی تعلق قائم کرتے ہیں۔ حالیہ سیشن کے دوران بھی متعدد مریضوں نے گدھوں کے ساتھ خوشگوار وقت گزارا اور رخصت ہوتے ہوئے انہیں گلے لگا کر محبت کا اظہار کیا۔
60 سالہ مریضہ نیتھلی کے مطابق گدھوں کے ساتھ وقت گزارنے سے انہیں ویسا ہی سکون ملتا ہے جیسا کسی پُرسکون دوا کے استعمال سے حاصل ہوتا ہے۔ ان کا کہنا تھا کہ جانوروں کے ذریعے ہونے والا یہ علاج ذہنی آسودگی فراہم کرتا ہے اور وقتی طور پر تمام پریشانیاں ختم دیتا ہے۔
فرانس کے سرکاری نظامِ صحت کے تحت یہ سیشنز مریضوں کو بغیر کسی معاوضے کے فراہم کیے جاتے ہیں۔ عموماً ہر مریض کو ایک مخصوص گدھے کے ساتھ منسلک کیا جاتا ہے تاکہ وقت کے ساتھ دونوں ایک دوسرے کی عادات اور مزاج سے واقف ہو سکیں۔
اس یونٹ میں خدمات انجام دینے والی نرس آڈرے سیفار کے مطابق نیتھلی کی حالت میں چند ملاقاتوں کے بعد ہی نمایاں بہتری دیکھی گئی۔
انہوں نے بتایا کہ ابتدا میں وہ جسمانی معذوری کے باعث وہیل چیئر سے نکلنے پر آمادہ نہیں تھیں، لیکن گدھے کے ساتھ تعلق نے ان میں اعتماد پیدا کیا اور اب وہ نہ صرف چیئر سے اٹھتی ہیں بلکہ اپنے جانور کے ساتھ کھڑی بھی ہوتی ہیں۔
دوسری جانب 52 سالہ مریض جیروم کا کہنا ہے کہ اس منفرد پروگرام نے ان کے احساسِ تنہائی کو کم کرنے میں اہم کردار ادا کیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ