لاہور: سی ٹی ڈی کا کمانڈ کنٹرول موبائل یونٹ فعال
اشاعت کی تاریخ: 24th, November 2025 GMT
کاؤنٹر ٹیررازم ڈپارٹمنٹ (سی ٹی ڈی) نے کمانڈ اینڈ کنٹرول موبائل یونٹ فعال کردیا۔
ترجمان سی ٹی ڈی کے مطابق کمانڈ اینڈ کنٹرول موبائل یونٹ چلتا پھرتا ہیڈ کوارٹر ہوگا، جسے دہشت گردی کے خلاف آپریشنز کو نئی تکنیکی برتری دینے کے لیے بنایا گیا ہے۔
ترجمان کے مطابق کمانڈ اینڈ کنٹرول موبائل یونٹ گاڑی میں نصب ہوگا، اسے حساس پروگراموں پر لگایا جائے گا، جیسے رائیونڈ اجتماع، داتا دربار اور کرکٹ میچز۔
سی ٹی ڈی ترجمان کے مطابق کمانڈ اینڈ کنٹرول موبائل یونٹ یوم عاشور اور بڑے سیاسی اجتماعات کی سیکیورٹی کے لیے بھی استعمال ہوگا۔
ترجمان کے مطابق حساس پروگراموں کی مانیٹرنگ، کمانڈ اور کو آر ڈی نیشن ایک ہی موبائل وین سے ہوگی، لائیو آپریشنز کے دوران فورس کو ڈیٹا، ویڈیو فیڈ اور تجزیاتی معاونت فراہم کی جائے گی۔
سی ٹی ڈی ترجمان کے مطابق موبائل یونٹ لاہور سے کراچی، کوئٹہ، پشاور اور سرحدی علاقوں میں بیک اپ کمانڈ سینٹر کا کام کرے گا۔
ترجمان کے مطابق کمانڈ اینڈ کنٹرول موبائل یونٹ کے ذریعے جلسے، جلوسوں، اجتماعات میں مشتبہ چہروں کی فوری نشاندہی کی جاسکے گی اور حساس روٹس، رہائش گاہوں کی ٹریکنگ ممکن ہوگی۔
.ذریعہ: Jang News
کلیدی لفظ: کے مطابق کمانڈ اینڈ کنٹرول موبائل یونٹ ترجمان کے مطابق سی ٹی ڈی
پڑھیں:
عسکری مشقوں کی رپورٹس، بھارتی فوج نے میڈیا پالیسی سخت کردی
بھارتی فوج نے ایک اہم ہدایت نامے میں ویسٹرن کمانڈ کے سربراہ کو میڈیا سے روابط کے حوالے سے محتاط رہنے کی ہدایت جاری کی ہے۔
وزارت دفاع کے انٹیگریٹڈ ہیڈکوارٹر سے جاری کردہ ایک خط حالیہ دنوں میں عسکری مشقوں کے دوران فیلڈ فارمیشنز کی بڑھتی ہوئی میڈیا موجودگی کے تناظر میں سامنے آیا ہے۔
یہ بھی پڑھیں: بھارتی آرمی چیف کے ’دھرم یُدھ‘ والے بیان پر نئی بحث چھڑ گئی، فوج میں مذہبی رنگ شامل ہونے پر تشویش
خط میں بھارتی فوج کے ایڈجوٹنٹ جنرل لیفٹیننٹ جنرل وی پی ایس کاشک نے ویسٹرن کمانڈ کے سربراہ لیفٹیننٹ جنرل منوج کمار کٹیار کو میڈیا سے روابط کے حوالے سے محتاط رہنے کی ہدایت جاری کی ہے۔
خط میں کہا گیا ہے کہ اگرچہ میڈیا سے رابطہ عوامی آگہی اور فوجی صلاحیتوں کو اجاگر کرنے کے لیے اہم ہے، تاہم اس عمل کو سخت سکیورٹی پروٹوکول کے اندر رہتے ہوئے انجام دینا ناگزیر ہے۔
ایڈجوٹنٹ جنرل نے واضح کیا کہ آپریشنل منصوبے، نئی عسکری حکمتِ عملی، فارمیشنز کی تنظیمِ نو، تعیناتی کے اصول اور مشقوں کے مخصوص مقاصد جیسے پہلو بالکل خفیہ رکھے جائیں۔
مزید پڑھیں: ہندو قوم پرست عناصر کا بڑھتا ہوا اثرونفوذ، بھارت میں فوج کی سیکولر شناخت خطرے میں
لیفٹیننٹ جنرل کاشک نے ویسٹرن کمانڈ کے سربراہ سے کہا ہے کہ وہ اپنے ماتحت تمام فارمیشنز کو اس سلسلے میں مناسب ہدایات جاری کریں تاکہ حساس معلومات کے کسی بھی ممکنہ اخراج کو روکا جا سکے۔
یہ ہدایت نامہ ایک ایسے وقت میں سامنے آیا ہے جب بھارتی فوج مسلسل بڑے پیمانے کی مشقیں کر رہی ہے اور میڈیا کی جانب سے ان کارروائیوں کی کوریج میں نمایاں اضافہ ہوا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی فوج حساس معلومات فیلڈ فارمیشنز لیفٹیننٹ جنرل منوج کمار لیفٹیننٹ جنرل وی پی ایس کاشک میڈیا ویسٹرن کمانڈ
چین کا نوجوانوں کی شادی کے اخراجات اٹھانے کا اعلان