عظمٰی خان کو بانی پی ٹی آئی سے ملاقات کی اجازت مل گئی
اشاعت کی تاریخ: 2nd, December 2025 GMT
داہیگل (نیوز ڈیسک) عظمٰی خان کو بانی پی ٹی آئی عمران خان سے ملاقات کی اجازت مل گئی۔
جیل انتظامیہ نے عمران خان کی بہن عظمٰی خان کو ملاقات کے حوالے سے آگاہ کردیا، عظمیٰ خان ملاقات کیلئے کچھ دیر میں روانہ ہوں گی۔
سی پی او راولپنڈی نے داہگل ناکہ کا دورہ کیا اور سیکیورٹی انتظامات کاجائزہ لیا۔ کسی بھی ممکنہ احتجاج کے پیش نظر اڈیالہ روڈ پر اضافی سیکورٹی تعینات ہیں۔
.ذریعہ: Daily Mumtaz
پڑھیں:
بانی سے آج کون ملاقات کرے گا؟ پی ٹی آئی نے فہرست جیل حکام کو بھیج دی
--فائل فوٹواڈیالہ جیل راولپنڈی میں آج بانی پی ٹی آئی سے وکلاء رہنماؤں اور فیملی کی ملاقات کا دن ہے، پی ٹی آئی نے 6 وکلاء رہنماؤں کی فہرست جیل حکام کو بھیجی ہے۔
فہرست میں بیرسٹر گوہر، سلمان اکرم راجہ، سلمان صفدر، علی زمان، سردار نبی اور طلعت محمود کے نام شامل ہیں۔ بانی پی ٹی آئی کی بہنیں بھی آج ملاقات کے لیے اڈیالہ جیل جائیں گی۔
وزیراعلیٰ خیبر پختونخوا سہیل آفریدی کی بھی اڈیالہ جیل آمد متوقع ہے، اس سلسلے میں ضلعی انتظامیہ نے راولپنڈی میں 3 دن کے لیے دفعہ 144 نافذ کردی ہے۔
وزیرِ اعلیٰ خیبرپختون خوا سہیل آفریدی نے بانیٔ پی ٹی آئی عمران خان سے ملاقات نہ کروانے کے خلاف اسلام آباد ہائی کورٹ میں درخواست جمع کروادی ہے۔
ضلعی انتظامیہ نے کسی بھی سیاسی یا مذہبی اجتماع پر پابندی عائد کر رکھی ہے اور اڈیالہ جیل کے اطراف سیکیورٹی ہائی الرٹ کردی گئی ہے۔ اڈیالہ جیل روڈ پر اضافی پانچ ناکے قائم کیے گئے ہیں۔
پولیس نے اڈیالہ جیل کے لیے خصوصی سیکیورٹی پلان جاری کردیا گیا ہے، داہگل ناکہ، گیٹ ون، گیٹ پانچ، فیکٹری ناکہ اور گورکھپور پر پولیس کی اضافی نفری تعینات رہے گی۔
12 تھانوں کے ایس ایچ اوز اور خواتین پولیس اہلکار بھی تعینات رہینگی، اڈیالہ جیل کی سیکیورٹی کے لیے 700 سے زائد پولیس اہلکار و افسران تعینات ہونگے۔
سیکیورٹی پر مامور اہلکار اینٹی رائٹ سامان سے لیس ہونگے، اڈیالہ جیل روڈ پر چیکنگ کے بعد ہی گاڑیوں کو آگے جانے کی اجازت ہوگی۔ پولیس اور قانون نافذ کرنے والے ادارے باہمی تعاون سے امن و امان کو یقینی بنائینگے۔
سوشل میڈیا انفلوئنسر اذلان شاہ نے دوسری شادی کا اعلان کردیا