معرکہ حق میں فیلڈ مارشل کا قائدانہ کردار، بھارت کو منہ توڑ جواب دیا: ائیر چیف مارشل
اشاعت کی تاریخ: 3rd, December 2025 GMT
اسلام آباد (خبرنگار خصوصی) پاکستان ائیر فورس اکیڈمی اصغر خان، رسالپور میں 151ویں جی ڈی (پی)، 97ویں انجینئرنگ، 108ویں ایئر ڈیفنس، 10ویں نیول (الفا)، 28ویں اے اینڈ ایس ڈی، 11ویں لاگ، 134ویں کامبیٹ سپورٹ اور 98ویں ای سی (آر ایس اے ایف) کورسز کی گریجویشن تقریب منعقد ہوئی۔ تقریب کے مہمان خصوصی سربراہ پاک فضائیہ ایئر چیف مارشل ظہیر احمد بابر سدھو تھے۔ ترجمان پاک فضائیہ کے مطابق ایئر چیف مارشل ظہیر احمد بابر سدھو کا استقبال ایئر وائس مارشل شہریار خان، ایئر آفیسر کمانڈنگ پی اے ایف اکیڈمی اصغر خان نے کیا۔ پریڈ سے خطاب کرتے ہوئے ایئر چیف مارشل ظہیر احمد بابر سدھو نے گریجویٹ ہونے والے کیڈٹس اور ان کے اہلِ خانہ کو مبارکباد دی اور اکیڈمی کے بلند معیار کو سراہا۔ انہوں نے امتیازی کیڈٹس اور اعزاز ی شمشیر حاصل کرنے والوں کی کامیابیوں کو خراجِ تحسین پیش کیا اور رائل سعودی ایئر فورس کے کیڈٹس کو کورس کی کامیاب تکمیل پر خصوصی مبارکباد پیش کی۔ ائیر چیف نے سعودی کیڈٹس کی شمولیت کو پاکستان اور سعودی عرب کے درمیان گہرے اور دیرینہ تعلقات کا مظہر قرار دیا۔ ائیر چیف نے اپنے خطاب میں نوجوان افسران کو اپنے کامیاب ماضی کے وقار کو برقرار رکھنے اور پاکستان کی فضاؤں کا دفاع جرأت اور پیشہ ورانہ مہارت سے کرنے کی ہدایت کی۔ انہوں نے پاک فضائیہ کی تربیتی ڈھانچے میں نمایاں تبدیلی کا ذکر کرتے ہوئے بتایا کہ کس طرح مستقبل کی ٹیکنالوجیز، لیڈرشپ ڈیویلپمنٹ، کردار سازی، ذہنی و جسمانی مضبوطی اور فکری ترقی کو تربیت کا لازمی حصہ بنایا گیا ہے تاکہ جدید جنگی دشواریوں سے مؤثر طور پر نمٹا جاسکے۔ حالیہ جنگ کا حوالہ دیتے ہوئے ائیر چیف نے کہا کہ مئی کے تنازعے کے دوران پاکستان کی خودمختاری کو چیلنج کرنے کی کوشش کی گئی۔ انہوں نے قوم کے اتحاد اور مسلح افواج کی پیشہ ورانہ صلاحیتوں کو سراہا۔ سربراہ پاک فضائیہ نے فیلڈ مارشل سید عاصم منیر کے کلیدی قائدانہ کردار کو خراج تحسین پیش کیا، جن کے فیصلہ کن عزم نے قوم کے متحد دفاعی ردعمل کو مضبوط بنیاد فراہم کی۔ ائیر چیف نے کہا کہ پاک فضائیہ نے خلائی، سائبر، الیکٹرانک وارفیئر، یو اے ویز، لانگ رینج ویکٹرز اور لوئٹرنگ اسلحے کے مؤثر استعمال سے بے مثال فضائی برتری حاصل کی۔ رافیل، ایس یو-30 ایم کے آئی، میراج-2000، مگ-29 اور دشمن کے جدید ڈرون سسٹمز اور طیاروں کو طویل بی وی آر بمقابلہ بی وی آر فضائی لڑائی میں ناکارہ بنایا گیا، جو جدید تاریخ کی سب سے اہم فضائی جھڑپوں میں سے ایک تھی۔ پاکستان ائیر فورس کی شاندار روایات کا اعادہ کرتے ہوئے ایئر چیف نے کہا کہ پی اے ایف اپنی صلاحیتوں میں بے مثال اور قومی وقار کی علامت ہے۔ انہوں نے اس بات پر زور دیا کہ پاک فضائیہ کی جدید صلاحیتیں اور آپریشنل تیاری پاکستان کے دفاع کو مستحکم بنانے کے ساتھ ساتھ علاقائی ممالک سے دفاعی تعاون کو بھی فروغ دے رہی ہیں۔ ائیر چیف نے یقین دلایا کہ پاک فضائیہ ملک کی فضائی سرحدوں کی حفاظت ہمیشہ محتاط، پرعزم اور غیر متزلزل جذبے کے ساتھ جاری رکھے گی۔ سربراہ پاک فضائیہ نے نیشنل ایروسپیس سائنس اینڈ ٹیکنالوجی پارک کی اہمیت پر زور دیتے ہوئے کہا کہ یہ ادارہ دنیا کے ممتاز ایروسپیس، سائبر اور آئی ٹی اداروں کی صف میں شامل ہونے کی صلاحیت رکھتا ہے، جو جدید ترین ڈیزائن، تحقیق اور ابھرتی ہوئی ٹیکنالوجیز میں جدت کے ذریعے پاکستان کے قومی منظرنامے کو تبدیل کرے گا۔ آخر میں ائیر چیف نے کہا کہ پاک فضائیہ کی پیشہ ورانہ مہارت کا ثبوت اس کی آپریشنل کامیابیاں ہیں، نہ کہ بیانیے یا پروپیگنڈا۔ پاکستان تمام ممالک کے ساتھ امن اور دوستی کا خواہاں ہے، مگر قومی خودمختاری کو چیلنج کرنے والی ہر کوشش کا جواب پہلے سے زیادہ مضبوط اور فیصلہ کن انداز میں دیا جائے گا۔ اس موقع پر مجموعی طور پر 136 ایوی ایشن کیڈٹس، 10 جینٹل مین کیڈٹس اور 20 آر ایس اے ایف کیڈٹس نے گریجویشن مکمل کی۔ ائیر چیف نے امتیازی کیڈٹس میں ٹرافیاں اور اعزازی شمشیر تقسیم کی۔ جنرل سروس ٹریننگ میں مجموعی بہترین کارکردگی کی ٹرافی ایوی ایشن کیڈٹ ونگ انڈر آفیسر محمد علی عارف نے حاصل کی۔ چیف آف دی ایئر سٹاف بیسٹ پائلٹ ٹرافی بہترین فلائنگ پر ایوی ایشن کیڈٹ ونگ انڈر آفیسر محمد ارحم اللہ کو دی گئی۔ چیف آف ایئر سٹاف ٹرافی برائے بہترین کارکردگی (انجینیئرنگ) جینٹل مین کیڈٹ علی احمد مصطفیٰ نے حاصل کی۔ ایئر ڈیفنس کورس میں بہترین کارکردگی کی ٹرافی ایوی ایشن کیڈٹ مرتضیٰ علی کو ملی۔ ایڈمن اینڈ سپیشل ڈیوٹیز کورس میں مجموعی بہترین کارکردگی کی ٹرافی ایوی ایشن کیڈٹ یحییٰ نیئر نے جیتی۔ لاجسٹکس کورس میں مجموعی بہترین کارکردگی کی ٹرافی ایوی ایشن کیڈٹ حنین سرور نے حاصل کی۔ کامبیٹ سپورٹ کورس میں مجموعی بہترین کارکردگی کی ٹرافی ایوی ایشن کیڈٹ طلحہ اسحاق نے حاصل کی۔ کالج آف ایروناٹیکل انجینئرنگ میں مجموعی بہترین کارکردگی پر اعزازی شمشیر ایوی ایشن کیڈٹ ونگ انڈر آفیسر محمد علی عارف کو دی گئی۔ کالج آف فلائنگ ٹریننگ میں مجموعی بہترین کارکردگی کی اعزازی شمشیر ایوی ایشن کیڈٹ اکیڈمی انڈر آفیسر محمد سعد شہزاد نے حاصل کی۔ الائیڈ کورس میں مجموعی بہترین کارکردگی کی ٹرافی رائل سعودی ایئر فورس کے کیڈٹ محمد خالد جلفان کو دی گئی۔ تقریب کا اختتام ، ایف-16، جے ایف-17 اور جے-10 سی طیاروں کے شاندار فارمیشن فلائی پاسٹ سے ہوا، جس نے مہارت اور آپریشنل قابلیت کا بھرپور مظاہرہ کیا۔ گریجویشن پریڈ میں سینئر عسکری و سول شخصیات اور کیڈٹس کے اہل خانہ نے شرکت کی۔
.ذریعہ: Nawaiwaqt
کلیدی لفظ: انڈر ا فیسر محمد کہ پاک فضائیہ نے حاصل کی چیف مارشل نے کہا کہ انہوں نے ائیر چیف ایئر چیف اے ایف
پڑھیں:
آپریشن بنیان مرصوص میں دشمن کو شکست دی، رافیل طیاروں کی صلاحیت صفر ثابت ہوئی; ایئر چیف
ویب ڈیسک : ایئر چیف مارشل ظہیر احمد بابر سدھو نے کہا ہے کہ پاک فضائیہ ہر دور میں مضبوط دفاعی لائن ثابت ہوئی، رافیل طیاروں کی صلاجیت پاک فضائیہ کےسامنے صفر ثابت ہوئی، مئی میں ہونے والے معرکہ حق کے دوران آپریشن بنیان مرصوص میں دشمن کو شکست دی۔
پی اے ایف اکیڈمی رسالپور میں پاسنگ آؤٹ پریڈ سے خطاب کرتے ہوئے سربراہ پاک فضائیہ ائیر چیف مارشل ظہیر احمد بابر سدھو کا کہنا تھا معرکہ حق میں کامیابی پاکستان ائیر فورس کی بہترین کاکردگی کا مظہر ہے،10 مئی کو دشمن کے ڈیفنس سسٹم کو کامیابی سے نشانہ بنایا۔ ان کا کہنا تھا 10 مئی کو ہم نے دشمن کے ڈیفنس سسٹم کو کامیابی سے نشانہ بنایا، آپریشن بنیان مرصوص میں پاکستان نے سائبر وار فیئر میں اپنی برتری ثابت کی۔
ڈالر کی قیمت میں آج پھر کمی
پاک فضائیہ کے سربراہ ایئر چیف مارشل ظہیر احمد بابر سدھو نے کہا ہے کہ معرکہ حق کی فتح تینوں افواج کی ہم آہنگی، جارحانہ فیصلہ سازی اور فیلڈ مارشل سید عاصم منیر کی قیادت کا نتیجہ ہے۔
سربراہ پاک فضائیہ ظہیر احمد بابر سدھو نے کہا کہ پی اے ایف اکیڈمی میں سعودی کیڈٹس کی موجودگی دونوں عظیم ممالک اور ان کی مسلح افواج کے درمیان مضبوط دوستی اور تعاون کی علامت ہے۔ انہوں نے کیڈٹس کو مخاطب کیا کہ آپ کو مادرِ وطن کی فضائی سرحدوں کے دفاع کے مقدس مقصد کا امین بنایا گیا ہے، پوری قوم کی امیدیں آپ کے نوجوان کندھوں پر ہیں، قوم اور پاکستان کی مسلح افواج نے اتحاد کی شاندار مثال پیش کرتے ہوئے دشمن کو اُس کی عددی برتری کے باوجود شکست سے دوچار کیا۔
ٹویوٹا فارچونر کی قیمت میں حیرت ناک کمی
سربراہ پاک فضائیہ نے کہا کہ معرکۂ حق میں حاصل ہونے والی فیصلہ کن کامیابی قومی طاقت کے تمام عناصر کے متحدہ کردار اور سب سے بڑھ کر اللہ تعالیٰ کی خصوصی رحمتوں کا نتیجہ تھی،جب پاکستان کی خودمختاری پر حملہ کیا گیا، پاک فضائیہ نے کم تعداد میں لڑنے کی روایتی میراث کو برقرار رکھتے ہوئے دشمن کے سب سے جدید طیارے مار گرائے۔ ایئر چیف مارشل نے کہا کہ ہمارے اقدامات اور آپریشنز مؤثر ہونے کے ساتھ ساتھ متوازن اور موزوں بھی تھے، ہمارا مقصد تھا کہ عزت کے ساتھ امن قائم ہو، دنیا نے اس سے قبل کبھی فضائی طاقت کے اتنے جرات مندانہ استعمال کو نہیں دیکھا، جو مخصوص ٹیکنالوجیز کے ساتھ مربوط تھا۔
وزیراعظم سے ترکیہ کے وزیر توانائی و قدرتی وسائل کی ملاقات ؛ پیٹرولیم و معدنیات میں تعاون کو وسعت دینے پر زور
انہوں نے کہا کہ حالیہ تصادم نے جدید دور کی فضائی لڑائی کے لیے ایک نصابی مثال قائم کر دی،2025 میں ایک بار پھر پاک فضائیہ نے اپنی پیشہ ورانہ مہارت اور تمام شعبوں میں برتری کو ثابت کیا، ہم نے اپنی آپریشنل ڈکٹراین کو جنگی تصورات اور حکمت عملی کے مطابق ترتیب دیا جس میں مالی وسائل کی محدودیت اور ٹیکنالوجیز کی دستیابی کو مدِ نظر رکھا گیا۔
انہوں نے یہ بھی کہا کہ پاک فضائیہ نے جدت طرازی کی ایک نہایت جارحانہ اور تخلیقی حکمت عملی کو اپنایا، پاک فضائیہ نے اپنے سمارٹ انڈکشن پروگرام کے ذریعے متعدد جدید لڑاکا طیاروں اور ٹیکنالوجیز کو ریکارڈ وقت میں شامل کیا۔ سربراہ پاک فضائیہ نے کہا کہ ملکی سلامتی پر کوئی آنچ نہیں آنے دیں گے، پاک فضائیہ کے ہر فرد کو ان کے پیشہ ورانہ طرزِ عمل اور مشکل حالات میں سخت محنت کے لیے خراجِ تحسین پیش کرتا ہوں۔
پی ٹی آئی کے بانی کی صحت کے متعلق مصدقہ اطلاع جیل سے باہر نکل آئی
ظہیر احمد بابر سدھو نے کہا کہ پاک فضائیہ نے تمام افواج کے ساتھ مل کر بہادری اور ہم آہنگی سے وطن عزیر کا دفاع کیا، پوری قوم پاک فضائیہ کی ہمت اور جرات پر فخر کرتی ہے، یہ فتح ہماری قومی قیادت کے پختہ عزم کا ثبوت ہے، پاک فضائیہ کی کارکردگی اُس کی پیشہ ورانہ مہارت کا منہ بولتا ثبوت ہے۔ ان کا کہنا تھا کہ پاکستان ایک پرامن ملک ہے اور سب کے ساتھ دوستانہ تعلقات قائم رکھنا چاہتا ہے، اگر ہماری قومی خودمختاری کو دوبارہ چیلنج کیا گیا، تو ہمارا دشمن پاک فضائیہ کو کہیں زیادہ مضبوط اور بہتر تیار پائے گا، ایک ذمہ دار جوہری طاقت کے طور پر، ہمارے تعلقات عالمی اور علاقائی اہم طاقتوں کے ساتھ مزید مضبوط ہوئے ہیں۔
انہوں نے کہا کہ پاکستان کی قومی قیادت اور افواج، ہماری بہادر اور پُرعزم قوم کے ساتھ، ملک کی نظریاتی، جغرافیائی و فضائی سرحدوں کے تحفظ کے لیے ہر قیمت چکانے کے لیے پرُعزم ہیں، پاکستان کے عوام کا اپنی مسلح افواج پر اعتماد بے مثال ہے، جو دہائیوں کی بے لوث خدمت، قربانی اور قوم کے دفاع کے لیے غیر متزلزل عزم کے ذریعے حاصل کیا گیا ہے۔
رسالپور میں اصغر خان اکیڈمی میں کیڈٹس کی گریجویشن کی شاندار پریڈ ہوئی، پریڈ میں 151جی ڈی پی، 97 انجینئرنگ اور 108 ویں ایئر ڈیفنس کورس کے کیڈٹس شامل ہیں، نیویگیشن الفا،ایڈمن اینڈ اسپیشل ڈیوٹیز اور 11 لاجسٹکس کورس کے کیڈٹس بھی شامل ہیں۔ اس پروقار تقریب میں کومبیٹ سپورٹ اور 98 ای سی رائل سعودی ایئر فورس کے کیڈٹس نے بھی پاس آؤٹ کیا جبکہ پاک فضائیہ کے لڑاکا طیاروں اور شیر دل ایروبیٹکس ٹیم فلائی پاسٹ کا مظاہرہ کیا۔
ہنگو میں پولیس چیک پوسٹ پر دہشت گردوں کا حملہ؛3اہلکار شہید