ڈی جی آئی ایس پی آر کی پریس کانفرنس پوری قوم کی آواز ہے، وزیر توانائی اویس لغاری
اشاعت کی تاریخ: 7th, December 2025 GMT
وفاقی وزیر توانائی اویس لغاری نے ڈی جی آئی ایس پی آر کی پریس کانفرنس کو قوم کی آواز قرار دیتے ہوئے کہا ہے کہ یہ صرف پاک فوج کے ترجمان کی تقریر نہیں بلکہ پوری قوم کے دل کی ترجمانی تھی۔
اپنے ایک بیان میں انہوں نے کہاکہ بیرونی طاقتوں کے ایجنڈے کی ناکامی پر ذہنی توازن کھو بیٹھنے والا شخص مسلسل قوم کو اذیت میں مبتلا کر رہا ہے۔
مزید پڑھیں: فوجی ترجمان کی پریس کانفرنس پر محتاط ردعمل کیوں دیا؟ بیرسٹر گوہر کے خلاف پی ٹی آئی کے اندر محاذ کھل گیا
اویس لغاری نے بانی پی ٹی آئی عمران خان کے حوالے سے ریاستی ادارے کی دو ٹوک پوزیشن کو قابلِ تحسین قرار دیا۔
وفاقی وزیر نے کہاکہ خود کو عقلِ کل اور ملک کا واحد مختار سمجھنے والا شخص بھول گیا تھا کہ وہ مخصوص قوتوں کے تراشے ہوئے لیڈر تھے، لیکن آج وہ مکمل بے نقاب ہو چکا ہے اور پاک فوج کے ترجمان نے اس کا پورا چہرہ قوم کے سامنے رکھ دیا۔
انہوں نے واضح کیاکہ پاک فوج کے خلاف جھوٹا بیانیہ بنانے اور زہریلی مہم چلانے والا شخص قوم و ملک کا غدار ہے اور کسی رعایت کا مستحق نہیں۔
اویس لغاری نے آزادیِ اظہار کی اہمیت کے ساتھ کہا ہ یہ کبھی بھی ملکی سالمیت سے بالاتر نہیں ہو سکتی اور اس آڑ میں دشمنانہ مہم چلانے والوں کے خلاف سخت کارروائی کے فیصلے کی بھرپور حمایت کرتے ہیں۔
وفاقی وزیر نے پاک فوج کے ترجمان کے ذہنی مریض سے کیے گئے سوالات کو خوش آئند قرار دیتے ہوئے کہاکہ قوم ان سوالات کے جوابات مانگتی ہے۔
انہوں نے سوال اٹھایا کہ 4 سال وفاق میں اقتدار کے مزے لینے کے بعد اور 12 سال سے خیبرپختونخوا میں حکومت کرنے والے اپنی کارکردگی کیوں ظاہر نہیں کرتے اور دہشتگردوں کے خلاف کوئی بات نہ کرتے ہوئے مسلح افواج کے خلاف بیانیہ کیوں بناتے ہیں۔
اویس لغاری نے کہاکہ قوم کسی بہکاوے میں نہیں آئے گی اور کسی کی ذات ملک و قوم کی جان اور سلامتی سے بالاتر نہیں۔
انہوں نے چیف آف ڈیفنس فورسز فیلڈ مارشل سید عاصم منیر کی جرات مندانہ، باصلاحیت اور محب وطن قیادت کو خراج تحسین پیش کیا۔
انہوں نے مزید کہا کہ فیلڈ مارشل عاصم منیر نے 6 اور 7 مئی کی درمیانی شب بھارت کو شکست فاش دے کر قوم کا سر فخر سے بلند کیا اور اس شاندار فتح سے پوری دنیا میں پاکستان کے وقار میں اضافہ ہوا۔
مزید پڑھیں: پاکستان سے بڑھ کر کچھ نہیں، ایک شخص اپنی ذات کا قیدی، اس کی شعبدہ بازی اور سیاست ختم ہوگئی، ڈی جی آئی ایس پی آر
وفاقی وزیر نے کہا کہ فتنے اور داخلی خلفشار کے خلاف واضح پالیسی اپنانا فیلڈ مارشل عاصم منیر کا ایک قابل فخر کارنامہ ہے اور ان کی عسکری قیادت میں پاکستان مزید پھلے پھولے گا، طاقتور اور ترقی یافتہ ہوگا، اور ملک کا وقار بلند رہے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اویس لغاری پریس کانفرنس ذہنی مریض ڈی جی آئی ایس پی آر عمران خان قوم کی آواز وزیر توانائی وی نیوز.
ذریعہ
ذریعہ: WE News
کلیدی لفظ: اویس لغاری پریس کانفرنس ڈی جی ا ئی ایس پی ا ر قوم کی ا واز وزیر توانائی وی نیوز اویس لغاری نے پریس کانفرنس وفاقی وزیر پاک فوج کے انہوں نے کے خلاف نے کہا ایس پی قوم کی
پڑھیں:
آزاد کشمیر انتخابات: استحکام پاکستان پارٹی اور مسلم کانفرنس میں انتخابی اتحاد، سیٹ ایڈجسٹمنٹ پر اتفاق
آزاد کشمیر قانون ساز اسمبلی کے انتخابات سے قبل اہم سیاسی پیشرفت سامنے آئی ہے جہاں استحکام پاکستان پارٹی (آئی پی پی) اور آل جموں و کشمیر مسلم کانفرنس نے انتخابی اتحاد اور مختلف حلقوں میں سیٹ ایڈجسٹمنٹ کے اصولی فارمولے پر اتفاق کر لیا ہے۔
یہ بھی پڑھیں: آزاد کشمیر میں انتخابی عمل سبوتاژ کرنے کی کوششیں ناکام بنائیں گے، چیف الیکشن کمشنر کا واضح پیغام
یہ اتفاق رائے استحکام پاکستان پارٹی آزاد کشمیر کے صدر اور سابق وزیراعظم سردار تنویر الیاس خان اور آل جموں و کشمیر مسلم کانفرنس کے صدر و سابق وزیراعظم سردار عتیق احمد خان کے درمیان ملاقات کے دوران ہوا۔
ملاقات میں آزاد کشمیر کی مجموعی سیاسی صورتحال، آئندہ قانون ساز اسمبلی کے انتخابات اور دونوں جماعتوں کے درمیان انتخابی تعاون پر تفصیلی تبادلہ خیال کیا گیا۔
دونوں رہنماؤں نے مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی جبکہ انتخابات کے بعد بھی مشترکہ حکمت عملی کے تحت آگے بڑھنے پر اتفاق کیا گیا۔
مزید پڑھیے: تنویر الیاس کے قافلے پر حملہ، وزیراعظم آزاد کشمیر فیصل ممتاز راٹھور کی شدید مذمت
ملاقات میں فیصلہ کیا گیا کہ دونوں جماعتوں کی مشترکہ رابطہ کمیٹی جلد مختلف حلقوں میں امیدواروں کی حمایت اور سیٹ ایڈجسٹمنٹ سے متعلق حتمی اعلان کرے گی۔
سیاسی مبصرین کے مطابق اس اتحاد کو آزاد کشمیر کے انتخابات میں ایک اہم پیشرفت قرار دیا جا رہا ہے کیونکہ دونوں جماعتیں مشترکہ حکمت عملی کے ذریعے انتخابی میدان میں اپنا اثر و رسوخ بڑھانے کی کوشش کر رہی ہیں۔
مزید پڑھیں: آزاد کشمیر میں آئندہ حکومت استحکام پاکستان پارٹی کی ہوگی، تنویر الیاس کا دعویٰ
ملاقات کے موقع پر سابق معاون خصوصی سردار امتیاز شاہین، مسلم کانفرنس یوتھ ونگ کے چیئرمین سردار عثمان عتیق، کھائیگلہ پونچھ سے مسلم کانفرنس کے نامزد امیدوار ڈاکٹر عرفان اشرف، سابق امیدوار اسمبلی سردار منظور ایڈووکیٹ، سابق ڈی جی ہیلتھ سردار محمود خان، پولیٹیکل ایڈوائزر سردار افتخار رشید، ممبر میونسپل کارپوریشن باغ سردار شجاع منگول ایڈووکیٹ، سابق پولیٹیکل سیکرٹری سردار شبریز صابر، پیر عبدالقادر، سردار عفان عتیق، راجہ عبدالجبار اور اسٹاف آفیسر سردار حفیظ خان بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آل جموں و کشمیر مسلم کانفرنس کے صدر و سابق وزیراعظم سردار عتیق احمد خان استحکام پاکستان پارٹی آزاد کشمیر تنویر الیاس اور سرادر عتیق احمد کی ملاقات سابق وزیراعظم سردار تنویر الیاس خان
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار