انڈونیشیا کے صدر کی 2 روزہ دورے پر پاکستان آمد ‘پرتپاک استقبال‘جنگی طیاروں اور21 توپوں کی سلامی
اشاعت کی تاریخ: 9th, December 2025 GMT
data-id="863a0a8" data-element_type="widget" data-widget_type="theme-post-content.default">
251209-01-22
اسلام آباد (مانیٹرنگ ڈیسک) جمہوریہ انڈونیشیا کے صدر پرابووو سوبیانتو اعلیٰ سطح کے وفد کے ہمراہ 2 روزہ دورے پر پاکستان پہنچ گئے۔ سرکاری میڈیا کے مطابق اسلام آباد پہنچنے پر صدر آصف علی زرداری اور وزیراعظم شہباز شریف نے انڈونیشیا کے صدر اور ان کے وفد کا استقبال کیا، انہیں21 توپوں کی سلامی دی گئی، بچوں نے پھول پیش کیے۔صدر انڈونیشیا کا دورہ اس لحاظ سے بھی خصوصی اہمیت رکھتا ہے کہ اس سال پاکستان اور انڈونیشیا کے درمیان سفارتی تعلقات کے قیام کی75 ویں سالگرہ منائی جا رہی ہے، انڈونیشیا کے صدر پرابووو سوبیانتو پہلی بار اسلام آباد آئے ہیں۔ دفتر خارجہ کے ترجمان کے مطابق صدر پرابووو سوبیانتو اپنے 2 روزہ قیام کے دوران وزیرِاعظم کے ساتھ وفود کی سطح پر مذاکرات کریں گے، وہ صدرِ آصف علی زرداری، چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر سے بھی ملاقاتیں کریں گے۔ صدر ابووو کے دورے کے موقع پر دونوں ممالک کے درمیان مفاہمتی یادداشتوں پر دستخط کیے جانے کا بھی امکان ہے۔ وزیر اعظم شہباز شریف سے انڈونیشین صدر کے وفود کی سطح پر مذاکرات میں تجارت، سرمایہ کاری، دفاع، صحت، آئی ٹی، تعلیم اور کلائمیٹ کے شعبوں میں تعاون بڑھانے پر تبادلہ خیال کیا جائے گا، اس دوران متعدد مفاہمت کی یادداشتوں پر دستخط بھی متوقع ہیں۔دفتر خارجہ کے مطابق پاکستان اور انڈونیشیا قریبی، دیرینہ اور خوشگوار تعلقات کے حامل ممالک ہیں اور دونوں ممالک کے سفارتی تعلقات کے 75 سال مکمل ہونے پر دورے کی اہمیت مزید بڑھ گئی ہے۔
اسلام آباد،صدر آصف علی زرداری اور وزیر اعظم محمد شہباز شریف انڈونیشیا کے صدر پرابووو سبیانتو کا نور خان بیس پر استقبال کررہے ہیں
ذریعہ: Jasarat News
کلیدی لفظ: انڈونیشیا کے صدر صدر پرابووو اسلام ا باد
پڑھیں:
پاک انڈونیشیا تعلقات کی 75ویں سالگرہ، صدر پرابووو آج اسلام آباد پہنچیں گے
وزیرِاعظم شہباز شریف کی دعوت پر انڈونیشیا کے صدر پرابووو سوبیانتو 8 اور 9 دسمبر 2025 کو پاکستان کا سرکاری دورہ کریں گے۔
دفترِ خارجہ کے مطابق یہ صدر پرابووو سوبیانتو کا پہلا دورۂ پاکستان ہوگا۔ واضح رہے کہ انڈونیشیا کی جانب سے آخری صدارتی دورہ 2018 میں اس وقت کے صدر جوکو ویدودو نے کیا تھا۔
یہ بھی پڑھیں: پاکستانی پائلٹس نے جے 10 کو چار چاند لگادیے، انڈونیشیا چینی طیارے خریدنے پر تیار
رواں سال پاکستان اور انڈونیشیا کے درمیان سفارتی تعلقات کے قیام کی 75ویں سالگرہ بھی منائی جارہی ہے، جس کے باعث یہ دورہ خصوصی اہمیت کا حامل سمجھا جارہا ہے۔
صدر پرابووو سوبیانتو اپنے دورے کے دوران اعلیٰ سطحی وزارتی وفد کے ہمراہ اسلام آباد پہنچیں گے۔
وہ وزیرِاعظم شہباز شریف سے وفود کی سطح پر مذاکرات کریں گے، جب کہ صدرِ پاکستان آصف زرداری سے بھی ملاقات کریں گے۔
مزید پڑھیں: پاکستان کے ساتھ تجارتی حجم 10 ارب ڈالرز تک بڑھانے کے خواہشمند ہیں، انڈونیشیا
اس کے علاوہ چیف آف آرمی اسٹاف اور چیف آف ڈیفنس فورسز، فیلڈ مارشل عاصم منیر بھی صدر پرابووو سبیانتو سے ملاقات کریں گے۔
ترجمان دفترِ خارجہ کے مطابق فریقین دوطرفہ تعلقات کو مزید مستحکم بنانے کے لیے وسیع البنیاد ایجنڈے پر گفتگو کریں گے۔
مذاکرات میں تجارت، سرمایہ کاری، دفاع، صحت، آئی ٹی، ماحولیات، تعلیم اور ثقافت سمیت مختلف شعبوں میں تعاون کے نئے مواقع کا جائزہ لیا جائے گا۔
مزید پڑھیں: پاک انڈونیشیا مشترکہ فوجی مشق شاہین اسٹرائیک II کامیابی سے مکمل
دونوں ممالک علاقائی اور عالمی سطح پر تعاون میں اضافہ کرنے پر بھی غور کریں گے، جب کہ متعدد مفاہمتی یادداشتوں پر دستخط بھی متوقع ہیں۔
ترجمان دفتر خارجہ کے مطابق پاکستان اور انڈونیشیا کے درمیان دیرینہ اور دوستانہ تعلقات مشترکہ اقدار اور باہمی مفادات پر مبنی ہیں۔
’صدر پرابووو سوبیانتو کا یہ دورہ دونوں ممالک کے تعلقات کو مزید مضبوط بنانے اور دوطرفہ تعاون کے نئے در وا کرنے کا اہم موقع فراہم کرے گا۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایشیائی ممالک میں قدرتی آفات‘ ایک ہفتے میں 1100 سے زاید ہلاکتیں