ٹورنٹو میں پی آئی اے کا پورا عملہ غائب؟ قومی ایئرلائن کی سخت تردید
اشاعت کی تاریخ: 15th, December 2025 GMT
پاکستان انٹرنیشنل ایئرلائنز نے اس خبر کی سختی سے تردید کی ہے کہ کینیڈا کے شہر ٹورنٹو میں پی آئی اے کی ایک پرواز کا پورا عملہ لاپتا ہو گیا ہے۔
قومی ایئرلائن نے اس خبر کو ’جعلی‘ قرار دیتے ہوئے اسے ’پاکستان مخالف عناصر‘ کی جانب سے پھیلایا گیا پروپیگنڈا قرار دیا ہے۔
یہ بھی پڑھیں: پی آئی اے کا طیارہ ایک ہفتے میں دوسری بار گراؤنڈ کردیا گیا
پی آئی اے نے سوشل میڈیا پلیٹ فارم ایکس پرجاری بیان میں کہا کہ بعض پاکستان مخالف حلقوں کی جانب سے یہ دعویٰ کیا جا رہا ہے کہ پی آئی اے کی ایک مخصوص پرواز کا مکمل عملہ لاپتا ہے، جو سراسر بے بنیاد ہے۔
A tweet, circulated by certain anti-Pakistan quarters, claiming that whole crew of a particular #PIA flight is missing, is entirely baseless.
Purpose of this tweet seems to malign PIA and #Pakistan ????????
There has been no such incidence, and the news is fake.
— PIA (@Official_PIA) December 14, 2025
بیان میں کہا گیا کہ اس جھوٹی خبر کا مقصد پی آئی اے اور پاکستان کی ساکھ کو نقصان پہنچانا ہے۔ ’ایسا کوئی واقعہ پیش نہیں آیا اور یہ خبر مکمل طور پر جھوٹی ہے۔‘
ادھر پی آئی اے کے ترجمان نے ایک علیحدہ بیان میں بھی اس خبر کی تردید کرتے ہوئے کہا ہے کہ یہ گمراہ کن معلومات ایک افغان اور پاکستان مخالف اکاؤنٹ کے ذریعے پھیلائی گئی ہیں۔
مزید پڑھیں: پی آئی اے کا طیارہ ایک ہفتے میں دوسری بار گراؤنڈ کردیا گیا
ترجمان کے مطابق یہ گمراہ کن ٹویٹ پاکستان کے خلاف دشمنی پر مبنی ایک منظم منصوبے کا حصہ ہے، جس کا مقصد قومی ایئرلائن اور ملک کی بدنامی کرنا ہے۔ انہوں نے واضح کیا کہ اس خبر میں کوئی صداقت نہیں۔
واضح رہے کہ ماضی میں بھی کینیڈا، خصوصاً ٹورنٹو میں پی آئی اے کے عملے کے لاپتا ہونے کے واقعات سامنے آتے رہے ہیں۔
مزید پڑھیں: پی آئی اے میں ایک طیارے کے لیے 304 ملازمین کی تعیناتی کا انکشاف
21 نومبر کو پی آئی اے کے ایک فلائٹ اٹینڈنٹ کے کینیڈا میں لاپتا ہونے کی اطلاعات سامنے آئیں، جس کے بعد ایئرلائن نے اس معاملے کی تحقیقات شروع کیں۔ پی آئی اے کے ترجمان عبداللہ حفیظ خان کے مطابق مذکورہ فلائٹ اٹینڈنٹ نے ٹورنٹو سے لاہور جانے والی پرواز پی کے-798 پر رپورٹ نہیں کیا۔
ترجمان کے مطابق جب اس سے رابطہ کیا گیا تو اس نے خراب صحت کا بہانہ بنایا، انہوں نے کہا کہ معاملے کی تحقیقات جاری ہیں اور اگر غیر قانونی طور پر لاپتا ہونے کی تصدیق ہوئی تو متعلقہ فلائٹ اٹینڈنٹ کے خلاف محکمانہ کارروائی کی جائے گی۔
مزید پڑھیں: کیا پی آئی اے کا طیارہ واقعی غلطی سے پشاور کے بجائے کراچی میں لینڈ ہوا؟
گزشتہ برس اکتوبر میں بھی پی آئی اے کے کیبن کریو کا ایک رکن دورانِ ڈیوٹی لاپتا ہو گیا تھا، اسلام آباد میں تعینات یہ عملہ ٹورنٹو میں قیام کے دوران غائب ہو گیا تھا۔
اسی طرح مارچ 2024 میں 47 سالہ پی آئی اے اسٹیورڈ کے کینیڈا میں لاپتا ہونے کی اطلاع ملی تھی۔
فروری 2024 میں بھی ایئرلائن کے کیبن کریو کے ایک اور رکن کے لاپتا ہونے کی رپورٹ سامنے آئی تھی، مذکورہ رکن اسلام آباد سے پی آئی اے کی پرواز پی کے-782 کے ذریعے ٹورنٹو پہنچے تھے، تاہم واپسی کی پرواز پی کے-784 پر انہوں نے ڈیوٹی کے لیے رپورٹ نہیں کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان انٹرنینشل ایئرلائن پی آئی اے ٹورونٹو فلائٹ اٹینڈنٹ کینیڈا
ذریعہ
ذریعہ: WE News
کلیدی لفظ: پاکستان انٹرنینشل ایئرلائن پی ا ئی اے ٹورونٹو کینیڈا لاپتا ہونے کی پی آئی اے کے ٹورنٹو میں پی ا ئی اے ئی اے کا میں بھی
پڑھیں:
وزیراعظم کا آئی ٹی برآمدات 4.6 ارب ڈالر تک پہنچنے پر اطمینان کا اظہار
سٹی42: وزیراعظم محمد شہباز شریف کی زیرِ صدارت آئی ٹی شعبے کے اسٹرٹیجک روڈ میپ پر پیش رفت کا جائزہ لینے کے لیے اعلیٰ سطح کا اجلاس منعقد ہوا، جس میں وزارتِ انفارمیشن ٹیکنالوجی و ٹیلی کام کی کارکردگی اور ڈیجیٹل معیشت کے فروغ سے متعلق اقدامات پر بریفنگ دی گئی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
اجلاس میں وزیراعظم نے پاکستان کی سالانہ آئی ٹی برآمدات میں 21 فیصد اضافے کے ساتھ 4.6 ارب امریکی ڈالر تک پہنچنے پر وزیرِ انفارمیشن ٹیکنالوجی اور متعلقہ ٹیم کو مبارکباد دی۔ انہوں نے کہا کہ آئی ٹی برآمدات میں نمایاں اضافہ حکومت کی ڈیجیٹل معیشت کے فروغ کے لیے اختیار کی گئی پالیسیوں کا نتیجہ ہے اور آئی ٹی شعبے کی ترقی حکومت کی اولین ترجیحات میں شامل ہے۔ وزیراعظم نے ہدایت کی کہ آئی ٹی سے متعلق تربیتی کورسز کی معتبر تھرڈ پارٹی ویلیڈیشن یقینی بنائی جائے اور تربیت کے معیار پر کسی قسم کا سمجھوتہ نہ کیا جائے۔ انہوں نے ملک بھر میں ڈیجیٹل انفراسٹرکچر کو مزید بہتر بنانے کی بھی ہدایت کی۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
اجلاس کو بریفنگ میں بتایا گیا کہ موبائل اسپیکٹرم جون 2025 کے 274 میگا ہرٹز سے بڑھ کر جون 2026 میں 880 میگا ہرٹز ہو چکا ہے، جس سے انٹرنیٹ کی رفتار اور کنیکٹیویٹی میں نمایاں بہتری آئے گی۔ اس کے علاوہ "کنیکٹ پاکستان وژن 2030" کے اجراء کی تیاریوں سے بھی آگاہ کیا گیا۔بریفنگ کے مطابق باغ، آزاد جموں و کشمیر میں سافٹ ویئر ٹیکنالوجی پارک مکمل ہو چکا ہے، جبکہ پاکستان میں اسمارٹ فون استعمال کرنے والوں کا تناسب 2024 کے 62 فیصد سے بڑھ کر جون 2026 میں 72 فیصد ہو گیا ہے۔ جون 2026 تک 5.1 ملین گھروں کو فکسڈ براڈ بینڈ یا فائبر کنکشن فراہم کیے جا چکے ہیں۔ اجلاس کو بتایا گیا کہ گزشتہ مالی سال آئی ٹی برآمدات میں فری لانسرز کا حصہ 1.164 ارب ڈالر رہا، جبکہ "ڈیجیٹل نیشن پاکستان" کے تحت 130 سرکاری خدمات کو ڈیجیٹلائز کیا جا چکا ہے۔ اسی عرصے میں آئی ٹی شعبے میں 942,646 تربیتی سرٹیفکیٹس جاری کیے گئے، 5,053 ہائی اینڈ تربیتی پروگرام اور لیڈرشپ و سافٹ اسکلز سے متعلق 2,700 تربیتی سیشنز منعقد کیے گئے۔
بارشی پانی کی نکاسی نہ ہونے سے گاڑیاں اور موٹرسائیکلیں بند، شہری شدید مشکلات کا شکار
بریفنگ میں مزید بتایا گیا کہ ویمن انوویشن اینڈ اسٹارٹ اپ ایمپاورمنٹ لیب کا افتتاح جلد کیا جائے گا، جبکہ چینی کمپنی علی بابا کے ساتھ مفاہمتی یادداشت کے تحت متعدد وفاقی وزارتوں اور اداروں میں مصنوعی ذہانت کے منصوبوں اور تربیتی پروگراموں پر کام جاری ہے۔
اجلاس میں وفاقی وزراء اعظم نذیر تارڑ، احد خان چیمہ، شزا فاطمہ خواجہ، خالد مقبول صدیقی، وزیرِ مملکت بلال اظہر کیانی، گورنر اسٹیٹ بینک جمیل احمد اور متعلقہ اعلیٰ سرکاری حکام نے شرکت کی۔
شہر میں بارش سے بجلی کا ترسیلی نظام متاثر، 130 سے زائد فیڈرز بند
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار