بارشیں اور برف باری، محکمہ موسمیات نے پیش گوئی کردی
اشاعت کی تاریخ: 27th, December 2025 GMT
محکمہ موسمیات نے مغربی ہواؤں کے ایک نئے سلسلے کی آمد کے پیش نظر آئندہ ہفتے ملک کے مختلف حصوں میں بارش اور برفباری کی پیش گوئی کی ہے، جبکہ بالائی خیبرپختونخوا اور گلگت بلتستان میں برفانی تودے گرنے کے ممکنہ خطرے سے بھی آگاہ کیا گیا ہے۔
پاکستان میٹرولوجیکل ڈپارٹمنٹ کے مطابق مغربی ہواؤں کا یہ سلسلہ 29 دسمبر کو ملک میں داخل ہوگا، جس کے باعث مختلف علاقوں میں موسمی تبدیلیاں متوقع ہیں۔ بلوچستان کے متعدد اضلاع میں 29 سے 31 دسمبر کے دوران بارش جبکہ پہاڑی علاقوں میں برفباری کا امکان ظاہر کیا گیا ہے۔
مزید پڑھیں: طوفان، خشک سالی اور سیلاب، سال 2025 موسم اور ماحولیات کے حوالے سے کیسا رہا؟
محکمہ موسمیات کے مطابق 30 دسمبر سے یکم جنوری کے دوران خیبرپختونخوا کے مختلف اضلاع میں بارش ہو سکتی ہے، جبکہ اسلام آباد، مری، گلیات اور پنجاب کے میدانی علاقوں میں 30 دسمبر سے 2 جنوری تک بارش کی توقع ہے۔
محکمہ موسمیات نے خبردار کیا ہے کہ شدید برفباری کے باعث بالائی علاقوں میں آمدورفت متاثر ہو سکتی ہے، جبکہ بالائی خیبرپختونخوا اور گلگت بلتستان میں برفانی تودے گرنے کا خدشہ موجود ہے۔
اسی دوران کراچی میں بھی موسمِ سرما کی پہلی بارش کی پیش گوئی کی گئی ہے، جو 30 دسمبر کو متوقع ہے اور اس کے نتیجے میں سردی کی شدت میں اضافہ ہو سکتا ہے۔
دوسری جانب صوبائی ڈیزاسٹر مینجمنٹ اتھارٹی (پی ڈی ایم اے) بلوچستان نے بھی متوقع خراب موسم کے پیش نظر الرٹ جاری کر دیا ہے۔
پی ڈی ایم اے کے مطابق بلوچستان کے مختلف علاقوں میں 29 دسمبر سے یکم جنوری تک بارش، آندھی، گرج چمک اور پہاڑی علاقوں میں برفباری کا امکان ہے۔ کوئٹہ، زیارت، چمن اور دیگر بلند علاقوں میں برفباری جبکہ میدانی علاقوں میں تیز بارشوں کی توقع ظاہر کی گئی ہے۔
مزید پڑھیں: ملک بھر میں سرد اور خشک موسم برقرار رہنے کی پیشگوئی، پہاڑی علاقوں میں برفباری کا امکان
پی ڈی ایم اے نے خبردار کیا ہے کہ آندھی، گرج چمک اور برفباری کے باعث درجہ حرارت میں نمایاں کمی آ سکتی ہے۔ عوام کو غیر ضروری سفر سے گریز کرنے اور سیاحوں کو خصوصی احتیاطی تدابیر اختیار کرنے کی ہدایت کی گئی ہے۔
اس کے علاوہ کسانوں کو بھی مشورہ دیا گیا ہے کہ وہ اپنی زرعی سرگرمیوں کو موسم کی صورتحال کے مطابق ترتیب دیں تاکہ ممکنہ نقصان سے بچا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بارشیں برف باری پیشگوئی محکمہ موسمیات وی نیوز.
ذریعہ
ذریعہ: WE News
کلیدی لفظ: پیشگوئی محکمہ موسمیات وی نیوز علاقوں میں برفباری محکمہ موسمیات کے مطابق
پڑھیں:
ایک ملک نے پاکستانیوں کیلیے ویزہ فیس ختم کردی
سری لنکا کی حکومت نے پاکستانیوں کے لیے ویزہ فیس ختم کردی۔
ایکسپریس نیوز کے مطابق کراچی میں تعینات قونصل جنرل سری لنکا سنجیوا پٹیوالا نے میڈیا سے گفتگومیں بتایا کہ سری لنکن حکومت نے پاکستانیوں کے لیے ویزہ فیس ختم کردی جس کے بعد سری لنکا جانے والے پاکستانیوں سیاحوں کی تعداد میں اضافہ ہوا ہے۔
انہوں نے بتایا کہ پاکستان سے سری لنکا جانے والے ویزہ کی درخواست آن لائن دے سکتے ہیں۔
قونصل جنرل نے بتایا کہ پاکستان اور سری لنکن کے دوطرفہ تعلقات اہم ہیں، حکومت پاکستان نے 100 سری لنکن اسٹوڈنٹس کوعلامہ اقبال یونیورسٹی میں اسکالرشپ دی ہے جو ایک مثبت اقدام ہے۔
انہوں نے کاہ کہ پاکستان سری لنکا کےدرمیان فری ٹریڈ ایگریمنٹ پرسن 2005 میں دستخط ہوئے تھے لیکن تاحال دونوں ملکوں میں ٹریڈ بیریئرز موجود ہیں۔
قونصل جنرل نے مزید کہا کہ پاکستان سری لنکا درمیان درمیان دفاعی تعلقات بھی اہم ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار