بے نظیر بھٹو شہید کا فلسفہ ہی ملک کو بحرانوں سے نکال سکتا ہے، حبیب اللہ شاکر
اشاعت کی تاریخ: 27th, December 2025 GMT
بے نظیر بھٹو شہید کی اٹھارویں برسی کے موقع پر ڈسٹرکٹ بار ملتان میں منعقدہ تقریب سے خطاب کرتے ہوئے پیپلزپارٹی کے رہنمائوں کا کہنا تھا کہ بھٹو خاندان نے ہمیشہ پاکستان، عوام کے حقوق اور جمہوری اداروں کی بقا کے لیے لازوال قربانیاں دی ہیں، اس خاندان نے آمریت کے خلاف جدوجہد میں اپنی جانوں کا نذرانہ پیش کیا، مگر اصولوں پر کبھی سمجھوتہ نہیں کیا۔ اسلام ٹائمز۔ پاکستان پیپلزپارٹی کے سینئر رہنما حبیب اللہ شاکر ایڈوکیٹ سپریم کورٹ نے کہا ہے کہ محترمہ بے نظیر بھٹو شہید کے فلسفہ سیاست کو اپنائے بغیر پاکستان کو درپیش معاشی، سماجی اور سیاسی بحرانوں سے نجات ممکن نہیں، انہوں نے کہا کہ آج پاکستان قرضوں کے بوجھ تلے دبا ہوا ہے، غربت، جہالت، بے روزگاری اور مہنگائی نے عوام کی زندگی اجیرن بنا دی ہے، ایسی صورتحال میں بھٹو خاندان کے عوام دوست اور جمہوری فلسفے کو اپنانا ناگزیر ہو چکا ہے۔ ان خیالات کا اظہار انہوں نے محترمہ بے نظیر بھٹو شہید کی اٹھارویں برسی کے موقع پر ڈسٹرکٹ بار ملتان میں منعقدہ تقریب سے خطاب کرتے ہوئے کیا، تقریب میں ایم این اے علی قاسم گیلانی، وکلا، سیاسی و سماجی رہنماوں کی بڑی تعداد نے شرکت کی۔
حبیب اللہ شاکر ایڈوکیٹ اور علی قاسم گیلانی نے کہا کہ بھٹو خاندان نے ہمیشہ پاکستان، عوام کے حقوق اور جمہوری اداروں کی بقا کے لیے لازوال قربانیاں دی ہیں، اس خاندان نے آمریت کے خلاف جدوجہد میں اپنی جانوں کا نذرانہ پیش کیا، مگر اصولوں پر کبھی سمجھوتہ نہیں کیا، انہوں نے کہا کہ انصاف کے حصول، معاشی خودمختاری اور عوامی خوشحالی کے لیے پیپلزپارٹی کی فکر اور نظریے کو لے کر آگے بڑھنا ہوگا، کیونکہ اسی سوچ میں ملک کی بقا اور ترقی پوشیدہ ہے، انہوں نے حالیہ پاک بھارت کشیدگی کا حوالہ دیتے ہوئے کہا کہ بھارتی وزیراعظم نریندر مودی کی جارحانہ پالیسیوں کو عبرت ناک شکست ہوئی، جو بھٹو خاندان کی حب الوطنی اور مضبوط خارجہ پالیسی کا منہ بولتا ثبوت ہے۔
ذریعہ
ذریعہ: Islam Times
پڑھیں:
پنجاب کے وزیر تعلیم رانا سکندر حیات کا اسکولوں میں خود پڑھانے کا اعلان
لاہور : پنجاب کے وزیر تعلیم رانا سکندر حیات نے ٹیچر بننے کا اعلان کردیا۔رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار