ظالمانہ جاگیردارانہ و استحصالی نظام نے عوام کو غلام بنایا ہے‘ اسامہ رضی
اشاعت کی تاریخ: 28th, December 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) نائب امیر جماعت اسلامی پاکستان ڈاکٹر اسامہ رضی نے کہا ہے کہ ملک میں رائج ظالمانہ جاگیردارانہ اور استحصالی نظام نے عوام کو محکوم اور غلام بنایا ہوا ہے ، آزادی کے 78سال میں ایک دن بھی ہمیں آزاد و جمہوری ملک دیکھنا نصیب نہیں ہوا ، ہم انگریز کی غلامی کے ایک نظام سے نکل کر دوسرے غلام نظام میں جکڑے ہوئے ہیں ، ملک میں طاقتور لوگوں ، جاگیرداروں اور نوابوں کے نظام کو قبول کر کے جمہور دشمن نظام کو ہم پر مسلط کیا گیا اور آج اسی وجہ سے ملک کو ایک ایسے نئے نظام کی ضرورت ہے جو عوام کو غلامی کے بجائے آزادی دے۔ ان خیالات کا اظہار انہوں نے ’’ بدل دو نظام ایک تحریک‘ ایک جدو جہد‘‘ کے موضوع پر جماعت اسلامی ضلع ملیر کے تحت تربیتی اجتماع سے خطاب کرتے ہوئے کیا ۔ انہوں نے مزید کہا کہ برصغیر کی تقسیم کے بعد بھارت میں تو جاگیرداری نظام کو ختم کر دیا گیا، پاکستان میں اس نظام کو برقرار رکھ کر ملک کو آزادی کے حقیقی سے محروم مقاصد اور انسانوں کی رائے کو کچل دیا گیا جس کے نتائج آج ملک کی سیاسی اور اقتصادی زبوں حالی کی شکل میں موجود ہیں ۔ انہوں نے کہا کہ انقلاب انبیاؑء کی سنت ہے لہٰذا اس سنت کی پیروی کرتے ہوئے موجودہ گلے سڑے اور ظالمانہ نظام کو بدلنا ہر فردکا فرض ہے کیونکہ زمامِ کار جاگیرداروں اور بیوروکریسی سے عوام تک منتقل کیے بغیر انقلاب نہیں آسکتا اور تبدیلی کے لیے نظام بدلنا ہوگا ، سچ کے حق میں گواہی دینا ہوگی اور جھوٹ کے خلاف آواز بلند کرنی ہوگی ۔ امیر جماعت اسلامی کراچی منعم ظفر خان نے اجتماع سے خطاب کرتے ہوئے کہا کہ ملک میں جمہوری راستے بند کیے جا رہے ہیں ، آئین کی بالا دستی عملاً ختم ہو چکی ہے ، اس صورتحال میں اصلاح معاشرہ کی جدو جہد ہر فرد پر لازم ہے ، جماعت اسلامی ایک تنظیم ہی نہیں ایک تحریک ہے جو ذہنوں کی آبیاری اور فکر کو اُجاگر کرتی ہے اور دین کے جامع تصور کو پیش کرنا ہی تحریک کا اصل مقصد ہے ، یہی بات سید مودودیؒ نے ہمیں بتائی کہ دین ہم سے کیا چاہتا ہے ۔ تربیتی اجتماع سے مولانا عبد الحق ہاشمی ، مفتی امتیاز مروت ، مولانا سعید دھامرہ، سید مفخر علی نے بھی خطاب کیا ۔
ذریعہ
ذریعہ: Jasarat News
کلیدی لفظ: نظام کو
پڑھیں:
فیلڈ مارشل عاصم منیر کا بلوچستان میں پائیدار امن کے عزم کا اعادہ
فیلڈ مارشل سید عاصم منیر نے کہا ہے کہ سکیورٹی فورسز اور قانون نافذ کرنے والے ادارے عوام کی بھرپور حمایت سے بلوچستان میں دیرپا امن کے قیام کے لیے پرعزم ہیں۔ انہوں نے اس عزم کا اظہار کیا کہ دہشت گردی اور اس کے سہولت کاروں کے خلاف کارروائیاں اپنے منطقی انجام تک جاری رہیں گی۔
پاک فوج کے شعبہ تعلقات عامہ (آئی ایس پی آر) کے مطابق 20ویں نیشنل ورکشاپ بلوچستان کے شرکاء نے جنرل ہیڈکوارٹرز (جی ایچ کیو) کا دورہ کیا، جہاں فیلڈ مارشل سید عاصم منیر نے شرکاء سے خطاب کرتے ہوئے قومی اتحاد، استحکام اور ثابت قدمی کی اہمیت پر زور دیا۔
فیلڈ مارشل نے کہا کہ بلوچستان پاکستان کا فخر ہے اور یہ صوبہ قدرتی وسائل سے مالا مال ہے۔ ان کے مطابق بلوچستان کے محب وطن، باصلاحیت، باہمت اور ثابت قدم عوام ہی اس صوبے کا سب سے قیمتی سرمایہ ہیں۔
انہوں نے کہا کہ وفاقی اور صوبائی حکومتوں کی جانب سے بلوچستان میں جاری ترقیاتی منصوبوں کا مقصد صوبے کی سماجی اور معاشی ترقی کو یقینی بنانا، عوام کے معیارِ زندگی کو بہتر بنانا اور خوشحالی کے نئے مواقع پیدا کرنا ہے۔
آئی ایس پی آر کے مطابق فیلڈ مارشل نے کہا کہ سکیورٹی فورسز اور قانون نافذ کرنے والے ادارے عوام کے تعاون سے بلوچستان میں امن و امان کے قیام کے لیے بھرپور کوششیں جاری رکھے ہوئے ہیں اور ان کی یہی مشترکہ کاوشیں صوبے میں پائیدار امن کی بنیاد بنیں گی۔
انہوں نے اس موقع پر کہا کہ فتنہ الخوارج اور فتنہ الہندوستان کے خلاف ٹارگٹڈ آپریشنز پوری قوت کے ساتھ جاری رہیں گے اور یہ کارروائیاں دہشت گردی اور اس کے سہولت کاروں کے مکمل خاتمے تک بلا تعطل جاری رہیں گی۔
فیلڈ مارشل سید عاصم منیر نے اس عزم کا اعادہ کیا کہ پاکستان کی مسلح افواج عوام کے اتحاد، عزم اور ثابت قدمی کی بدولت ہر قسم کے مذموم عزائم کو ناکام بنائیں گی اور ملکی سلامتی، خودمختاری اور استحکام کے تحفظ کے لیے اپنی ذمہ داریاں پوری کرتی رہیں گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار