حکمراں اتحاد نے پی آئی اے کی نجکاری کردی،مرتضی خان جتوئی
اشاعت کی تاریخ: 28th, December 2025 GMT
data-id="863a0a8" data-element_type="widget" data-widget_type="theme-post-content.default">
251228-11-7
محراب پور(جسارت نیوز)پاکستان پیپلز پارٹی نجکا ری کیخلاف تھی لیکن حکمراں اتحاد نے پی آئی اے کی نجکاری کردی، پی پی اب نظریاتی پارٹی نہیں رہی،سندھ میں امن و امان کی صورت حال خراب ہے،میڈیا سے گفتگو کرتے ہوئے نیشنل پیپلز پارٹی کے چیئرمین مرتضیٰ خان جتوئی کا کہنا تھاکہ جو ادارے حکومت کونقصان دے رہے ہیں انکی نجکاری کر دی ہے، پی آئی اے کی طرح اسٹیل مل بھی حکومت کیلئے خسارے کا باعث ہے ،بحیثیت وفاقی وزیرکابینہ اجلاس میں اسٹیل مل کی نجکاری کی تجویز دی تھی، شہید ذوالفقار علی بھٹو کے دور میں پارٹی کا نظریہ مختلف تھا، شہید رانی بے نظیر بھٹو کے دور میں قدرے بہتر تھا، لیکن اب پارٹی ان نظریات سے بہت دور چلی گئی ہے، عوام کیلئے کوئی سہولت نہیں ہے، کارکنوں کو کوئی پوچھننے والا نہیں، کرپشن کا بازار گرم ہے جس سے ادارے تباہ ہورہے ہیں، جب ایس ایس پی پیسہ دیکر پوسٹ لیں گے تو امن کہاں ہوگا،امن نہیں ہے انصاف نہیں ہے ان پر جھوٹے مقدمات ہوئے اور انہیں پولیس کی بجائے عدلیہ سے انصاف کی امید ہے،سندھ کے حالات اس حد تک خراب ہو چکے ہیں کہ ہر طرف لوٹ مار، قتل و غارت گری عروج پر ہے، گھوٹکی اور شکارپور کے علاقوں میں سفر کرنا مشکل ہو گیا ہے اور بااثر افراد بھی غیر محفوظ ہو گئے ہیں، حکومت امن کے قیام کیلئے کوششیں کرئے، سندھ کی تاجر برادری، عوام کا کوئی پرسان حال نہیں ہے،عدم تحفظ ایک ایسی بیماری ہے جس کا بروقت علاج نہ کیا جائے تو پھیل کر ہر علاقے اور شہر تک پہنچ کر نقصان کا باعث بنتی ہے، نیشنل پیپلز پارٹی کے چیئرمین غلام مرتضیٰ خان جتوئی نے مورو پہنچ کر لالہ عتیق الرحمان پٹھان سے اظہار تعزیت کیا اور دعائے مغفرت کی، اس موقع پر عزیز چانڈیو، غلام رسول پیرزادو، راجہ جے ایم کورائی، مورائی جنید راجپوت، شاہ بیگ بہرانی، کاشف لغاری بھی موجود تھے۔
ذریعہ
ذریعہ: Jasarat News
پڑھیں:
فیلڈ مارشل کا بلوچستان میں دہشت گردی کو پوری طاقت سے کچلنے کے عزم کا اظہار
فوٹو: آئی ایس پی آرفیلڈ مارشل سید عاصم منیر نے بلوچستان میں دہشت گردی کو پوری طاقت سے کچلنے کے عزم کا اظہار کیا ہے۔
پاک فوج کے شعبہ تعلقات عامہ آئی ایس پی آر کے مطابق 20ویں نیشنل ورکشاپ بلوچستان کے شرکاء کی جی ایچ کیو آمد کے موقع پر خطاب کرتے ہوئے فیلڈ مارشل نے کہا کہ بیرونی سرپرستی میں پراکسی عناصر بلوچستان میں تشدد کو ہوا دینے، استحکام کو نقصان پہنچانے اور امن خراب کرنے کی کوشش کرتے رہے ہیں، تاہم ان کے ناپاک عزائم کو مسلح افواج کے مضبوط اور فیصلہ کن جواب اور عوام کے اتحاد سے ناکام بنادیا جائے گا۔
فیلڈ مارشل سید عاصم منیر کا کہنا ہے کہ بلوچستان پاکستان کا فخر ہے، یہ صوبہ بے پناہ قدرتی وسائل سے مالا مال ہے، بلوچستان کے متحرک، باہمت، ثابت قدم اور محبِ وطن عوام اس کی سب سے بڑی طاقت ہیں۔
انہوں نے کہا کہ سیکیورٹی فورسز اور قانون نافذ کرنے والے اداروں کی مسلسل کوششیں بلوچستان میں دیرپا امن لائیں گی، فتنہ الخوارج اور فتنہ الہندوستان کے خلاف ٹارگیٹڈ آپریشنز جاری رہیں گے۔
آئی ایس پی آر کے مطابق فیلڈ مارشل نے ملک کے مستقبل کی سمت کے تعین کے لیے قومی اتحاد اور ثابت قدمی کی ضرورت پر زور دیتے ہوئے کہا کہ پاکستان کی مسلح افواج عوام کے اتحاد، عزم اور ثابت قدمی کی بدولت ان مذموم عزائم کو ناکام بنائیں گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار