پی ایس ایل کی توسیع کی جانب اہم پیشرفت، 2 نئی ٹیموں کے لیے 10 بولی دہندگان شارٹ لسٹ
اشاعت کی تاریخ: 28th, December 2025 GMT
پاکستان سپر لیگ (پی ایس ایل) میں 2 نئی ٹیموں کے اضافے کے عمل میں اہم مرحلہ طے ہو گیا ہے، جہاں پاکستان کرکٹ بورڈ نے بولی کے دوسرے مرحلے کے لیے اہل سرمایہ کاروں کی فہرست جاری کر دی ہے۔
میڈیا رپورٹ کے مطابق پاکستان کرکٹ بورڈ (پی سی بی) نے پی ایس ایل کی 2 نئی فرنچائزز کے حقوق فروخت کرنے کے لیے بولی کے دوسرے مرحلے میں 10 بولی دہندگان کو شارٹ لسٹ کر لیا ہے۔ پی سی بی کی جانب سے ہفتے کو جاری بیان میں بتایا گیا کہ بولی کمیٹی نے موصول ہونے والی تجاویز کا تکنیکی جائزہ مکمل کر لیا ہے۔
پی سی بی کے اعلامیے کے مطابق بولی کمیٹی نے ان 10 بولی دہندگان کو تکنیکی معیار پر پورا اترنے کے بعد اگلے مرحلے کے لیے اہل قرار دیا ہے۔ بورڈ کو مجموعی طور پر 12 تجاویز موصول ہوئی تھیں، جن کا گزشتہ تین روز کے دوران تفصیلی جائزہ لیا گیا۔
اس سے قبل پی سی بی نے بتایا تھا کہ امریکا، آسٹریلیا، کینیڈا، متحدہ عرب امارات اور پاکستان سے تعلق رکھنے والے سرمایہ کاروں نے نئی فرنچائزز خریدنے میں دلچسپی ظاہر کی ہے۔
تکنیکی طور پر اہل قرار پانے والے یہ 10 بولی دہندگان اب 8 جنوری 2026 کو جناح کنونشن سینٹر اسلام آباد میں ہونے والی نیلامی میں حصہ لیں گے، جہاں پی ایس ایل کی 2 نئی ٹیموں کے فرنچائز حقوق فروخت کے لیے پیش کیے جائیں گے۔
پی سی بی کے مطابق کامیاب بولی دہندگان کو راولپنڈی، حیدرآباد، فیصل آباد، گلگت، مظفرآباد اور سیالکوٹ میں سے اپنی فرنچائز کے لیے شہر کے انتخاب کا اختیار حاصل ہو گا۔
پی ایس ایل کے چیف ایگزیکٹو آفیسر سلمان نصیر نے تکنیکی معیار پر پورا اترنے والے بولی دہندگان کو مبارکباد دیتے ہوئے مقامی اور بین الاقوامی سرمایہ کاروں کی بھرپور دلچسپی کو سراہا۔ ان کا کہنا تھا کہ لیگ کی توسیع ایک اور اہم سنگِ میل ثابت ہو گی اور نیلامی کے لیے تیاریاں مکمل کی جا رہی ہیں۔
واضح رہے کہ پی ایس ایل کا آغاز 2016 میں پانچ ٹیموں سے ہوا تھا، جس میں 2018 میں چھٹی ٹیم کا اضافہ کیا گیا۔ آئندہ 11ویں ایڈیشن سے لیگ میں مزید 2 ٹیمیں شامل کی جائیں گی، جس کے بعد فرنچائزز کی مجموعی تعداد آٹھ ہو جائے گی، جو گزشتہ سات برس میں لیگ کی پہلی بڑی تنظیم نو ہو گی۔
.
ذریعہ
ذریعہ: Daily Mumtaz
کلیدی لفظ: بولی دہندگان کو پی ایس ایل پی سی بی کے لیے
پڑھیں:
رائیونڈ کا ایک شہری اب آزاد کشمیر کا وزیراعظم بننا چاہتا ہے، بلاول بھٹو
لاہور(ڈیلی پاکستان آن لائن)پاکستان پیپلزپارٹی کے چیئرمین بلاول بھٹو نے کہا ہے کہ رائیونڈ کا ایک شہری اب آزاد کشمیر کا وزیراعظم بننا چاہتا ہے اور ان کی خواہش ہے کہ وزیراعظم پاکستان ہی آزاد کشمیر کا وزیراعظم منتخب کرے۔آزاد کشمیر کے علاقے میرپور میں انتخابی جلسے سے خطاب کرتے ہوئے بلاول بھٹو نے ایک بار پھر حق حکمرانی، مالکیت اور حق روزگار کا انتخابی ایجنڈا دہراتے ہوئے کہا کہ اگر کشمیریوں نے انتخابات میں ووٹ دے کر اکثریت دلوائی تو یہ تینوں مسائل حل کردیں گے۔
بلاول بھٹو نے کہا کہ کشمیر میں گزشتہ چھ ماہ سے ہماری حکومت ہے اور یہاں پر جو کام کیے اُن پر فخر ہے۔ انہوں نے کہا کہ سڑکوں کی بات کرنے والوں کو پنجاب کی سڑکیں ہی ٹھیک لگتی ہیں اور کہتے ہیں کہ صوبے سے نکلتے ہی سڑکیں خراب ہیں۔ انہوں نے تنقید کرتے ہوئے کہا کہ یہ لوگ رائیونڈ کو پنجاب سمجھتے ہیں کیونکہ اندرون صوبے کی حالت بہت بری ہے اور انہیں اس کی کوئی پرواہ بھی نہیں ہے۔ بلاول کا کہنا تھا کہ اب یہ چاہتے ہیں کہ وزیراعظم آزاد کشمیر کا فیصلہ اسلام آباد سے ہو اور رائیونڈ کا ایک شہر اب آزاد کشمیر کا وزیراعظم بننے کا خواہش مند ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار