نیو ایئر نائٹ پر پنجاب بھر میں فول پروف سکیورٹی، 25 ہزار سے زائد پولیس اہلکار تعینات
اشاعت کی تاریخ: 28th, December 2025 GMT
نئے سال کی آمد کے موقع پر امن و امان برقرار رکھنے کے لیے پنجاب پولیس نے صوبہ بھر، بالخصوص لاہور میں جامع سکیورٹی پلان کو حتمی شکل دے دی ہے، جس کے تحت 25 ہزار سے زائد پولیس افسران اور اہلکار تعینات کیے جائیں گے۔
یہ بھی پڑھیں:پنجاب پولیس کے صوبہ بھر میں کومبنگ آپریشنز اور موک ایکسرسائز
پنجاب پولیس کے مطابق انسپکٹر جنرل آف پولیس پنجاب ڈاکٹر عثمان انور نے ہدایت کی ہے کہ نیو ایئر نائٹ کے دوران صوبے بھر میں ہائی الرٹ رکھا جائے اور تمام فیلڈ فارمیشنز مکمل چوکسی کے ساتھ فرائض انجام دیں۔ ان کا کہنا تھا کہ لاہور سمیت پنجاب بھر میں سکیورٹی انتظامات کی براہ راست نگرانی کی جائے گی۔
آئی جی پنجاب کے مطابق نیو ایئر نائٹ پر مجموعی طور پر 25 ہزار سے زائد پولیس افسران اور اہلکار تعینات ہوں گے، جن میں لاہور میں 5 ہزار سے زائد اہلکار شامل ہیں۔ تعینات نفری میں 419 انسپکٹرز، 1267 سب انسپکٹرز، 2189 اسسٹنٹ سب انسپکٹرز، 1408 ہیڈ کانسٹیبلز اور 16977 کانسٹیبلز شامل ہوں گے۔
ڈاکٹر عثمان انور نے بتایا کہ لاہور اور دیگر شہروں میں تمام سرگرمیوں کی نگرانی سی سی ٹی وی کیمروں کے ذریعے کی جائے گی، جبکہ ریاست مخالف عناصر، مشکوک افراد اور قانون کی خلاف ورزی میں ملوث عناصر پر خصوصی نظر رکھی جائے گی۔
انہوں نے واضح کیا کہ نیو ایئر نائٹ پر ون ویلنگ، ہوائی فائرنگ اور ہلڑ بازی پر مکمل پابندی ہوگی۔ خواتین یا شہریوں کو ہراساں کرنے والوں کے خلاف فوری کارروائی کرتے ہوئے انہیں حراست میں لیا جائے گا۔
یہ بھی پڑھیں:سر بڑا اور ہیلمٹ چھوٹا، شہری کا پنجاب پولیس کے سامنے انوکھا مقدمہ، ویڈیو وائرل
آئی جی پنجاب نے مؤثر ٹریفک مینجمنٹ پلان پر بھی عملدرآمد کی ہدایت کی، جبکہ ڈولفن اسکواڈ، پی ای آر یو، ایلیٹ فورس اور پنجاب ہائی وے پٹرول کی پٹرولنگ میں مزید اضافہ کیا جائے گا۔ لاہور اور صوبے کے دیگر شہروں میں سرچ اور سویپ آپریشنز بھی جاری رہیں گے۔
پولیس حکام کے مطابق گزشتہ سال ون ویلنگ اور ہوائی فائرنگ میں ملوث افراد سے پیشگی طور پر ضمانتی مچلکے بھی حاصل کیے جائیں گے۔ سی سی پی او لاہور، ریجنل پولیس آفیسرز اور ڈسٹرکٹ پولیس آفیسرز کو اپنے اپنے علاقوں میں سکیورٹی انتظامات کی ذاتی نگرانی کی ہدایت کی گئی ہے۔
پنجاب پولیس نے شہریوں سے اپیل کی ہے کہ کسی بھی مشکوک سرگرمی، ون ویلنگ یا ہوائی فائرنگ کی فوری اطلاع ہیلپ لائن 15 پر دیں تاکہ بروقت کارروائی کو یقینی بنایا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب پولیس نیا سال نیو ایئر ون ویلنگ.
ذریعہ
ذریعہ: WE News
کلیدی لفظ: پنجاب پولیس نیا سال نیو ایئر ون ویلنگ نیو ایئر نائٹ پنجاب پولیس ون ویلنگ
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار