ملتان سلطانز کرکٹ بورڈ خود آپریٹ کریگا، چیئرمین پی سی بی
اشاعت کی تاریخ: 28th, December 2025 GMT
اسلام آباد(نیوزڈیسک)چیئرمین پی سی بی کا کہنا ہے کہ پی ایس ایل کو26مارچ کی جگہ23مارچ سے کرانے کی تجویز دی ہے، ملتان سلطانز اس سال پاکستان کرکٹ بورڈ خود آپریٹ کرے گا۔
لاہور میں پریس کانفرنس کے دوران محسن نقوی نے کہا کہ پی ایس ایل کی تیاریاں جاری ہیں، 2 نئی ٹیموں کی بڈنگ کیلئے 10 پارٹیوں نے کوالیفائی کیا ہے۔ ملتان سلطانز اس سال پاکستان کرکٹ بورڈ خود آپریٹ کرے گا، پی ایس ایل ختم ہونے کے بعد ملتان سلطانز کی نیلامی کریں گے۔
چیئرمین پی سی بی نے کہا کہ علی ترین نے ملتان سلطانز پر بہت زیادہ کام کیا ہے، علی ترین نئی ٹیم لینا چاہئیں تو ہم خوش آمدید کہیں گے، پیپرارولز کو فالو کرنے کیلئے ملتان سلطانز کو خود چلائیں گے۔ ملتان سلطانز کے ہیڈ کا اعلان آئندہ دس دنوں میں کردیا جائے گا۔
انہوں ںے کہا کہ پی ایس ایل کا برانڈ ایمبسڈر وسیم اکرم کو بنا دیا ہے، ٹیموں کی نیلامی کے دن وسیم اکرم آکشنر ہونگے۔ پی ایس ایل کو26مارچ کی جگہ23مارچ سے کرانے کی تجویز دی ہے، اگر تمام فرنچائزز رضامند ہوئے تو23مارچ سے پی ایس ایل شروع کرینگے۔
محسن نقوی کا کہنا تھا کہ پی ایس ایل کی2نئی ٹیمیں جس دن فروخت ہونگی اس میں ہم سرخرو ہونگے، دونوں ٹیمیں اچھے نمبرز کیساتھ جائیں گی،راحت فتح علی کا کنسرٹ بھی ہے۔
چیئرمین پی سی بی نے کہا کہ عاقب جاوید نے جب سے جوائن کیا شاہینز اور انڈر19پرہمارا فوکس زیادہ تھا، انڈر 19 کا کیمپ ملتان میں لگا بچوں کے ساتھ وقت گزارا ان کو ٹرین کیا، پاکستان شاہینز اور قومی ٹیم تگڑی ہونگی جسکو چاہے مرضی بھیج دیں۔ محسن نقوی کا کہنا تھا کہ آسٹریلیا کیخلاف ابھی تک3میچز کی سیریز ہی ہوگی، ریڈ بال کوچ کا فیصلہ ہونا ابھی باقی ہے۔
انہوں نے کہا کہ جاوید مغل بطور فزیو تھراپسٹ 11 جنوری سے پی سی بی کو جوائن کرینگے، یوتھ پر ہمارا فوکس زیادہ ہے، ابھی450اسکولز کا ٹورنامنٹ کرایا، اسکول کے بچوں کو پی سی بی دیکھے گا انکا خیال رکھے گا، انڈر 19 کے بعد بچے گم نہیں ہونگے انکا خیال رکھیں گے۔ نیوز چینلز پر مختلف اسپورٹس دکھانے کے لیے انفارمیشن منسٹر سے بات کرونگا۔
چیئرمین پی سی بی نے کہا کہ بھارتی کھلاڑیوں کے رویہ کے خلاف لیٹر ڈرافٹ لکھ لیا ہے، وزیر اعظم پاکستان نے بھی کہا کہ سیاست کو کھیلوں میں نہ لایا جائے، ہمارا پہلے دن سے یہی موقف ہے کہ کرکٹ اور سیاست الگ ہونا چاہئے، بھارت کیساتھ جو چیز ہوگی برابری کی سطح پر ہوگی۔
.
ذریعہ
ذریعہ: Daily Mumtaz
پڑھیں:
پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ
اسلام آباد:پاکستان میں اسمارٹ فون استعمال کرنے والوں کا تناسب 2024ء میں 62 فیصد سے بڑھ کر جون 2026ء میں 72 فیصد ہوگیا، وزیراعظم نے ملک بھر میں ڈیجیٹل انفراسٹرکچر مزید بہتر بنانے کی ہدایت کردی۔
ایکسپریس نیوز کے مطابق وزیراعظم کی زیر صدارت وفاقی وزارت انفارمیشن ٹیکنالوجی و ٹیلی کام کی کارکردگی پر اجلاس ہوا جس میں ادارے کی کارکردگی پر بریفنگ دی گئی۔
اجلاس میں وزیر قانون اعظم نذیر تارڑ ، وزیر اقتصادی امور احد چیمہ ، وزیر آئی ٹی شزا فاطمہ، وزیر تعلیم خالد مقبول، وزیر مملکت خزانہ بلال اظہر کیانی، گورنر اسٹیٹ بینک جمیل احمد اور متعلقہ اعلیٰ سرکاری افسران نے شرکت کی۔
وزیراعظم کو بریفنگ میں بتایا گیا کہ موبائل اسپیکٹرم کی دستیابی جون 2025ء میں 274 میگا ہرٹز سے بڑھ کر جون 2026ء میں 880 میگا ہرٹز ہوگئی، موبائل اسپیکٹرم میں اضافے سے انٹرنیٹ کی رفتار اور کنیکٹیویٹی میں نمایاں بہتری آئے گی۔
وزیراعظم کو "کنیکٹ پاکستان وژن 2030ء " کے اجراء کی تیاریوں پر بریفنگ دی گئی، بتایا گیا ہے کہ باغ، آزاد جموں و کشمیر میں سافٹ ویئر ٹیکنالوجی پارک مکمل ہو چکا ہے، پاکستان میں اسمارٹ فون استعمال کرنے والوں کا تناسب 2024ء میں 62 فیصد سے بڑھ کر جون 2026ء میں 72 فیصد ہوگیا، جون 2026ء تک 5.1 ملین گھروں میں فکسڈ براڈ بینڈ /فائبر کنکشن دئیے گئے، حکومتی اقدامات کی بدولت پچھلے مالی سال آئی ٹی کے شعبے میں ہوئی برآمدات میں فری لانسرز کا حصہ 1164.7 ملین ڈالر رہا۔
بریفنگ میں بتایا گیا کہ ڈیجیٹل نیشن پاکستان کے تحت حکومت پاکستان کی 130 سروسز کو ڈیجیٹائز کیا جا چکا ہے، پچھلے مالی سال آئی ٹی کے شعبے میں 942,646 تربیتی سرٹیفکیٹس دیئے گئے جن میں 5053 ہائے اینڈ تربیتی پروگرام منعقد ہوئے ؛ لیڈرشپ اور سافٹ اسکلز کی 2700 ٹرینینگز کا انعقاد ہوا، ویمن انوویشن اینڈ اسٹارٹ اپ ایمپاورمنٹ لیب کے منصوبہ کا افتتاح جلد ہی ہوگا۔
وزیراعظم کو بتایا گیا کہ چینی کمپنی علی بابا کے ساتھ مفاہمتی یادداشت کے تحت وفاقی حکومت کی کئی وزارتوں اور اداروں میں مصنوعی ذہانت کی نفاذ اور اس حوالے سے کئی منصوبے اور تربیتی سیشنز منعقد کئے جا رہے ہیں۔
بتایا گیا کہ سیکیورٹی اینڈ ایکسچینج کمیشن، وزارت ریلوے، اسٹیٹ بینک آف پاکستان، فیڈرل بورڈ آف ریونیو، آئل اینڈ گیس ریگولیٹری اتھارٹی، وزارت قومی غذائی تحفظ ، اسمال اینڈ میڈیم انٹرپرائزز ڈویلپمنٹ اتھارٹی، پاکستان سنگل ونڈو، وزارت قومی غذائی تحفظ، ڈرگ ریگولیٹری اتھارٹی آف پاکستان، پاکستان پوسٹ، وفاقی ترقیاتی ادارہ، وزارت بحری امور اور ہائیر ایجوکیشن کمیشن میں علی بابا مصنوعی ذہانت کے کئی منصوبوں پر کام کر رہی ہے۔
وزیراعظم نے پاکستان کی سالانہ آئی ٹی برآمدات 21 فیصد اضافے کے ساتھ 4.6 ارب امریکی ڈالر تک پہنچنے پر وزیر انفارمیشن ٹیکنالوجی اور تمام ٹیم کی پذیرائی کی۔
وزیراعظم نے کہا کہ آئی ٹی برآمدات میں نمایاں اضافہ حکومت کی ڈیجیٹل معیشت کی ترقی کے لیے لئے جانے والے اقدامات پالیسیوں کا ثمر ہے، ملک میں آئی ٹی کے شعبے کا فروغ اور آئی ٹی سے متعلق برآمدات میں اضافہ حکومت کی اولین ترجیحات میں شامل ہے، آئی ٹی کے شعبے میں دیئے جانے والے تربیتی کورسز کی معتبر تھرڈ پارٹی ویلیڈیشن یقینی بنائی جائے، آئی ٹی کے شعبے میں تربیت کے معیار پر کوئی سمجھوتہ نہیں ہوگا۔
وزیراعظم نے ملک بھر میں ڈیجیٹل انفراسٹرکچر مزید بہتر بنانے کی ہدایت کی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا