ڈاکٹر شمشاد اختر نے اسٹیٹ بینک آف پاکستان کی پہلی خاتون گورنر کے طور پر تاریخ رقم کی
اشاعت کی تاریخ: 28th, December 2025 GMT
اسٹیٹ بینک نے ڈاکٹر شمشاد اختر کی وفات پر تعزیتی پیغام جاری کیا ہے، اسٹیٹ بینک بورڈ، انتظامیہ اور تمام عملہ نے سابق گورنر ڈاکٹر شمشاد اختر کے انتقال پر گہرے دکھ و رنج کا اظہار کیا ہے۔
اعلامیے کے مطابق ڈاکٹر شمشاد اختر نے اسٹیٹ بینک کی پہلی خاتون گورنر کے طور پر تاریخ رقم کی، ان کا دورِ ملازمت مثالی قیادت، دیانت داری اور عوامی خدمت کے غیر متزلزل عزم سے عبارت تھا۔
ڈاکٹر شمشاد اختر نے اسٹیٹ بینک کو مضبوط بنانے اور مستحکم مانیٹری و مالیاتی پالیسیوں کو فروغ دینے میں کلیدی کردار ادا کیا۔
ڈاکٹر شمشاد اختر نے ایک ایسی لازوال میراث چھوڑی جو آنے والی نسلوں کے لیے مشعلِ راہ رہے گی۔
اعلامیہ کے مطابق ایک ممتاز ماہرِ معاشیات اور عالمی ترقیاتی رہنما کے طور پر ان کے شاندار کیریئر نے بین الاقوامی مالیاتی اور کثیرالجہتی اداروں میں پاکستان کا وقار بلند کیا۔
ڈاکٹر شمشاد اختر کو ایک ماہرِ معاشیات، بصیرت رکھنے والی رہنما اور ملک کی مخلص خادمہ کے طور پر ہمیشہ انتہائی احترام اور تشکر کے ساتھ یاد رکھا جائے گا۔
اسٹیٹ بینک ان کے اہلخانہ، دوستوں اور عزیز و اقارب سے دلی تعزیت کا اظہار کرتا ہے، دعا ہے کہ اللّٰہ تعالیٰ ڈاکٹر شمشاد اختر کی روح کو ابدی سکون عطا فرمائے۔
.
ذریعہ
ذریعہ: Jang News
کلیدی لفظ: ڈاکٹر شمشاد اختر نے اسٹیٹ بینک کے طور پر
پڑھیں:
محسن نقوی سے فیصل کریم کنڈی کی ملاقات، سکیورٹی چیلنجز سے آگاہ کیا
اسلام آباد میں وزیر داخلہ اور گورنر کے پی کے نے فتنہ الہندوستان کے دہشتگردوں کے خلاف کامیاب انٹیلی جنس بیسڈ آپریشنز پر سکیورٹی فورسز کو خراج تحسین، دہشتگردی کے خلاف جنگ کے شہداء کو خراج عقیدت پیش کیا۔ اسلام ٹائمز۔ وفاقی وزیر داخلہ سے گورنر خیبر پختونخوا فیصل کریم کنڈی کی ملاقات ہوئی۔ دونوں راہنماؤں کے درمیاں ملاقات میں خیبر پختونخوا میں امن عامہ کی صورتحال اور دیگر اہم امور پر تفصیلی تبادلہ خیال کیا گیا۔ ملاقات میں خیبرپختونخوا میں انسدادِ دہشتگردی کے لئے اٹھائے گئے اقدامات کا جائزہ لیا گیا، گورنر خیبرپختونخوا نے صوبے کو درپیش سکیورٹی چیلنجز سے وفاقی وزیر داخلہ آگاہ کیا۔ وزیر داخلہ اور گورنر کے پی کے نے فتنہ الہندوستان کے دہشتگردوں کے خلاف کامیاب انٹیلی جنس بیسڈ آپریشنز پر سکیورٹی فورسز کو خراج تحسین، دہشتگردی کے خلاف جنگ کے شہداء کو خراج عقیدت پیش کیا۔
محسن نقوی نے کہا کہ خیبر پختونخوا میں قیام امن کیلئے سکیورٹی فورسز کی قربانیاں ناقابل فراموش ہیں، وفاقی حکومت خیبرپختونخوا میں قیام امن کیلئے خیبرپختونخوا حکومت کے ساتھ مکمل تعاون کر رہی ہے۔ اس موقع پر وفاقی وزیر داخلہ محسن نقوی نے صوبہ خیبر پختونخوا میں امن و استحکام کے لیے ہر ممکن تعاون کی یقین دہانی کرائی۔
وزارت آئی ٹی نے 1.67 ارب روپے سے زاید کے فنڈز طلب کرلیے