3 سیٹلائٹس کی لانچنگ میں تعاون کرنے پر ایرانی سفیر, روس کے شکرگزار
اشاعت کی تاریخ: 28th, December 2025 GMT
یہ تینوں سیٹلائٹس آج دوپہر روس کے "وستوچنی" خلائی مرکز سے "سایوز" راکٹ کے ذریعے خلاء میں بھیجے گئے۔ اسلام ٹائمز۔ ماسکو میں ایرانی سفیر "کاظم جلالی" نے 3 ایرانی سیٹلائٹس کی کامیاب لانچنگ کے بعد کہا کہ علم و ٹیکنالوجی کے میدان میں ایران کے لئے ایک اور افتخار، نیو جنریشن سیٹلائٹس کی کامیاب لانچنگ۔
پایا: زمین، زراعت اور ماحولیات کی نگرانی کے لئے سب سے بھاری قومی سیٹلائٹ۔
ظفر ۲: قدرتی وسائل اور خطرات کی نگرانی کے لئے زمین کی تصویربرداری کرنے والا سیٹلائٹ۔
کوثر ۱.
۵: خصوصی زرعی نگرانی اور انٹرنیٹ آف تھنگز کے مشن کے کمبائن سسٹم کے ساتھ۔
ایرانی سفیر نے کہا کہ یہ کامیابی نوجوانوں کے علم کا مظہر اور ملک کی علمی طاقت کی علامت ہے، جو روشن مستقبل اور سب کے لئے محفوظ زندگی کی نوید دیتی ہے۔ کاظم جلالی نے اسی حوالے سے سوشل نیٹ ورک ایکس پر ایرانی حکومت و عوام کو دلی مبارکباد پیش کی اور روس کا شکریہ ادا کیا۔ واضح رہے کہ یہ تینوں سیٹلائٹس آج دوپہر روس کے "وستوچنی" خلائی مرکز سے "سایوز" راکٹ کے ذریعے خلاء میں بھیجے گئے۔
کاظم جلالی نے سیٹلائٹ سازی کے میدان میں پیش رفت کا ذکر کرتے ہوئے کہا کہ یہ سیٹلائٹس، ایرانی سائنسدانوں نے ڈیزائن اور تیار کئے ہیں۔ اس سلسلے میں سرکاری اور نجی شعبے دونوں شامل رہے۔ دو سیٹلائٹس سرکاری ہیں اور ایک سیٹلائٹ نجی شعبے کی ملکیت ہے۔ اس میدان میں ہماری سائنسی کمپنیاں اور یونیورسٹیاں سرگرم ہیں۔ ہم تمام تر خطرات اور پابندیوں کے باوجود اس شعبے میں کہنے کو بہت کچھ رکھتے ہیں۔ ایرانی سفیر نے مزید کہا کہ سایوز لانچر نہایت قابلِ اعتماد ہے۔ روس سے مغرب کے تعلقات خراب ہونے سے قبل، مغربی ممالک کے بہت سے سیٹلائٹس سایوز ہی کے ذریعے لانچ کئے جاتے تھے۔ انہوں نے روس کے ساتھ خلائی اور سیٹلائٹ کے میدان میں تعاون کو مثبت قرار دیا۔ اس بارے میں انہوں نے کہا کہ ہم مختلف شعبوں میں کام کر رہے ہیں، کچھ شعبے واضح اور آشکار ہیں، جبکہ کچ ابھی ہم دنیا پر ظاہر نہیں کرنا چاہتے۔
ذریعہ
ذریعہ: Islam Times
کلیدی لفظ: ایرانی سفیر روس کے کہا کہ کے لئے
پڑھیں:
ایرانی جزیرے پر امریکی حملے کے بعد ایران کا جوابی وار، بحرین، عراق اور قطر میں سائرن بج گئے
امریکی فوج کی جانب سے ایرانی جزیرے قشم پر کارروائی کے دعوے کے بعد ایران نے خطے میں موجود امریکی مفادات اور فوجی تنصیبات کو نشانہ بنانے کا اعلان کرتے ہوئے جوابی حملوں کا دعویٰ کیا ہے۔
امریکی سینٹرل کمانڈ (سینٹ کام) کے مطابق امریکی افواج نے قشم جزیرے میں موجود ایک ایرانی فوجی تنصیب کو نشانہ بنایا۔
امریکی حکام کا کہنا ہے کہ یہ کارروائی ایران کی جانب سے میزائل اور ڈرون حملوں کے ردعمل میں کی گئی۔
سینٹ کام کے مطابق امریکی اور اتحادی دفاعی نظام نے متعدد ایرانی میزائل اور ڈرون راستے میں ہی تباہ کر دیے۔
امریکی بیان میں یہ دعویٰ بھی کیا گیا کہ ایران کی جانب سے داغے گئے بعض بیلسٹک میزائل اپنے اہداف تک پہنچنے میں ناکام رہے۔
کویت کی جانب فائر کیے گئے دو میزائل راستے میں گر گئے جبکہ بحرین کی طرف بڑھنے والے تین میزائل امریکی اور بحرینی فورسز نے فضا میں ہی تباہ کر دیے۔
اسی دوران امریکی فوج نے ایک ایسے آئل ٹینکر کو بھی ناکارہ بنانے کا دعویٰ کیا ہے جو مبینہ طور پر ایرانی جزیرے خارگ کی جانب رواں تھا۔
امریکی حکام کے مطابق مذکورہ جہاز پر بوٹسوانا کا پرچم لہرا رہا تھا۔
مزید پڑھیںایران کے ساتھ مذاکرات جاری ہیں، ڈونلڈ ٹرمپ
امریکا، اسرائیل کو جارحیت کے دوران ایرانی فضائی دفاع نے بھاری نقصان پہنچایا، ایرانی کمانڈر
دوسری طرف ایرانی پاسدارانِ انقلاب نے امریکی کارروائی کا فوری جواب دینے کا اعلان کرتے ہوئے کہا ہے کہ قشم میں کمیونیکیشن انفراسٹرکچر کو نشانہ بنانے کے بعد امریکی فوجی اڈوں پر میزائل اور ڈرون حملے کیے گئے ہیں۔
ایرانی ذرائع ابلاغ کے مطابق جوابی کارروائی میں بحرین میں موجود امریکی ففتھ فلیٹ کے ہیڈکوارٹر، بعض فضائی تنصیبات اور ہیلی کاپٹر مراکز کو ہدف بنایا گیا۔
پاسدارانِ انقلاب کا کہنا ہے کہ امریکی حملوں کا جواب دینا ناگزیر تھا اور خطے میں کسی بھی جارحیت کا بھرپور ردعمل دیا جائے گا۔
عرب میڈیا کے مطابق بحرین، کویت اور عراق میں سیکیورٹی الرٹ جاری کر دیا گیا ہے جبکہ بحرین کے مختلف علاقوں میں خطرے کے سائرن بھی بجائے گئے۔
بحرینی وزارتِ داخلہ نے شہریوں کو احتیاطی تدابیر اختیار کرنے کی ہدایت کی ہے۔
ادھر ایرانی میڈیا نے دعویٰ کیا ہے کہ آبنائے ہرمز کے قریب ایک ایرانی آئل ٹینکر کو نشانہ بنائے جانے کے بعد پاسداران انقلاب نے ایک بحری جہاز پر میزائل حملہ کیا۔
ایرانی حکام کا کہنا ہے کہ آبنائے ہرمز کی سلامتی کو خطرے میں ڈالنے کی قیمت امریکا کو چکانا پڑے گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ