نوبیاہتا جوڑے کا دلخراش انجام: بیوی کے بعد شوہر نے 1000 کلومیٹر دور جاکر خودکشی کر لی
اشاعت کی تاریخ: 29th, December 2025 GMT
بھارتی شہر بنگلورو کے ایک نوبیاہتا جوڑے کی کہانی ایک انتہائی افسوسناک انجام پر ختم ہو گئی، جہاں بیوی کی خودکشی کے 2 دن بعد شوہر نے بھی ایک ہزار کلومیٹر دور جا کر اپنی جان لے لی۔
36 سالہ سورج شوانا نے مہاراشٹر کے شہر ناگپور میں ایک ہوٹل کے کمرے میں پنکھے سے لٹک کر خودکشی کر لی۔ اس کے ساتھ سفر کرنے والی ان کی والدہ جینتی نے بھی خودکشی کی کوشش کی، جنہیں تشویشناک حالت میں مقامی اسپتال میں داخل کرایا گیا ہے۔
سورج کی خودکشی اس وقت سامنے آئی جب صرف 2 دن قبل ان کی اہلیہ گنوی (26 سال) بنگلورو میں جان سے ہاتھ دھو بیٹھی تھیں۔ گنوی کی موت کے بعد ان کے والدین کی شکایت پر سورج کے خلاف خودکشی پر مجبور کرنے اور جہیز ہراسانی کا مقدمہ درج کیا گیا تھا۔
یہ بھی پڑھیے باپ نے 3 بیٹیوں کو قتل کرکے خودکشی کرلی، 2 بیٹے بچ گئے
یہ جوڑا 29 اکتوبر کو بنگلورو میں شادی کے بندھن میں بندھا تھا اور شادی کے فوراً بعد ہنی مون کے لیے سری لنکا گیا تھا۔ تاہم، مبینہ تنازع کے بعد دونوں کو اپنا سفر ادھورا چھوڑ کر واپس آنا پڑا۔
گنوی کے اہلِ خانہ کا الزام ہے کہ شادی کے بعد اسے سسرال میں ذلت اور ردّعمل کا سامنا کرنا پڑا، جس کے بعد وہ اپنی بیٹی کو واپس گھر لے آئے۔
منگل کے روز گنوی نے خودکشی کی کوشش کی، جس کے بعد انہیں اسپتال منتقل کیا گیا، جہاں انہیں برین ڈیڈ قرار دیا گیا اور وینٹی لیٹر پر رکھا گیا۔ وہ جمعرات کو انتقال کر گئیں۔
یہ بھی پڑھ لیں نوکری کا جھانسہ اور ہراسانی، کبڈی کی معروف کھلاڑی نے خودکشی کر لی
گنوی کی موت کے بعد ان کے خاندان نے سورج اور اس کے اہلِ خانہ کے خلاف احتجاج کیا اور فوری گرفتاری کا مطالبہ کیا۔ اس دباؤ اور عوامی ردِعمل کے بعد سورج اپنی والدہ کے ساتھ بنگلورو چھوڑ کر ناگپور چلا گیا۔
ہوٹل میں پیش آنے والے واقعے کی اطلاع سورج کے بھائی سنجے شوانا نے ناگپور پولیس کو دی۔ سورج کی لاش کو پوسٹ مارٹم کے لیے بھیج دیا گیا ہے، جبکہ ان کی والدہ تاحال زندگی اور موت کی کشمکش میں مبتلا ہیں۔
یہ واقعہ ایک بار پھر معاشرتی دباؤ، خاندانی تنازعات اور ذہنی صحت کے سنگین مسائل کو اجاگر کرتا ہے، جس نے ایک نئی شادی شدہ زندگی کو چند ہی دنوں میں تباہ کر دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلورو بھارت دلہا دلہن کی خودکشی.
ذریعہ
ذریعہ: WE News
کلیدی لفظ: بنگلورو بھارت دلہا دلہن کی خودکشی کے بعد
پڑھیں:
کراچی میں شوہر کے ساتھ موٹرسائیکل چوری کی درجنوں وارداتوں میں ملوث ملزمہ گرفتار
سولچر بازار پولیس نے موٹرسائیکل لفٹنگ میں ملوث خاتون ملزمہ کو گرفتار کرلیا۔
تفصیلات کے مطابق سولچر بازارپولیس نے خفیہ اطلاع پر کارروائی کرتے ہوئے موٹر سائیکل لفٹنگ میں ملوث خاتون ملزمہ سحر بتول زوجہ کاشف خان کو گرفتار کرلیا
۔پولیس کے مطابق ملزمہ کی گرفتاری سی سی ٹی وی فوٹیج کی مدد سے عمل میں لائی گئی۔گرفتار ملزمہ اپنے شوہر کے ہمراہ موٹرسائیکل لفٹنگ کی درجنوں وارداتوں میں ملوث رہی ہے۔
دونوں میاں بیوی کو موٹر سائیکل لے جاتے ہوئے سی سی ٹی وی فوٹیج میں بھی دیکھا جاسکتا ہے۔ ملزمہ کے قبضے سے موٹر سائیکل نمبر KQX-2361 میکر سپر اسٹار 70 برآمد کرلی گئی۔
گرفتارملزمہ اورفرار شوہر کے خلاف ضابطے کے تحت مقدمہ درج، مزید تفتیش جاری ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا