وزیراعلیٰ پنجاب کی توہین قابل مذمت ہے، اسپیکر پنجاب اسمبلی
اشاعت کی تاریخ: 29th, December 2025 GMT
اسپیکر پنجاب اسمبلی ملک احمد خان نے کہا ہے کہ وزیراعلیٰ پنجاب کی توہین قابل مذمت ہے۔ انہوں نے واضح کیا کہ مریم نواز کے خلاف نازیبا زبان استعمال کرنا بھی ناقابل قبول ہے۔ اس واقعے کے بعد ایک کمیٹی بنائی گئی ہے جو تمام پہلوؤں کا جائزہ لے گی اور واقعے کے تمام مقامات دیکھے گی۔
لاہور میں میڈیا سے گفتگو میں اسپیکر نے سوال اٹھایا کہ اس مائنڈ سیٹ کے پیچھے کون ہے؟ اور کہا کہ جو لوگ مدینہ منورہ میں کچھ سمجھ نہیں پاتے، وہ پنجاب اسمبلی کی کیا اہمیت رکھیں گے۔
مزید پڑھیں: کور کمانڈر ہاؤس کے باہر احتجاج، صوبائی وزیر مینا خان آفریدی سمیت دیگر ملزمان بری
ملک احمد خان نے سیاسی جماعتوں کے کردار پر بھی زور دیا اور کہا کہ سیاسی جماعتیں وفاق کو مضبوط کرتی ہیں، اور ان کی جڑیں پورے ملک میں ہونی چاہئیں۔ انہوں نے کہا کہ سیاسی جماعتوں کے درمیان رابطے برقرار رہنے چاہئیں۔
انہوں نے اسمبلی میں سیکیورٹی کے معاملات پر بھی سختی سے کہا کہ کسی صورتحال کو نظر انداز نہیں کیا جا سکتا، اور شناختی کارڈ کے بغیر کوئی بھی اسمبلی میں داخل نہیں ہو سکتا۔ اسپیکر نے واضح کیا کہ اسمبلی میں کسی مہمان کے داخلے کے لیے اجازت ضروری ہے اور رولز کے آگے اسپیکر بھی اجازت نہیں دے سکتا۔
مزید پڑھیں: پاک بھارت کشیدگی میں نواز شریف کا بیان اہمیت کا حامل ہوگا، اسپیکر پنجاب اسمبلی ملک احمد خان
ملک احمد خان نے وزیراعلیٰ خیبرپختونخوا سہیل آفریدی کا ایوان میں خیر مقدم کیا اور کہا کہ پنجاب اسمبلی میں کے پی کے اسمبلی کے ساتھ پیش آنے والے معاملات پر بھی توجہ دی گئی ہے۔ انہوں نے یہ بھی کہا کہ کے پی کے اسمبلی میں خواتین پر تشدد کسی صورت قابل قبول نہیں ہے۔
اسپیکر نے زور دیا کہ ایوان کی کارروائی رولز کے مطابق چلائی جاتی ہے اور تمام ممبران کو اس کی پابندی کرنا ضروری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
خیبر پحتونخوا کے وزیراعلیٰ سہیل آفریدی سہیل آفریدی مریم نواز ملک محمد احمد خان مینا خان.
ذریعہ
ذریعہ: WE News
کلیدی لفظ: خیبر پحتونخوا کے وزیراعلی سہیل ا فریدی سہیل ا فریدی مریم نواز ملک محمد احمد خان پنجاب اسمبلی ملک احمد خان اسمبلی میں انہوں نے کہا کہ
پڑھیں:
لاہور ڈی ایچ اے میں بارش کے بعد پانی بھرگیا، رابی پیرزادہ کا مریم نواز سے شکوہ
پنجاب میں بارشوں کے بعد لاہور کے ڈی ایچ اے میں بھی گھٹنوں گھٹنوں پانی کھڑا ہوگیا۔ رابی پیرزادہ نے بھی اپنے گھر کے قریب کھڑے پانی کی ویڈیو بناتے ہوئے وزیراعلیٰ پنجاب مریم نواز سے شکوہ کر ڈالا۔
رابی پیرزادہ نے اپنے فیس بک پیج پر بارش کے بعد کھڑے ہوئے پانی کی ایک ویڈیو شیئر کی ہے جس کا کیپشن ’’بارش کے بعد لاہور کی صورت حال اور مریم نواز کا ستھرا پنجاب‘‘ دیا ہے۔ اور ویڈیو پر لکھا ہے ’’مریم نواز صاحبہ، دیکھیں لاہور کے ساتھ کیا ہورہا ہے‘‘۔
رابی پیرزادہ نے وزیراعلیٰ پنجاب کو مخاطب کرتے ہوئے کہا ’’مریم نواز صاحبہ! یہ میں اپنے گھر میں کھڑی ہوں، جو کہ لاہور کے مہنگے ترین علاقے میں آتا ہے، یہ ڈی ایچ اے فیز ون ہے۔ میرے آفس ، میرے اسکول کے اندر بہت نقصان ہوا ہے۔ وہ شعیب صاحب جن سے آپ ساری انفارمیشن لیتی ہیں وہ پتا نہیں کس علاقے میں رہتے ہیں۔ ڈی ایچ اے کا حال بہت خراب ہے۔ مجھے نہیں پتا وہ 960 گاڑیاں کہاں کام کررہی ہیں۔‘‘
https://www.facebook.com/RabiPirzadaMusic/videos/%D8%A8%D8%A7%D8%B1%D8%B4-%DA%A9%DB%92-%D8%A8%D8%B9%D8%AF-%D9%84%D8%A7%DB%81%D9%88%D8%B1-%DA%A9%DB%8C-%D8%B5%D9%88%D8%B1%D8%AA-%D8%AD%D8%A7%D9%84-%D8%A7%D9%88%D8%B1-%D9%85%D8%B1%DB%8C%D9%85-%D9%86%D9%88%D8%A7%D8%B2-%DA%A9%D8%A7-%D8%B3%D8%AA%DA%BE%D8%B1%D8%A7-%D9%BE%D9%86%D8%AC%D8%A7%D8%A8lahore-rain-suthrapunj/1344354571218376/رابی پیرزادہ نے بارش کے بعد علاقے کی زبوں حالی کا شکوہ کیا۔ بعد ازاں ویڈیو کے کمنٹس میں لکھا ’’یہ ویڈیو ڈی ایچ اے میں ضرور ریکارڈ ہوئی ہے، مگر بارش کے بعد تقریباً پورے لاہور کا یہی حال ہے۔ اس ویڈیو کا مقصد کسی مخصوص علاقے یا ادارے پر تنقید کرنا نہیں، بلکہ اربابِ اختیار تک عوام کی مشکلات پہنچانا ہے تاکہ بروقت اور مؤثر اقدامات کیے جا سکیں۔‘‘
رابی پیرزادہ کی یہ ویڈیو سوشل میڈیا پر وائرل ہوگئی۔ تاہم کئی صارفین نے کمنٹ کیا کہ شدید بارش کے بعد پانی کا کھڑا ہونا عام بات ہے، جو کہ فوری نہیں نکالا جاسکتا۔ لیکن چند گھنٹوں بعد پانی کی نکاسی کردی گئی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار