میئر کراچی کا جہانگیر روڈ 2 ماہ میں بنوانے کا اعلان
اشاعت کی تاریخ: 29th, December 2025 GMT
—فائل فوٹو
مئیر کراچی مرتضیٰ وہاب نے بار بار ٹوٹنے والی جہانگیر روڈ 2 ماہ میں بنوانے کا اعلان کر دیا۔
کراچی میں پریس کانفرنس کرتے ہوئے مرتضیٰ وہاب نے تاخیر کے شکار یونیورسٹی روڈ منصوبے کا مسئلہ جولائی تک اور تاخیر کے شکار کریم آباد انڈر پاس کو جلد مکمل کرنے کے عزم کا اظہا کرتے ہوئے کہا کہ جو اب تک ہوا اس پر شہریوں سے معذرت خواہ ہیں۔ غلطیاں تسلیم کرنے تک بحیثیت قوم آگے نہیں بڑھ سکتے۔
انہوں نے کہا کہ منور چورنگی انڈر پاس جون میں مکمل ہو جائے گا، شہر پر 46 ارب روپے خرچ کریں گے۔ نئے پارکس، اربن فارسٹ اور نئے قبرستان بنائیں گے، قبرستانوں کے لیے زمین وزیراعلیٰ فراہم کریں گے۔
انہوں نے کہا کہ کچھ عرصے میں زو کے کچن کو بھی پبلک کردیں گے، جو شہری جانوروں کی فلاح کے لیے کام کرنا چاہتا ہے وہ ہماراساتھ دے۔
مرتضیٰ وہاب کا کہنا تھا کہ منفی پروپیگنڈا کرنے والے شہر سے دشمنی کرتے ہیں، وہ کسی اور کا نہیں، کراچی شہر کا نقصان کرتے ہیں۔
میئر کراچی نے کہا کہ کراچی انسٹی ٹیوٹ آف ہارٹ ڈزیز اور نیشنل انسٹی ٹیوٹ آف کارڈیو ویسکولر ڈزیز کی پارٹنر شپ کے لیے حکومت کو منالیا تھا، منافقین کی وجہ سے کام رک گیا۔
.
ذریعہ
ذریعہ: Jang News
پڑھیں:
کوئٹہ: سرکاری دستاویزات میں شہریوں کو غیرقانونی سہولت دینے والے 14 ایجنٹ گرفتار
فیڈرل انویسٹی گیشن ایجنسی (ایف آئی اے) بلوچستان نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا۔
ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔
انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لیے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے کا کہنا تھا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔
بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لیے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار