مولانا سمیع الحق کی قربانیاں دین کی سربلندی کیلئے، مشن جاری رکھیں گے: زبیر احمد ظہیر
اشاعت کی تاریخ: 29th, December 2025 GMT
لاہور (نوائے وقت رپورٹ) اسلامی جمہوری اتحاد پاکستان کے سربراہ علامہ زبیر احمد ظہیر اور مرکزی سیکرٹری جنرل مولانا مقصود احمد سلفی نے ایک وفد کے ہمراہ جامعہ حقانیہ اکوڑہ خٹک میں جمعیت علمائے اسلام س کے مرکزی امیر مولانا عبد الحق ثانی، مولانا سمیع الحق کے صاحبزادے مولانا راشدالحق حقانی، سید یوسف شاہ سے ملاقات کی اور تفصیلی مذاکرات کے بعد مشترکہ پریس کانفرنس سے خطاب میں علامہ زبیر احمد ظہیر نے کہا کہ مولانا سمیع الحق اور مولانا حامد الحق کی قربانیاں صرف اور صرف دینِ اسلام کی سر بلندی، ناموسِ رسالت اور ناموس صحابہ کے تحفظ کے لئے تھیں اور ہم ان کا مشن ہر صورت جاری اور زندہ رکھیں گے اور مرتے دم تک پاکستان میں غلبہ اسلام کے لئے جد و جہد کرتے رہیں گے۔ منکرین ختمِ نبوت اور گستاخانِ صحابہ جیسے فتنوں کا ڈٹ کر مقابلہ کریں گے۔ جمعیت علمائے اسلام س کے مرکزی امیر مولانا عبدالحق ثانی نے اس موقع پر کہا کہ علامہ زبیر احمد ظہیر صاحب ہمیشہ ہمارے بڑے بزرگوں کے ہم سفر اور ساتھی رہے ہیں۔ انہوں نے نفاذ اسلام اور ختم نبوت کی تحریکوں میں حضرت مولانا عبدالحق، مولانا سمیع الحق اور مولانا حامد الحق کے ساتھ مل کر بھرپور حصہ لیا اور اب بھی ہم دینی جماعتوں کو متحد کر کے نفاذِ کتاب و سنت کے لئے مشترکہ جد و جہد کرنے کا اہتمام کریں گے۔ وفد میں مولانا حافظ اکرام الہیٰ ظہیر، میاں احسان الٰہی، امین احمدخاں اور نیک محمد خٹک بھی شریک تھے۔ آخر میں تمام علماءنے شہدائے اسلام حقانیہ کی قبروں پر جا کر ان کے لئے دعائے مغفرت کی۔
.
ذریعہ
ذریعہ: Nawaiwaqt
کلیدی لفظ: مولانا سمیع الحق زبیر احمد ظہیر کے لئے
پڑھیں:
اسلام آباد میں مارکیٹوں اور دکانوں کے اوقات کار میں توسیع کی منظوری
دارالحکومت اسلام آباد میں مارکیٹوں اور دکانوں کے اوقات کار میں توسیع کی منظوری دے دی گئی۔
نائب وزیراعظم و وزیر خارجہ اسحاق ڈارکی زیر صدارت کفایت شعاری اقدامات کی نگرانی و عملدرآمد کمیٹی کا اجلاس ہوا، جس میں مارکیٹوں اور دکانوں کے اوقات کار میں توسیع کی منظوری دی گئی۔
اعلامیہ کے مطابق دکانیں، مارکیٹیں، شاپنگ مالز اور جنرل ریٹیل رات 9 بجے تک کھلے رہ سکیں گے جبکہ ریسٹورنٹس رات 11 بجے تک کھلے رہیں گے، ٹیک اوے اور ڈلیوری سروسز مستثنیٰ ہوں گی۔
اعلامیہ کے مطابق شادی ہالز اور تقریباتی مقامات کے اوقات رات 10 بجے تک برقرار رکھنے کا فیصلہ کیا گیا ہے۔
اعلامیہ کے مطابق فارمیسی، اسپتال، پیٹرول پمپس، آئی ٹی اور ٹیلی کام سے متعلق ضروری خدمات اوقات کار کی پابندی سے مستثنیٰ ہوں گی۔
صوبائی حکومتوں کو وفاقی اداروں کے تعاون سے نئے اوقات کار پر مؤثر عملدرآمد یقینی بنانے کی ہدایت کی گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ