مریم نواز کی مؤثر حکمت عملی، کاشتکار ’مڈل مین‘ کے مالی دباؤ سے نجات حاصل کرنے میں کامیاب
اشاعت کی تاریخ: 29th, December 2025 GMT
پاکستان مسلم لیگ (ن) کے قائد نواز شریف کے وژن اور وزیراعلیٰ پنجاب مریم نواز شریف کی مؤثر حکمتِ عملی کے نتیجے میں پنجاب کے کاشتکار پہلی بار مڈل مین اور آڑھتی کے مالی دباؤ سے نجات حاصل کرنے میں کامیاب ہو گئے ہیں۔
مزید پڑھیں: وزیراعظم کا زرعی انقلاب: چھوٹے کسانوں کی مالی معاونت اور جدید ٹیکنالوجی کے فروغ کا فیصلہ
میڈیا رپورٹس کے مطابق ملکی تاریخ میں پہلی مرتبہ 8 لاکھ سے زیادہ کسانوں کو کسان کارڈ جاری کیے جا چکے ہیں، جبکہ صرف ایک سال کے دوران کاشتکاروں کو 250 ارب روپے کے بلاسود زرعی قرضے فراہم کیے گئے۔
وزیراعلیٰ مریم نواز شریف کی کسان دوست پالیسیوں کے تحت صوبے بھر کے چھوٹے کاشتکار کسان کارڈ اسکیم سے نمایاں فائدہ اٹھا رہے ہیں۔ کسانوں نے کھاد، بیج اور زرعی ادویات کی خریداری کے لیے آڑھتی کے بجائے کسان کارڈ کو ترجیح دی۔
کسان کارڈ اسکیم کے تحت پنجاب بھر میں سینکڑوں ڈیلرز رجسٹر ہوئے، جس سے زرعی کاروبار میں غیر معمولی وسعت دیکھنے میں آئی۔
اعداد و شمار کے مطابق قریباً 20 فیصد کاشتکاروں نے کسان کارڈ کے ذریعے ڈیزل بھی خریدا، جس سے وہ ادھار اور سودی نظام سے محفوظ رہے۔
وزیراعلیٰ مریم نواز شریف نے کہا ہے کہ پنجاب کا کاشتکار درحقیقت پورے ملک کی معیشت کا ستون ہے، جس کی محنت کا مکمل صلہ دینا ممکن نہیں۔
مزید پڑھیں: پاکستان میں زرعی انقلاب، وفاقی حکومت نے اہم ترین فیصلے کرلیے
ان کا کہنا تھا کہ کسان بھائیوں کی فلاح کے لیے تمام وسائل بروئے کار لائے جا رہے ہیں اور زرعی شعبے کو ترقی کی بلند ترین سطح تک پہنچانا حکومت کی اولین ترجیح ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews حکمت عملی مالی دباؤ مریم نواز وزیر اعلیٰ پنجاب وی نیوز ویژن.
ذریعہ
ذریعہ: WE News
کلیدی لفظ: حکمت عملی مالی دباؤ مریم نواز وزیر اعلی پنجاب وی نیوز ویژن کسان کارڈ نواز شریف مریم نواز
پڑھیں:
موبائل کال اور انٹرنیٹ پیکجز مہنگے، صارفین پر نیا مالی بوجھ
اسلام آباد: موبائل انٹرنیٹ پیکجز مہنگے ہونے سے ملک بھر کے لاکھوں موبائل صارفین کو اضافی اخراجات کا سامنا کرنا پڑے گا۔ پاکستان ٹیلی کمیونیکیشن اتھارٹی (پی ٹی اے) کی جانب سے جاری کردہ تازہ تفصیلات کے مطابق مختلف موبائل کمپنیوں کے متعدد کال، ہائبرڈ اور ڈیٹا پیکجز کی قیمتوں میں نمایاں اضافہ کیا گیا ہے۔
پی ٹی اے کے مطابق مختلف موبائل آپریٹرز کے 15 مقبول ہائبرڈ اور ڈیٹا اونلی پیکجز کی قیمتوں میں 33 فیصد تک اضافہ ریکارڈ کیا گیا ہے، جس کے بعد صارفین کو پہلے کے مقابلے میں زیادہ رقم ادا کرنا ہوگی۔
جاری کردہ اعداد و شمار کے مطابق ماہانہ کال اور ڈیٹا پیکجز کی قیمتوں میں 500 روپے تک اضافہ کیا گیا ہے، جبکہ 15 روزہ پیکجز اب 300 روپے تک مہنگے ہو گئے ہیں۔
اسی طرح ہفتہ وار ہائبرڈ پیکجز کی قیمت میں 130 روپے تک اضافہ کیا گیا ہے، جبکہ تین روزہ پیکجز 21 روپے، دو روزہ پیکجز 20 روپے اور ایک روزہ ہائبرڈ پیکجز 5 روپے تک مہنگے کر دیے گئے ہیں۔
پی ٹی اے کا کہنا ہے کہ صارفین کی سہولت کے لیے تمام نئی ٹیرف تفصیلات ادارے کی ویب سائٹ پر جاری کر دی گئی ہیں، جہاں مختلف موبائل کمپنیوں کے کال اور انٹرنیٹ پیکجز، ان کی مدت، قیمت اور دستیاب سہولیات کا بآسانی موازنہ کیا جا سکتا ہے۔
اتھارٹی کے مطابق اس اقدام کا مقصد ٹیلی کام شعبے میں شفافیت کو فروغ دینا اور صارفین کو مختلف موبائل کمپنیوں کے پیکجز سے متعلق درست اور مکمل معلومات فراہم کرنا ہے۔
ماہرین کا کہنا ہے کہ موبائل اور انٹرنیٹ خدمات کی قیمتوں میں اضافے سے طلبہ، فری لانسرز، آن لائن کاروبار کرنے والے افراد اور روزمرہ انٹرنیٹ استعمال کرنے والے صارفین کے ماہانہ اخراجات میں مزید اضافہ ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار