حکومت سندھ نے ٹریڈرز کو گندم کی فراہمی کے آرڈر منسوخ کر دیے
اشاعت کی تاریخ: 29th, December 2025 GMT
ٹریڈرز کو سرکاری گندم دینے پر فلاور ملز نے سندھ حکومت کو 48 گھنٹے کا الٹی میٹم دیا تھا
۔۔۔۔۔۔۔۔۔۔
فلور ملزکی جانب سے ممکنہ احتجاج اور الٹی میٹم کی دھمکی کے بعد حکومت سندھ نے ٹریڈرزکو گندم کی فراہمی کے آرڈرز منسوخ کردئیے۔
تفصیلات کے مطابق حکومت سندھ کی جانب سے ٹریڈرز کو گندم کی فراہمی روکنے کا نوٹیفکیشن جاری کر دیا گیا ہے۔فلور ملز ایسوسی ایشن کے مطابق محکمہ فوڈ کے ہنگامی مراسلے میں ٹریڈرزکو گندم کے جاری تمام چالان روک دیئے گئے ہیں۔
واضح رہے کہ فلورملزکی جانب سے گندم ٹریڈرز کو دینے پر احتجاج کا اعلان کیا گیا تھا، فلور ملز نے خدشہ ظاہرکیا تھا کہ ٹریڈرز کو گندم دی گئی تو15 جنوری کے بعد آٹا نہیں ملے گا۔فلور ملز اور سندھ حکومت کے درمیان تنازعہ گندم کی غیر منصفانہ تقسیم پر ہے، سندھ حکومت نے فلور ملز کی شکایت پر سیکریٹری فوڈ کو گھر بھیج دیا ہے، اور 20 گریڈ کے غلام عباس نئے سیکریٹری فوڈ مقرر کر دیے گئے ہیں۔
یاد رہے کہ ٹریڈرز کو سرکاری گندم دینے پر فلاور ملز نے سندھ حکومت کو 48 گھنٹے کا الٹی میٹم دیا تھا، اور مطالبہ کیا تھا کہ سندھ حکومت فوری طور پر ٹریڈرز کو فراہمی بند کرے۔فلور ملوں نے خدشہ ظاہر کیا تھا کہ اگر ٹریڈرز کو گندم جاری کرنے کا سلسلہ جاری رہا تو جنوری میں آٹا نہیں ملے گا۔ ٹریڈرز سستی گندم لے کر مہنگی فروخت کر رہے ہیں، جب کہ اس پر سندھ کے عوام کی سبسڈی ملنی چاہیے۔
.
ذریعہ
ذریعہ: Juraat
کلیدی لفظ: ٹریڈرز کو گندم سندھ حکومت فلور ملز گندم کی
پڑھیں:
سندھ میں مٹی کے طوفان نے تباہی مچا دی، 46 گرڈ اسٹیشن بند، درجنوں شہر اندھیرے میں ڈوب گئے
سکھر:سندھ کے مختلف اضلاع میں آنے والی شدید آندھی، مٹی کے طوفان اور موسلا دھار بارش نے بڑے پیمانے پر تباہی مچا دی۔
مورو میں طوفانی ہواؤں کے باعث گھروں، دکانوں، ہوٹلوں اور سرکاری و نیم سرکاری عمارتوں کی چھتوں پر نصب سولر پلیٹیں اور سائن بورڈ اکھڑ کر دور جا گرے جبکہ متعدد مقامات پر درخت اور بجلی کی تاریں بھی زمین بوس ہوگئیں۔
ریسکیو ذرائع کے مطابق مختلف حادثات میں کم از کم پانچ افراد زخمی ہوئے جنہیں فوری طور پر قریبی اسپتال منتقل کر دیا گیا۔
کئی علاقوں میں شہری خوف و ہراس کا شکار رہے جبکہ طوفان کے باعث معمولات زندگی شدید متاثر ہوئے۔
دوسری جانب لاڑکانہ، شکارپور، دادو اور گرد و نواح میں خراب موسمی صورتحال کے باعث بجلی کا ترسیلی نظام بھی بری طرح متاثر ہوا۔
سیپکو حکام کے مطابق شدید آندھی اور بارش کے نتیجے میں 220 کے وی گرڈ اسٹیشن لوڈرا، شکارپور اور دادو سے آنے والی 132 کے وی مین سپلائی متاثر ہوگئی جس کے باعث لاڑکانہ سرکل کے متعدد فیڈرز بند ہوگئے۔
سیپکو کنٹرول سینٹر کے مطابق طوفانی موسم سے 220 کے وی اور 132 کے وی کی متعدد اہم ٹرانسمیشن لائنیں ٹرپ کر گئیں جبکہ کئی مقامات پر ٹاورز، پولز اور بجلی کی لائنوں کو نقصان پہنچا ہے۔
صورتحال کے باعث مجموعی طور پر 46 گرڈ اسٹیشنز متاثر ہوئے جس سے لاڑکانہ، قمبر، شہدادکوٹ، کشمور، کندھکوٹ، گھوٹکی، خیرپور، نوشہروفیروز، مورو اور دیگر علاقوں میں بجلی کی فراہمی معطل یا شدید متاثر ہوگئی۔
سیپکو کے چیف ایگزیکٹو آفیسر انجینئر اعجاز احمد چنہ کی ہدایات پر آپریشن، کنسٹرکشن، جی ایس او اور فیلڈ ٹیموں کو ہنگامی بنیادوں پر متحرک کر دیا گیا ہے۔
انجینئرز اور تکنیکی عملہ متاثرہ علاقوں میں مرمتی کاموں میں مصروف ہے اور خراب ہونے والے پولز، ٹاورز اور ٹرانسمیشن لائنوں کی بحالی کا عمل جاری ہے۔
سیپکو حکام کا کہنا ہے کہ ادارہ اپنے تمام دستیاب وسائل استعمال کرتے ہوئے بجلی کی جلد بحالی کے لیے کام کر رہا ہے تاہم شدید موسمی حالات کے باعث مرمتی سرگرمیوں میں مشکلات کا سامنا ہے۔
متاثرہ علاقوں کے صارفین سے صبر و تحمل کی اپیل کرتے ہوئے یقین دلایا گیا ہے کہ بجلی کی فراہمی جلد از جلد بحال کرنے کی ہر ممکن کوشش کی جا رہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ