سندھ حکومت نے کم عمر بچی کو دشمن کے جال سے بچا کر بڑی تباہی ٹال دی، وزیر داخلہ سندھ ضیا الحسن لنجار
اشاعت کی تاریخ: 29th, December 2025 GMT
وزیر داخلہ سندھ ضیا الحسن لنجار نے میڈیا بریفنگ میں بتایا کہ 25 دسمبر 2025 کی شب قانون نافذ کرنے والے اداروں نے حساس اور سنگین صورتحال میں مؤثر کارروائی کرتے ہوئے کراچی کو بڑی تباہی سے بچا لیا اور بلوچستان کی ایک کم عمر بچی کو محفوظ کرلیا گیا۔
یہ بچی بلوچستان سے تعلق رکھتی ہے اور وزیر داخلہ نے واضح کیا کہ اس کی شناخت اور ذاتی تفصیلات مکمل طور پر خفیہ رکھی جائیں گی تاکہ اس کی عزت، وقار اور مستقبل ہر حال میں محفوظ رہے۔
مزید پڑھیں:کالعدم بی ایل اے کو بیرونی ایجنسیاں فنڈنگ کرتی ہیں، سرفراز بنگلزئی
ضیا الحسن لنجار نے کہا کہ دشمن اب معصوم ذہنوں کو، بالخصوص کم عمر بچیوں کو، اپنے ایجنڈے کے لیے استعمال کرنے کی کوشش کر رہا ہے۔ انہوں نے کہا کہ ریاست نے دہشتگردی، بچوں کے استحصال اور نفرت انگیز بیانیے کے خلاف زیرو ٹالرنس کی پالیسی اپنائی ہوئی ہے، اور تمام ذمہ دار نیٹ ورکس اور سہولتکاروں کو قانون کے مطابق سزا دی جائے گی۔
وزیر داخلہ نے عوامی مفاد کے لیے کیس کی تفصیلات اور متاثرہ بچی اور اس کی والدہ کا بیان بھی شائع کرنے کا اعلان کیا، تاکہ مزید کوئی بچہ یا بچی اس جال میں نہ پھنسے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلوچستان پاکستان سندھ حکومت ضیا الحسن لنجار کراچی.
ذریعہ
ذریعہ: WE News
کلیدی لفظ: بلوچستان پاکستان سندھ حکومت ضیا الحسن لنجار کراچی ضیا الحسن لنجار وزیر داخلہ
پڑھیں:
کالعدم بی ایل اے سے منسلک ملک دشمن شاعرہ کی تلاش جاری، بھارتی سرپرستی اور اور ریاست مخالف پروپیگنڈے کے شواہد برآمد
بھارتی سرپرستی میں کالعدم بلوچ لبریشن آرمی (بی ایل اے) سے منسلک ملک دشمن خاتون شاعرہ حبیبہ پیرجان کی تلاش کے لیے کارروائیاں جاری ہیں۔ حبیبہ پیرجان نوجوانوں کو نہ صرف ملک دشمنی پر ورغلاتی ہیں، بلکہ اپنی نفرت انگیز پروپیگنڈا شاعری کے ذریعے ریاست مخالف بیانیے کو فروغ دیکر معصوم ذہنوں کو دہشتگردی پر اکساتی ہیں۔
مزید پڑھیں: بی ایل اے بلوچوں کے حقوق کی قاتل، حکام نے کوئٹہ تفتان شاہراہ پر کنٹرول کا دعویٰ مسترد کردیا
ذرائع کا کہنا ہے کہ حبیبہ پیرجان، زوجہ حنیف اور ضلع کیچ کے علاقے دشت کی رہائشی ہیں، جنہیں 25 مئی 2026 کو کراچی کے علاقے گلشنِ مزدور میں ایک مشترکہ انٹیلیجنس بیسڈ آپریشن (آئی بی او) کے دوران ٹریس کیا گیا، تاہم وہ علاقے کا محاصرہ مکمل ہونے سے قبل فرار ہونے میں کامیاب ہوگئیں۔
سیکیورٹی ذرائع کے مطابق کارروائی کے دوران ان کی رہائش گاہ کی تلاشی لی گئی جہاں سے ڈائریاں، ہلاک شدہ بی ایل اے عسکریت پسندوں سے متعلق تحریری ریکارڈ اور دیگر مواد برآمد ہوا جبکہ بھارتی فنڈنگ کے کچھ اہم ثبوت بھی سامنے آئے ہیں۔
ذرائع کا دعویٰ ہے کہ برآمد شدہ مواد اور انٹیلیجنس معلومات سے یہ اشارے ملے ہیں کہ حبیبہ پیرجان کے کالعدم بی ایل اے کے متعدد اہم کمانڈروں، خصوصاً رستم پیرجان، سے قریبی روابط رہے ہیں۔
اطلاعات کے مطابق انہوں نے دشت کے جنگلات میں رستم پیرجان سے کم از کم 2 مرتبہ ملاقات کی، جن میں سے ایک ملاقات رواں برس 14 فروری کو ہوئی تھی۔
سیکیورٹی اداروں کے مطابق دستیاب ریکارڈ سے یہ بھی معلوم ہوا ہے کہ مبینہ طور پر وہ اسلحہ اور دیگر سامان کی ترسیل میں سہولت کاری، بعض بلوچ یکجہتی کمیٹی (بی وائی سی) شخصیات سے رابطوں اور سوشل میڈیا پر بی ایل اے سے منسلک پلیٹ فارمز کے ذریعے بھارتی سرپرستی میں ریاست مخالف زہریلے اور شر انگیز مواد کی تشہیر میں کردار ادا کرتی رہی ہیں۔
مزید پڑھیں: بی ایل اے کی محدود کارروائیاں اور سوشل میڈیا پر بڑا تاثر دینے کی ناکام حکمت عملی
ذرائع کا کہنا ہے کہ حبیبہ پیرجان اپنی شاعری کے ذریعے نوجوانوں کو ورغلانے اور ریاست مخالف بیانیے کو فروغ دینے پر مامور ہیں، جبکہ اس حوالے سے ملنے والے مزید شواہد کا جائزہ لیا جا رہا ہے۔
سیکیورٹی اداروں نے کہا ہے کہ ملک دشمن مطلوب خاتون کی گرفتاری کے لیے مختلف علاقوں میں کارروائیاں جاری ہیں اور تفتیش کو آگے بڑھایا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی سرپرستی بی ایل اے خاتون شاعرہ حبیبہ پیرجان رستم پیرجان
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ