پیپلز پارٹی فرانس شعبہ خواتین کے زیراہتمام بےنظیر بھٹو شہید کی 18ویں برسی
اشاعت کی تاریخ: 29th, December 2025 GMT
پاکستان پیپلز پارٹی فرانس خواتین ونگ کی صدر روحی بانو کی جانب سے محترمہ بے نظیر بھٹو شہید کی 18ویں برسی کے موقع پر تقریب منعقد کی گئی جس میں خواتین نے بڑی تعداد میں شرکت کی۔
تقریب میں مقامی خواتین سیاست دانوں، پارٹی کی سینئر خواتین رہنماؤں، کارکنان، دانشوروں اور سماجی حلقوں سے تعلق رکھنے والی نمایاں خواتین نے شرکت کی۔
پروگرام کا آغاز تلاوت قرآن پاک اور نعت رسول مقبول صلی اللہ علیہ وسلم سے ہوا۔ بے نظیر بھٹو شہید کی ایصال ثواب کے لیے 3 قرآن پاک اور 72 دفعہ سورۃ یاسین پڑھی گئی۔
بعدازاں شہید ذوالفقار علی بھٹو، بیگم نصرت بھٹو، شہید بے نظیر بھٹو، شہید میر مرتضیٰ بھٹو اور شاہنواز بھٹو کی مغفرت، بلند درجات اور ملکی سلامتی و استحکام کے لیے خصوصی دعائیں کی گئیں۔
تقریب میں شریک پارٹی کارکنوں فرحت عاشق، فرح کریم، سعدیہ، رابعہ، مبشرہ، زرینہ، سعدیہ واصف، ناصرہ خان، ستارہ شکیل اور آسیہ شہزاد نے پھول نشاور کیے اور شمعیں جلا کر بے نظیر بھٹو سے اپنی عقیدت اور والہانہ محبت کا اظہار کیا۔
سینئر ارکان ناصرہ خان، نیناں خان اور پیپلز پارٹی ویمن ونگ فرانس کی جنرل سیکرٹری سارہ کرن نے بے نظیر بھٹو کی گراں قدر خدمات کو خراج تحسین پیش کیا۔
بعدازاں روحی بانو نے کہا کہ آج 27 دسمبر کا دن تاریخِ پاکستان کا ایک ایسا المناک باب ہے جس نے پوری قوم کو سوگوار کر دیا۔ آج ہم دخترِ مشرق، عالمِ اسلام کی پہلی منتخب خاتون وزیرِاعظم اور قربانی کی عظیم مثال بےنظیر بھٹو شہید کی 18ویں برسی منا رہے ہیں۔
انہوں نے کہا کہ وہ صرف ایک سیاسی رہنما نہیں بلکہ ایک نظریہ، ایک حوصلہ اور ایک امید تھیں۔ انہوں نے آمریت کے اندھیروں میں جمہوریت کا چراغ جلایا، قید و بند کی صعوبتیں برداشت کیں، جلاوطنی کا کرب سہا، مگر کبھی اپنے اصولوں اور عوام سے رشتہ کمزور نہ ہونے دیا۔
روحی بانو نے کہا کہ محترمہ بےنظیر بھٹو نے اپنی جان دے کر ہمیں یہ سبق دیا کہ قومیں قربانیوں سے زندہ رہتی ہیں اور جمہوریت جدوجہد سے پروان چڑھتی ہے۔ اللہ تعالیٰ محترمہ بے نظیر بھٹو شہید کو جوارِ رحمت میں اعلیٰ مقام عطا فرمائے اور ہمیں ان کے خوابوں کا پاکستان بنانے کی توفیق دے۔
.
ذریعہ
ذریعہ: Jang News
کلیدی لفظ: نظیر بھٹو شہید کی بے نظیر بھٹو
پڑھیں:
ایران کے شہید سپریم لیڈر علی خامنہ ای کی تدفین مشہد میں ہوگی، تیاریاں شروع
ایران کے شہید سپریم لیڈر آیت اللہ سید علی خامنہ ای کی تدفین تین بڑے شہروں ایران، قم اور مشہد میں نماز جنازہ کے بعد مشہد میں امام رضا کے مزار میں ہوگی، جس کے لیے حکام کی جانب سے تیاریاں شروع کی گئی ہیں۔
ایرانی میڈیا کی رپورٹ کے مطابق ایران کے دارالحکومت تہران کے سماجی و ثقافتی امور کے نائب محمد امین توکلی زادہ نے بتایا کہ شہید سپریم لیڈر آیت اللہ علی خامنہ کی تدفین کے لیے تیاریاں جاری ہیں اور صرف دارالحکومت تہران میں ڈیڑھ سےدو کروڑ (15 سے 20 ملین) لوگوں کے لیے تیاریاں جاری ہیں۔
انہوں نے کہا کہ ہم دنیا کے انتہائی استکبار مخالف رہنما، امریکا اور اسرائیل کے خلاف جنگ کے عظیم کمانڈر اور ایران کے عظیم قابل تقلید رہنما کے جنازے میں شریک ہو رہے ہیں۔
امین توکلی زادہ نے کہا کہ مختلف صوبوں کی جانب سے جنازے کی میزبانی کے لیے درخواستیں کی گئی ہیں اور تدفین ممکنہ طور پر ذوالحج کے اختتام اور محرم کے شروع میں ہوگی۔
انہوں نے کہا کہ تہران میں نماز جنازے کا پروگرام تقریباً 24 گھنٹوں تک جاری رہے گا، ہم شیعہ مسلمانوں کا ایک بہت بڑا اجتماع دیکھیں گے اور یہاں تک کہ تمام مسلمانوں کا ایک عظیم اجتماع ہوگا۔
رپورٹ میں بتایا گیا کہ آیت اللہ علی خامنہ ای کی نماز جنازے میں ہمسایہ ممالک بشمول پاکستان، افغانستان، بھارت، بنگلہ دیش اور کشمیر سے بڑی تعداد میں سوگواروں کی شرکت کا امکان ہے۔
یاد رہے کہ ایران کے سابق سپریم لیڈر آیت اللہ علی خامنہ ای 28 فروری کو امریکا اور اسرائیل کے حملے میں شہید ہوگئے تھے جب ایران پر اچانک حملہ کیا گیا تھا اور بم باری کے نتیجے میں آیت اللہ علی خامنہ ای کے علاوہ ان کے خاندان کے چند انتہائی قریبی ارکان سمیت پاسداران انقلاب کے اعلیٰ کمانڈرز بھی شہید ہوگئے تھے۔
امریکا اور اسرائیل کے اس حملے میں مناب میں لڑکیوں کے ایک اسکول پربھی بم باری کی گئی تھی، جس کے نتیجے میں اسکول کی بچیوں سمیت 165 افراد شہید ہوگئے تھے، جبکہ ایران نے جواب میں اسرائیل اور خطے کے ممالک میں قائم امریکی اڈوں پر حملے شروع کیے تھے۔
پاکستان کی ثالثی میں اپریل میں امریکا اور ایران نے جنگ بندی پر اتفاق کیا اور دونوں اطراف سے حملے روک دیے گئے تاہم ایران نے آبنائے ہرمز کا کنٹرول اپنے پاس رکھا جبکہ امریکا نے ناکہ بندی کی جو تاحال جاری ہے لیکن مخصوص جہازوں کو گزرنے کی اجازت دی جاتی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ