نتن یاہو کی امریکی وزیرِ خارجہ سے ملاقات
اشاعت کی تاریخ: 29th, December 2025 GMT
ٹرمپ کے خصوصی نمائندے اسٹیو وٹکوف اور جیرڈ کُشنر، بنیامین نتن یاہو (وزیرِاعظم اسرائیل) اور مارکو روبیو (امریکی وزیرِ خارجہ) کے درمیان ہونے والی ملاقات میں موجود تھے۔ اسلام ٹائمز۔ صہیونی حکومت کے وزیرِاعظم بنیامین نتن یاہو کی امریکی وزیرِ خارجہ سے ملاقات ہوئی ہے، جس میں امریکی صدر کے خصوصی نمائندے بھی شریک تھے۔ خبر رساں ایجنسی تسنیم کے مطابق صہیونی میڈیا نے رپورٹ دی کہ امریکی صدر ڈونلڈ ٹرمپ کے خصوصی نمائندے اسٹیو وٹکوف اور جیرڈ کُشنر، بنیامین نتن یاہو (وزیرِاعظم اسرائیل) اور مارکو روبیو (امریکی وزیرِ خارجہ) کے درمیان ہونے والی ملاقات میں موجود تھے۔ تاحال اس ملاقات کے حوالے سے کوئی سرکاری بیان جاری نہیں کیا گیا ہے۔ البتہ نتن یاہو نے سوشل میڈیا پلیٹ فارم ایکس (X) پر لکھا کہ انہوں نے امریکی وزیرِ خارجہ مارکو روبیو کے ساتھ ایک بہت اچھی ملاقات کی ہے۔ مزید یہ کہ بنیامین نتن یاہو چند گھنٹوں کے اندر فلوریڈا میں امریکی صدر ڈونلڈ ٹرمپ سے بھی ملاقات کرنے والے ہیں۔
.
ذریعہ
ذریعہ: Islam Times
کلیدی لفظ: بنیامین نتن یاہو امریکی وزیر
پڑھیں:
ازبکستان میں پاکستان کے سفیر مدثر ٹیپو نے سفارتی اسناد ازبک وزیر خارجہ کو پیش کردیں
تصویر بشکریہ غیر ملکی میڈیاازبکستان میں پاکستان کے سفیر مدثر ٹیپو نے سفارتی اسناد ازبک وزیر خارجہ بخیتار سیدوف کو پیش کردیں۔
مدثر ٹیپو کا کہنا تھا کہ یہ ان کے لیے اعزاز ہے کہ انہوں نے وزیرخارجہ سے ملاقات میں یہ اسناد پیش کیں۔
ازبک وزیر خارجہ بختیار سیدوف کا کہنا تھا کہ ملاقات میں مختلف امور پر تفصیلی بات چیت کی گئی۔